☰
నవ్వు ముఖానికి అందాన్ని తెస్తుంది. కానీ పళ్ల వరుస సక్రమంగా లేకపోయినా.. పళ్లపై పసుపు రంగు ఉన్నా మనస్ఫూర్తిగా నవ్వలేరు. మాట్లాడలేరు. ఒకరకమైన ఇబ్బంది ఉంటుంది. అయితే పళ్లపై పసుపు రంగును తొలగించడానికి కొన్ని ఇంటి చిట్కాలు ఉన్నాయి. ఓసారి ట్రై చేసి చూడండి.
ఎప్పుడూ నవ్వుతూ ఉంటే మనసు ప్రశాంతంగా ఉంటుంది. ఆరోగ్యం కూడా బాగుంటుంది. కానీ పసుపు పళ్లు ఉంటే చాలామంది నవ్వడానికి సిగ్గు పడుతారు. సరిగ్గా మాట్లాడలేరు కూడా. పళ్లపై ఉన్న పసుపు రంగును తీసేయడానికి ఉదయం, సాయంత్రం బ్రెష్ చేస్తుంటారు. అయినా పళ్లు శుభ్రంగా కనిపించవు. పళ్ల పైపొరల్లో ఆహారం పేరుకుపోతూనే ఉంటుంది. దీనివల్ల తెల్లటి పిండిలాంటి పదార్థం పళ్లలో పేరుకుపోతుంది. కాఫీ, టీ, సోడా లాంటి రంగు పదార్థాలు పళ్లలో పసుపు రంగును పెంచుతాయి. పళ్లను శుభ్రం చేయకపోతే, క్రమంగా పిండిలాంటి పొర గట్టిగా మారి పళ్లను బలహీనపరచడమే కాకుండా పుచ్చిపోవడానికి కారణమవుతుంది.
కొంతమంది పళ్లలో పసుపు లేదా గోధుమ రంగు మచ్చల సమస్య కూడా ఉంటుంది. ఇది పళ్లు విరిగిపోయే సూచన అని దంత వైద్యులు చెబుతారు. కానీ దీని గురించి మొదట్లోనే జాగ్రత్త తీసుకుంటే, పళ్లు పుచ్చిపోకుండా కాపాడుకోవచ్చు. పళ్లపై పసుపు రంగును తొలగించడానికి, పిప్పి పళ్లను నివారించడానికి కొన్ని చిట్కాలు ఉన్నాయి. అవెంటో ఇక్కడ చూద్దాం.
బేకింగ్ సోడా
బేకింగ్ సోడాలో ఉండే క్షార గుణాలు పళ్లలోని ఆమ్లత్వాన్ని తగ్గిస్తాయి. దీనివల్ల పళ్లలో జిగురు పేరుకుపోయే సమస్య ఉండదు. జిగురు పేరుకుపోకపోతే, పళ్లలో పుచ్చిపోయే సమస్య ఉండదు.
పంటి పులుపును అడ్డుకుంటుంది
బేకింగ్ సోడా పంటిపై జిగురును ఏర్పడకుండా ఆపడమే కాకుండా, భవిష్యత్తులో వచ్చే పంటి పులుపు నుంచి కూడా రక్షిస్తుంది. ప్రతిరోజు బేకింగ్ సోడాతో పళ్లను మసాజ్ చేస్తే పళ్ల సమస్యల నుంచి బయటపడవచ్చు.
నోటి పరిశుభ్రత
బేకింగ్ సోడాలో బ్యాక్టీరియాను చంపే గుణాలు ఉన్నాయి. ఇది నోటిని శుభ్రంగా ఉంచడానికి సహాయపడుతుంది. ఈ మధ్యకాలంలో పిల్లల్లో కూడా పంటి సమస్యలు ఎక్కువవుతున్నాయి. చిటికెడు బేకింగ్ సోడాను వాడటం వల్ల పళ్లపై ఉండే పసుపు రంగును తొలగించవచ్చు. పళ్లను బలంగా ఉంచవచ్చు.
బేకింగ్ సోడాను ఎలా వాడాలి?
ఒక చెంచా బేకింగ్ సోడా తీసుకుని అందులో కొద్దిగా నీళ్లు కలపండి. పేస్ట్ లాగా అయ్యాక, దాన్ని మీ బ్రష్‌కు రాసి పళ్లను శుభ్రం చేయండి. దీన్ని వారానికి ఒకటి లేదా రెండుసార్లు చేయవచ్చు. కావాలంటే బేకింగ్ సోడాతో మౌత్ వాష్ కూడా చేసుకోవచ్చు. అర గ్లాసు నీటిలో ఒక చెంచా బేకింగ్ సోడా కలపండి. బ్రష్ చేసిన తర్వాత, బేకింగ్ సోడా మౌత్ వాష్‌తో పుక్కిలించండి. దీనివల్ల మంచి ఫలితాలు కనిపిస్తాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి