సంభోగం తర్వాత ఆడవారి శరీరంలో ఎన్నో లక్షణాలు కనిపిస్తాయని ఆరోగ్య నిపుణులు చెబుతున్నారు. అయితే ఈ సమయంలో కొందరు ఆడవారు కంప్లీట్ గా నార్మల్ గా ఉంటారు. ఇలాంటి వారికి ఎలాంటి సమస్యలు రావు. కానీ..
శృంగారం తర్వాత మహిళల్లో ఎన్నో మార్పులు వస్తాయి. అయితే సంభోగం తర్వాత ప్రతి మహిళలో ఒక్కో రకమైన లక్షణాలు కనిపిస్తాయంటున్నారు నిపుణులు. కాగా ఈ సమయంలో కొందరు మహిళలు పూర్తిగా నార్మల్ గా ఉంటారని, వారికి ఎలాంటి సమస్యలు ఉండవని నిపుణులు చెబుతున్నారు. అయితే కొంతమందికి ఇలా ఉండదు. అసలు శృంగారం తర్వాత మహిళల్లో ఎలాంటి మార్పులు కనిపిస్తాయి. వేటిని లైట్ తీసుకోకూడదో ఇప్పుడు తెలుసుకుందాం..
మంట
సెక్స్ తర్వాత కొంతమంది ఆడవారికి యోనిలో మంట కలుగుతుంది. ఇది సర్వ సాధారణం. సెక్స్ సమయంలో ఎక్కువ ఘర్షణ లేదా యోని కణజాలం పెరగడం వల్ల ఇలా జరుగుతుంది. సాధారణంగా సంభోగం తర్వాత కొంత సమయం తర్వాత ఈ సమస్య దానంతట అదే తగ్గిపోతుంది. అయితే కొన్ని గంటలు లేదా రోజంతా మంట అలాగే ఉండి, ఇతర సమస్య లేదా సంక్రమణగా కొంతమందికి ఉండే అవకాశం ఉంది. ఇలాంటి వారు హాస్పటల్ కు ఖచ్చితంగా వెళ్లాలి.
ఈ సమస్య రావొద్దంటే: సెక్స్ సమయంలో ల్యూబ్ ను ఖచ్చితంగా ఉపయోగించండి. అయితే నేచురల్ ల్యూబ్ మీకు మరింత ప్రయోజనకరంగా ఉంటుంది.
రక్తపు మరకలు
సెక్స్ తర్వాత కొంతమందికి రక్తపు మరకలు కనిపిస్తాయి. గర్భాశయంలో వాపు ఉన్నప్పుడు, సెక్స్ సమయంలో కుదించినప్పుడు రక్తపు మచ్చలు ఏర్పడతాయి. అలాగే కఠినమైన సెక్స్ లేదా లైంగిక భాగస్వాములను మార్చడం వల్ల కూడా ఈ సమస్య వస్తుంది. ఇది తీవ్రమైన సమస్య కానప్పటికీ.. దీని గురించి పూర్తిగా తెలుసుకోవడం చాలా ముఖ్యం.
ఈ పరిస్థితిలో ఏం చేయాలంటే: ఇలాంటి పరిస్థితిలో మీరు సెక్స్ తర్వాత యోని ప్రాంతాన్ని పూర్తిగా శుభ్రం చేయండి. సెక్స్ తర్వాత మళ్లీ లేదా రక్తం మచ్చలు కనిపిస్తే మీ గైనకాలజిస్ట్ ను సంప్రదించండి.
యోనిలో దురద
అయితే చాలా మంది కండోమ్ లను, ల్యూబ్స్ లను ఉపయోగిస్తుంటారు, కానీ ఇవి యోనిని చాలా సున్నితంగా చేస్తాయి. అలాగే దురద, చికాకు వంటి సమస్యలను కూడా కలిగిస్తాయి. అసురక్షితమై శృంగారం, పరిశుభ్రతను పాటించకపోవడం వల్ల కూడా యోనిలో దురద పెడుతుంది.
పోస్ట్ సెక్స్ సొల్యూషన్: ఈ సమస్య మీకు ఎప్పుడూ వస్తుంటే.. ఖచ్చితంగా హాస్పటల్ కు వెళ్లండి. మీకు అలెర్జీ ఉందో లేదో తెలుసుకోండి. అలాగే ఈ సమస్య మీకు అప్పుడప్పుడు వస్తుంటే.. సెక్స్ కు ముందు సరైన పరిశుభ్రత మీరు, మీ భాగస్వామి పాటించండి. అలాగే అసురక్షితమైన సెక్స్ లో పాల్గొనకూడదు.
కండరాల నొప్పి
శృంగారాన్ని వ్యాయామంతో కూడా పోలుస్తారు. దీనికి కూడా శారీరక కార్యకలాపమే అంటారు. అందుకే సెక్స్ తర్వాత మీ శరీరంలోని ఎన్నో భాగాల్లో.. ముఖ్యంగా చేతులు, పాదాలు, నడుము, తొడ మొదలైన వాటిలో నొప్పి పుడుతుంది. కొన్ని భంగిమల్లో శృంగారంలో పాల్గొంటే ఈ సమస్య మరింత ఎక్కువ అవుతుంది. ఇది సమస్య కానప్పటికీ.. జాగ్రత్తగా ఉండటం మంచిది.
ఇలాంటి పరిస్థితిలో ఏం చేయాలి: సెక్స్ తర్వాత కండరాల ఒత్తిడి, నొప్పి రావడం చాలా సహజం. ఇలాంటి పరిస్థితిలో మీరు సెక్స్ కు ముందు కొన్ని నీళ్లను తాగండి. అలాగే సెక్స్ తర్వాత కూడా తగినంత నీటిని తాగండి. దీంతో మీ శరీరం పూర్తిగా హైడ్రేట్ గా ఉంటుంది. కండరాల ఒత్తిడి, నొప్పి కూడా తక్కువగా ఉంటాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి