Nighty Reuse: పాత నైటీలు పడేయకుండా ఇంట్లోకి పనికొచ్చే వస్తువులు చేసేయండి

Nighty Reuse: పాత నైటీలను పడేస్తున్నారా? నిజానికి వాటితో ఇంట్లోకి అవసరమైన వస్తువులను తయారుచేయవచ్చు.  వాటితో కిచెన్ ఆప్రాన్, కుషన్ కవర్లు, స్టోరేజ్ పౌచ్‌లు, టేబుల్ రన్నర్, హ్యాంగింగ్ ఆర్గనైజర్ వంటి అందమైన వస్తువులు తయారు చేసుకోవచ్చు.

పాత నైటీ పడేయకండి

మీరు వాడేసిన పాత నైటీలు బీరువాలో ఓ మూలన పడి ఉన్నాయా? వాటిని పడేద్దామనుకుంటున్నారా?  కానీ కాస్త కొత్తగా ఆలోచిస్తే అవే నైటీలతో ఇంటికి పనికొచ్చే వస్తువులు తయారుచేయొచ్చు. ముఖ్యంగా కాటన్ లేదా మెత్తటి వస్త్రంతో ఉన్న నైటీలను తిరిగి ఉపయోగించుకోవచ్చు.  పాత బట్టలకు కొత్త లుక్ ఇచ్చి ఇంటిని స్టైలిష్‌గా మార్చుకోవచ్చు. మీ ఇంట్లో ఉన్న పాత నైటీలతో ఏం చేయాలో తెలుసుకోండి. 

యాప్రాన్ కుట్టేయండి

పాత నైటీలో మంచి భాగాన్ని కత్తిరించి దాన్ని యాప్రాన్ గా మారుకోవచ్చు. కాటన్ నైటీతో చేసిన యాప్రాన్ వంట చేసేటప్పుడు సౌకర్యంగా ఉంటుంది. యూట్యూబ్ లో యాప్రాన్ కుట్టే ట్యుటోరియల్స్ దొరుకుతాయి. ఆ వీడియోలు చూస్తూ కుట్టేయచ్చు. ప్రింటెడ్ నైటీతో చేసిన ఆప్రాన్ కిచెన్‌కు ఆకర్షణీయమైన లుక్ ఇస్తుంది.

కుషన్ కవర్లు

నైటీ క్లాత్ మంచి రంగులతో ఉంటే దాన్ని అందమైన కుషన్ కవర్లుగా మార్చేయచ్చు.  లివింగ్ రూమ్, బెడ్‌రూమ్ వాడే తలగడలకు ఈ కర్లు వేసుకోవచ్చు. ఇంటి లుక్ మారిపోతుంది. పాత బట్టలను ఇలా తిరిగి వాడటం వల్ల తక్కువ ఖర్చుతో ఇంటిని అందంగా అలంకరించుకోవచ్చు. 

పౌచ్‌లు..

పాత నైటీతో చిన్న, పెద్ద పౌచ్‌లు కుట్టించుకోవచ్చు. వీటిని తయారు చేయడం కూడా చాలా సులువు. వీటిలో మేకప్ సామాన్లు, నగలు, పిల్లలవస్తువులు పెట్టుకోవచ్చు. మెత్తటి క్లాత్ కావడం వల్ల ఈ పౌచ్‌లు తేలికగా, వాడటానికి సులువుగా ఉంటాయి.

వాల్ హ్యాంగింగ్

పాత పువ్వుల నైటీని వాల్ హ్యాంగింగ్ ఆర్గనైజర్ గా మార్చుకోవచ్చు. ఇందులో చాలా పాకెట్లు పెట్టి దువ్వెనలు, తాళాలు, రిమోట్, స్టేషనరీ,  చిన్న చిన్న వస్తువులు పెట్టుకోవచ్చు. దీన్ని గదిలో గోడకు తగిలించుకోవచ్చు. దీనివల్ల ఇల్లు నీట్‌గా కనిపిస్తుంది.