Summer Vacation : మండుటెండల్లో యూరప్ టూర్ ... తక్కువ బడ్జెట్ లోనే ఈ 5 దేశాలు చుట్టిరావచ్చు

సమ్మర్ ట్రిప్ కల అయితే ఈ యూరప్ దేశాలకు ఇండియా నుండి తక్కువ ధరలో ఫ్లైట్స్ ఉన్నాయి.  ఇక్కడికి వెళ్లి అందమైన ప్రాంతాలను సందర్శించడం, ఆ దేశ చరిత్ర తెలుసుకొండి, రుచికరమైన వంటలు తినండి, ఎక్కువ ఖర్చు లేకుండా హాయిగా ట్రిప్ ముగించుకొండి. 

సమ్మర్ లో యూరప్ ట్రిప్ వెళ్లాలని ఉందా? అయితే ఇదే మంచి టైం. హైదరాబాద్, ఢిల్లీ, ముంబై, బెంగళూరు నుండి తక్కువ ధరలో ఫ్లైట్స్ ఎక్కడికి ఉన్నాయో చూద్దాం. జర్మనీ వీధుల నుండి ఇటలీ తీరాల వరకు, మే నెలలో బెస్ట్ బడ్జెట్ ఫ్రెండ్లీ యూరప్ ట్రిప్స్ ఇవే.

జర్మనీ

జర్మనీ అందాలు చూడటానికి మే నెల బెస్ట్. బెర్లిన్‌లో బ్రాండెన్‌బర్గ్ గేట్, హోలోకాస్ట్ మెమోరియల్ చూడొచ్చు. ఆర్ట్ ఇష్టపడేవాళ్ళు బెర్లిన్ మ్యూజియం లేదా ఈస్ట్ సైడ్ గ్యాలరీకి వెళ్లొచ్చు.

బెర్లిన్ కాకుండా గోతిక్ కేథడ్రల్, రైన్ క్రూయిజ్‌ల కోసం కొలోన్ వెళ్లొచ్చు. ఫ్రాంక్‌ఫర్ట్ రోమెర్‌బర్గ్ స్క్వేర్, క్లీన్‌మార్క్‌థల్లే మార్కెట్ మధ్యయుగపు అందాలు, లోకల్ వంటకాలు అందిస్తాయి.

సగటు హోటల్ ధర: ₹20,000/రాత్రి

సగటు ఆహార ధర: ₹4,614/రోజు

నెదర్లాండ్స్

నెదర్లాండ్స్‌లో మే నెలలో వాతావరణం, తులిప్ పూల తోటలు చాలా బాగుంటాయి. ఆమ్‌స్టర్‌డామ్ వెళ్ళినవాళ్ళు రిజ్‌క్స్‌మ్యూజియం, వాన్ గోహ్ మ్యూజియం, అన్నే ఫ్రాంక్ హౌస్ చూడొచ్చు లేదా సిటీలో కెనాల్ క్రూయిజ్ చేయొచ్చు.

గ్రోనింగెన్, వోలెండమ్, రోటర్‌డామ్‌లకు వెళితే అందమైన ఫిషింగ్ విలేజ్‌లు, విండ్‌మిల్స్, మోడ్రన్ ఆర్కిటెక్చర్ చూడొచ్చు. బీర్ తాగేవాళ్ళ కోసం హీనెకెన్ ఎక్స్‌పీరియన్స్ ఒక ఇంటరాక్టివ్ బ్రూవరీ టూర్ అందిస్తుంది.

సగటు హోటల్ ధర: ₹19,000/రాత్రి

సగటు ఆహార ధర: ₹3,960/రోజు

ఫ్రాన్స్

మే నెలలో పారిస్ చూడటానికి చాలా బాగుంటుంది. లౌవ్రే, ఆర్క్ డి ట్రయోంఫ్, నోట్రే-డేమ్ చూడొచ్చు. ఈఫిల్ టవర్, సీన్ క్రూయిజ్‌లు సిటీ అందాలను చూపిస్తాయి.

ఫ్రెంచ్ రివేరాలో లా క్రోయిసెట్, నైస్ ఓల్డ్ టౌన్, సెయింట్-ట్రోపేజ్ బీచ్‌లు రిలాక్స్ చేయడానికి బాగుంటాయి. స్ట్రీట్ కేఫ్‌ల నుండి ఫైన్ డైనింగ్ వరకు అన్నీ అందుబాటులో ఉంటాయి.

సగటు హోటల్ ధర: ₹19,000/రాత్రి

సగటు ఆహార ధర: ₹3,960/రోజు

ఆస్ట్రియా

వియన్నాలోని హోఫ్‌బర్గ్ ప్యాలెస్, స్కోన్‌బ్రన్ ప్యాలెస్, వియన్నా స్టేట్ ఒపెరాలో ఆస్ట్రియా చరిత్ర కనిపిస్తుంది. చారిత్రక లైబ్రరీలు, డానుబే క్రూయిజ్‌లు సిటీకి మరింత అందాన్నిస్తాయి.

హాల్‌స్టాట్ సరస్సు, సాల్జ్‌బర్గ్ మిరాబెల్ ప్యాలెస్ ఆస్ట్రియా అందమైన ప్రదేశాలను చూపిస్తాయి. సాల్జ్‌బర్గ్‌లో కల్చరల్ టూర్స్, మొజార్ట్ వారసత్వాన్ని చూడొచ్చు.

సగటు హోటల్ ధర: ₹23,000/రాత్రి

సగటు ఆహార ధర: ₹4,614/రోజు

ఇటలీ

ఇటలీ చూడటానికి మే నెలలో వాతావరణం చాలా బాగుంటుంది. రోమ్‌లోని కొలోసియం, ట్రెవి ఫౌంటెన్, సెయింట్ పీటర్స్ బాసిలికా చరిత్ర ఇష్టపడేవాళ్ళని ఆకర్షిస్తాయి. వాటికన్ సిటీలో చాలా మంది వస్తారు.

మిలన్ నవిగ్లి జిల్లాలో నైట్ లైఫ్, ఆర్కిటెక్చర్ బాగుంటాయి. వెనిస్‌లో గొండోలా రైడ్స్, సెయింట్ మార్క్స్ బాసిలికా క్లాసిక్ ఇటాలియన్ అనుభూతిని ఇస్తాయి.

అమల్ఫీ కోస్ట్, పొసిటానో, సోరెంటో వంటి పట్టణాలతో, అందమైన బోట్ టూర్స్, సముద్రతీరంలో రిలాక్స్ అవ్వడానికి లిమోన్సెల్లోతో చాలా బాగుంటుంది.

సగటు హోటల్ ధర: ₹18,000/రాత్రి

సగటు ఆహార ధర: ₹5,536/రోజు