గుడ్డు ఆరోగ్యానికి మంచిదని అందరికీ తెలుసు. రోజుకో గుడ్డు తినాలని నిపుణులు చెబుతుంటారు. కానీ చిన్న పిల్లలకు ప్రతి రోజూ గుడ్డు పెడితే ఏమవతుందో తెలుసా? ఒకసారి తెలుసుకోండి మరీ.
ప్రతిరోజు గుడ్డు తినడం ఆరోగ్యానికి చాలా మంచిది. గుడ్డులో ఉండే పోషకాలు ఆరోగ్యానికి మేలు చేస్తాయి. అయితే చిన్న పిల్లలకు ప్రతిరోజు గుడ్డు పెట్టొచ్చా? అని చాలా మంది తల్లులకు డౌట్ ఉంటుంది. నిపుణులు ఏమంటున్నారో ఇక్కడ చూద్దాం.
27
గుడ్డులో ఉండే పోషకాలు:
గుడ్డులో ప్రోటీన్, ఐరన్, ఒమేగా 3 ఫ్యాటీ యాసిడ్లు, విటమిన్ ఎ, విటమిన్ డి, విటమిన్ ఇ, విటమిన్ బి12, విటమిన్ బి6 లాంటి అనేక పోషకాలు ఉన్నాయి. ఇవి పిల్లల ఆరోగ్యానికి చాలా మంచివి. ముఖ్యంగా పిల్లల మెదడును చురుకుగా చేయడానికి సహాయపడతాయి.
37
పిల్లలకు ప్రతిరోజు గుడ్డు తినిపిస్తే?
ప్రతిరోజు పిల్లలకు గుడ్డు తినిపిస్తే చాలా లాభాలున్నాయి. గుడ్డులో ఉండే ప్రోటీన్ పిల్లల కండరాల అభివృద్ధిలో ముఖ్య పాత్ర పోషిస్తుంది. ఒక గుడ్డులో 6 గ్రాముల ప్రోటీన్ ఉంటుంది. ఇది పిల్లల శారీరక అభివృద్ధికి సహాయపడుతుంది. పిల్లలకు ఉదయం బ్రేక్ఫాస్ట్లో గుడ్డు పెట్టడం మంచిది. ఇది ఆకలిని కూడా నియంత్రిస్తుంది.
47
మెదడు అభివృద్ధికి..
గుడ్డులో ఉండే కోలిన్ పిల్లల మెదడు అభివృద్ధికి సహాయపడుతుంది. అంతేకాకుండా ఇది పిల్లల జ్ఞాపకశక్తిని, జ్ఞానాన్ని పెంచడానికి సహాయపడుతుంది. పిల్లల ఆహారంలో ప్రతిరోజు గుడ్డు పెడితే వారికి నేర్చుకునే, అర్థం చేసుకునే సామర్థ్యం పెరుగుతుంది.
57
బలమైన ఎముకల కోసం..
గుడ్డులో ఉండే విటమిన్లు పిల్లల ఎముకలను బలంగా ఉంచడానికి సహాయపడతాయి. ప్రతిరోజు ఉదయం పిల్లలకు గుడ్డు తినిపిస్తే వారి దంత ఆరోగ్యం కూడా బాగుంటుంది. ఎముకల నిర్మాణానికి సహాయపడుతుంది. కంటి ఆరోగ్యానికి కూడా గుడ్డు మంచిది. గుడ్డులో ఉండే యాంటీఆక్సిడెంట్లు కంటి చూపును మెరుగు పరుస్తాయి.
67
సరైన జీర్ణవ్యవస్థ
గుడ్డులో ప్రోటీన్, ఫైబర్ పుష్కలంగా ఉండటం వల్ల ఇది ఆహారాన్ని సులభంగా జీర్ణం చేయడానికి, జీర్ణవ్యవస్థను ఆరోగ్యంగా ఉంచడానికి సహాయపడుతుంది.
77
పిల్లలకు గుడ్డు ఎలా తినిపించాలి?
సాధారణంగా పిల్లలకు ఉడికించిన గుడ్డు తినిపించడమే ఉత్తమం. ఆమ్లెట్, శాండ్విచ్, ఎగ్ ఫ్రై మొదలైనవి కూడా తయారు చేసి తినిపించవచ్చు. పిల్లల ఎదుగుదలకు అవసరమైన పోషకాలన్నీ గుడ్డులో ఉన్నాయి. కాబట్టి రోజూ వారికి గుడ్డు పెట్టవచ్చు.
