Wine Tips: వైన్‌లో ఏం క‌లుపుకొని తాగాలి.? వైన్ తాగే స‌రైన విధానం ఏంటో 90 శాతం మందికి తెలియ‌దు

Wine Tips: వైన్‌ను ఎవరికిష్టమైన విధంగా వారు తాగుతుంటారు. అయితే వైన్‌ను సరైన పద్ధతిలో తాగితే దాని అసలు రుచి, సువాసన, ప్రత్యేకతను మరింత బాగా ఆస్వాదించవచ్చని చెబుతుంటారు. వైన్‌ను ఎలా తాగాలి? ఎలాంటి గ్లాస్ ఉపయోగించాలి? ఇప్పుడు తెలుసుకుందాం. 

వైన్‌కు సరైన గ్లాస్ ఎందుకు ముఖ్యం?

వైన్ తాగే గ్లాస్ ఆకారం, పరిమాణం దాని రుచి, సువాసనపై ప్రభావం చూపుతాయి.

రెడ్ వైన్ గ్లాస్: పెద్ద బౌల్ ఆకారంలో ఉంటుంది. దీంతో వైన్‌కు గాలి బాగా తగిలి రుచి మరింత మెరుగవుతుంది.

వైట్ వైన్ గ్లాస్: కొద్దిగా సన్నగా ఉంటుంది. దీంతో వైన్ చల్లదనాన్ని ఎక్కువసేపు నిలుపుకోవచ్చు.

రోజే వైన్ గ్లాస్: వైన్ రంగు, సువాసన బాగా ఆస్వాదించేలా ప్రత్యేక ఆకారంలో ఉంటుంది.

స్పార్క్లింగ్ వైన్ లేదా షాంపేన్: పొడవుగా, సన్నగా ఉండే ఫ్లూట్ గ్లాస్‌లో వడ్డిస్తారు. దీంతో బుడగలు ఎక్కువసేపు నిలుస్తాయి.

సరైన గ్లాస్ ఉపయోగిస్తే వైన్ అసలు రుచి, సువాసనను పూర్తిగా ఆస్వాదించే అవకాశం ఉంటుంది.

వైన్ గ్లాస్‌ను ఎలా పట్టుకోవాలి?

చాలామంది గ్లాస్ బౌల్ భాగాన్ని పట్టుకుంటారు. కానీ అది సరైన పద్ధతి కాదు. గ్లాస్‌ను ఎప్పుడూ స్టెమ్ (కింది కాడ) పట్టుకోవాలి. బొటనవేలు, చూపుడు వేలు, మధ్యవేలితో స్టెమ్‌ను పట్టుకోవడం ఉత్తమం. గ్లాస్ బౌల్‌ను చేతితో పట్టుకుంటే శరీర వేడి వల్ల వైన్ ఉష్ణోగ్రత మారి రుచి తగ్గే అవకాశం ఉంటుంది. అలాగే గ్లాస్‌పై వేలిముద్రలు కూడా పడకుండా ఉంటుంది. స్టెమ్ లేని గ్లాస్ అయితే కింద భాగాన్ని మాత్రమే పట్టుకోవాలి.

వైన్‌ను ఎలా పోయాలి? డికాంటింగ్ అంటే ఏమిటి?

వైన్ పోసేప్పుడు కూడా కొన్ని నియమాలు పాటిచంఆలి. ముందుగా వైన్‌ను సరైన ఉష్ణోగ్రతలో చల్లబరచాలి. బాటిల్‌ను కింద భాగంలో పట్టుకుని నెమ్మదిగా గ్లాస్ పక్కవైపు నుంచి పోయాలి. రెడ్ వైన్‌ను గ్లాస్‌లో మూడో వంతు వరకు మాత్రమే నింపాలి. వైట్, స్పార్క్లింగ్ వైన్‌ను సగం నుంచి మూడింట రెండు వంతుల వరకు నింపడం మంచిది. డికాంటింగ్ అంటే వైన్‌ను బాటిల్ నుంచి ప్రత్యేక పాత్రలోకి మార్చడం. ఇలా చేయడం వల్ల ముఖ్యంగా పాత రెడ్ వైన్‌లో ఉండే మట్టి వంటి అవశేషాలు వేరవుతాయి. అలాగే వైన్‌కు గాలి తగిలి దాని రుచి, సువాసన మరింత మెరుగవుతుంది. ముఖ్యంగా క్యాబెర్నెట్ సావిన్యోన్, సిరా వంటి రెడ్ వైన్‌లకు ఇది ఉపయోగకరంగా ఉంటుంది. ఇక కొంద‌రు వైన్‌లో కూల్‌డ్రింక్స్ క‌లుపుకొని తాగుతారు. కానీ ఇది ఏమాత్రం మంచిది కాదు.

ప్రొఫెషనల్స్‌లా వైన్ రుచి ఎలా చూడాలి?

వైన్ టేస్టింగ్‌లో నాలుగు ప్రధాన దశలు ఉంటాయి.

స్ప‌ష్టంగా గ‌మ‌నించండి:

పార‌ద‌ర్శ‌క‌మైన గ్లాసులో వైన్ పోససుకుంటే రంగు, స్పష్టతను గమనించవ‌చ్చు. కొద్దిగా వంచి రంగులో వచ్చే మార్పులను పరిశీలించండి.

వాసన చూడండి:

గ్లాస్‌ను మెల్లగా తిప్పి సువాసన బయటకు వచ్చేలా చేయాలి. తర్వాత చిన్న చిన్నగా వాసనను ఆస్వాదించండి. పండ్లు, పూలు, మసాలా దినుసుల వంటి వాసనలు గుర్తించే ప్రయత్నం చేయాలి.

రుచి చూడండి:

చిన్న సిప్ తీసుకుని నోటిలో మొత్తం వ్యాపించేలా చేయాలి. తీపి, పులుపు, చేదు, టానిన్స్, ఆల్కహాల్ స్థాయి వంటి అంశాలను గమనించాలి. మింగిన తర్వాత రుచి ఎంతసేపు ఉంటుందో కూడా పరిశీలించాలి.

వైన్ తాగేటప్పుడు గుర్తుంచుకోవాల్సిన ముఖ్యమైన విషయాలు

వైన్‌ను ఆస్వాదించడం అంటే కేవలం తాగడం మాత్రమే కాదు. సరైన గ్లాస్ ఎంపిక, సరైన ఉష్ణోగ్రత, గ్లాస్ పట్టే విధానం, పోసే పద్ధతి, రుచి చూసే తీరు అన్నీ కలిసి మంచి అనుభూతిని ఇస్తాయి. అలాగే ప్రతి రకం వైన్‌కు వేర్వేరు ప్రత్యేకతలు ఉంటాయి. వాటికి అనుగుణంగా గ్లాస్, వడ్డించే విధానం మారుతుంది. ఈ చిన్నచిన్న పద్ధతులు పాటిస్తే వైన్‌లోని అసలు రుచి, సువాసన, నాణ్యతను పూర్తిగా ఆస్వాదించవచ్చు.