స్కూల్ పిల్లలకు.. బ్యాగ్ చాలా ముఖ్యమైంది. బరువైన స్కూల్ బ్యాగ్లను మోయడం వల్ల వెన్నునొప్పి, ఎముకలు, కండరాల సమస్యలు వస్తుంటాయి. కాబట్టి సరైన బ్యాగ్ను ఎంచుకోవడం చాలా ముఖ్యం. మరి ఎలాంటి బ్యాగ్ తీసుకోవడం మంచిదో ఇక్కడ చూద్దాం.
స్కూల్ పిల్లలకు బ్యాగ్ ఎంత ముఖ్యమో అందరికీ తెలుసు. పిల్లలు నోట్బుక్లను బ్యాగ్లో అమర్చుకొని, టిఫిన్ క్యారియర్ను చేతిలో పట్టుకుని స్కూల్ కు వెళ్తుంటారు. కొంతమంది పిల్లలకు వారి తల్లిదండ్రులే బ్యాగ్ను స్కూల్ వరకు తీసుకెళ్తారు. కానీ వ్యాన్, ఆటో, బస్సుల్లో ప్రయాణించే పిల్లలు బ్యాగ్లను వారే మోసుకెళ్లాల్సి ఉంటుంది. ఈ సమయంలో పిల్లలు మోసే బరువైన బ్యాగ్లు వెన్నునొప్పికి, ఎముకలు, కండరాల సమస్యలకు దారితీస్తాయి. పిల్లల వెన్ను ఆరోగ్యాన్ని కాపాడటానికి సరైన స్కూల్ బ్యాగ్ను ఎంచుకోవడం చాలా ముఖ్యం. ఎలాంటి బ్యాగ్ తీసుకోవాలో ఇక్కడ చూద్దాం.
27
బ్యాగ్ బరువు, పరిమాణం
పిల్లలు మోసే బ్యాగ్ బరువు వారి శరీర బరువులో 10-15% మించకూడదు. ఉదాహరణకు, ఒక పిల్లవాడి బరువు 20 కేజీలు అయితే బ్యాగ్ బరువు 2-3 కేజీల లోపు ఉండాలి. బ్యాగ్ దిగువ భాగం పిల్లల నడుము కంటే పైన, భుజం కంటే కింద ఉండాలి. ఇది బ్యాగ్ బరువును సమానంగా పంపిణీ చేయడానికి సహాయపడుతుంది.
37
బ్యాగ్ పట్టీలు ఇలా ఉండాలి!
బ్యాగ్ భుజం పట్టీలు వెడల్పుగా, మృదువుగా ఉండాలి. ఇది భుజాలపై ఒత్తిడిని తగ్గిస్తుంది. పిల్లల ఎత్తుకు అనుగుణంగా పట్టీలను సర్దుబాటు చేయాలి. ఛాతీ, నడుము పట్టీలు ఉన్న బ్యాగ్ను ఎంచుకోవడం మంచిది. ఈ పట్టీలు బ్యాగ్ బరువును భుజాల నుంచి నడుము, ఛాతీ ప్రాంతాలకు బదిలీ చేస్తాయి. దీనివల్ల వెన్నెముకపై ఒత్తిడి తగ్గుతుంది.
ఎక్కువ విభాగాలు ఉన్న బ్యాగ్ను ఎంచుకోండి. ఇది పుస్తకాలు, వస్తువులను సమానంగా అమర్చడానికి సహాయపడుతుంది. బరువైన పుస్తకాలు, వస్తువులను వెనుక భాగానికి దగ్గరగా ఉన్న విభాగంలో ఉంచాలి. ఇది బరువును శరీరానికి దగ్గరగా ఉంచుతుంది. రెండు వైపులా సమాన బరువు ఉండేలా పుస్తకాలను అమర్చుకోవాలి.
57
ప్యాడెడ్ బ్యాక్ప్యాక్
బ్యాగ్ వెనుక భాగం మృదువుగా ఉండి వెన్నుకు ఆధారాన్ని ఇవ్వాలి. ఇది వెన్నెముకపై ప్రత్యక్ష ఒత్తిడిని నివారిస్తుంది. కాబట్టి అలాంటి బ్యాగ్ ఎంచుకోవడం చాలా ముఖ్యం.
67
చక్రాలున్న బ్యాక్ప్యాక్లు
చాలా బరువైన పుస్తకాలను మోయాల్సిన పిల్లలకు చక్రాలున్న బ్యాగ్లు మంచి ఎంపిక. కానీ మెట్లు ఎక్కేటప్పుడు, అసమాన ప్రదేశాల్లో వెళ్లేటప్పుడు వీటిని లాగడం కాస్త కష్టంగా ఉంటుంది.
77
ఇవి గుర్తుంచుకోండి
- నాణ్యమైన మెటీరియల్తో తయారుచేసిన బ్యాగ్ తీసుకోవాలి. దానివల్ల బ్యాగ్ తరచుగా మార్చాల్సిన అవసరం ఉండదు.
- పిల్లలను ఒకే భుజంపై బ్యాగ్ను మోయనివ్వకండి. ఎప్పుడూ రెండు భుజాలపై బ్యాగ్ను ధరించేలా చూడండి.
- రోజూ స్కూల్కి అవసరం లేని పుస్తకాలు, వస్తువులను తీసుకెళ్లకుండా చూడండి.
- తరచుగా బ్యాగ్ బరువును చెక్ చేసి దాన్ని తగ్గించడానికి ప్రయత్నించండి.
