Hair Care Tips: ప్రస్తుతం చాలామంది జుట్టు రాలే సమస్యతో బాధపడుతున్నారు. ఖరీదైన షాంపూలు, ఆయిల్స్ వాడినా చాలామందికి ఫలితం ఉండదు. కానీ తలస్నానం చేసేటప్పుడు ఈ 5 సింపుల్ టిప్స్ పాటిస్తే జుట్టు రాలే సమస్య తగ్గుతుందంటున్నారు నిపుణులు. అవేంటో చూద్దాం.
గజిబిజి లైఫ్ స్టైల్, కాలుష్యం, ఒత్తిడి, ఇతర కారణాల వల్ల చాలామందికి జుట్టు రాలే సమస్య ఎదురవుతుంటుంది. కానీ ఈ సమస్యకు కొన్ని సింపుల్ చిట్కాలతో చెక్ పెట్టవచ్చు అంటున్నారు నిపుణులు. ఈ చిట్కాలతో జుట్టు ఆరోగ్యంగా, బలంగా మారుతుందట. మరి ఆలస్యమెందుకు ఆ చిట్కాలు మీరు ట్రై చేయండి.
26
గోరువెచ్చని నీటితో తలస్నానం
తలస్నానం చేసేటప్పుడు ఎప్పుడూ గోరువెచ్చని నీళ్లను మాత్రమే వాడాలి. బాగా వేడిగా ఉండే నీళ్లు తల చర్మాన్ని పొడిగా మార్చి సహజమైన నూనెలను తొలగిస్తాయి. దీనివల్ల జుట్టు బలహీనమై రాలడం మొదలవుతుంది. అలాగే చల్లటి నీరు కూడా కొంతమందికి తలలో తేమను సరిగా క్లీన్ చేయకపోవచ్చు. కాబట్టి గోరువెచ్చని నీరు ఉపయోగించడం ఉత్తమం. ఇది స్కాల్ప్ను శుభ్రంగా ఉంచడమే కాకుండా రక్త ప్రసరణను మెరుగుపరుస్తుంది. దీని వల్ల జుట్టు మూలాలు బలపడతాయి.
36
షాంపూను నేరుగా అప్లై చేయకూడదు
చాలామంది షాంపూను డైరెక్ట్గా తలపై వేసి రుద్దుతుంటారు. ఇది స్కాల్ప్ను ఇర్రిటేట్ చేసి జుట్టు రాలడానికి కారణమవుతుంది. షాంపూను కొద్దిగా నీటిలో కలిపి తర్వాత తలకు అప్లై చేస్తే అది సమానంగా వ్యాపించి మురికి సులభంగా తొలగుతుంది. అలాగే కెమికల్స్ ప్రభావం కూడా తగ్గుతుంది. ఈ చిన్న మార్పు జుట్టు ఆరోగ్యంపై పెద్ద ప్రభావాన్ని చూపుతుంది.
రోజూ తలస్నానం చేయడం వల్ల తలలో ఉండే సహజ నూనెలు తగ్గిపోతాయి. ఇవి జుట్టును రక్షించడంలో ముఖ్య పాత్ర పోషిస్తాయి. నూనె తగ్గిపోతే జుట్టు పొడిగా మారి రాలిపోతుంది. అలాగే చాలా రోజులు తలస్నానం చేయకపోతే ధూళి, చెమట, ఆయిల్ పేరుకుపోయి స్కాల్ప్ సమస్యలు రావచ్చు. అందుకే వారానికి 2–3 సార్లు తలస్నానం చేయడం మంచిది.
56
జుట్టును సున్నితంగా తుడవడం
చాలామంది జుట్టు త్వరగా డ్రై అవ్వాలనే ఉద్దేశంతో రఫ్గా టవల్తో రుద్దుతుంటారు. ఇది జుట్టు మూలాలను బలహీనపరిచి రాలిపోవడానికి కారణమవుతుంది. తడి జుట్టు చాలా సున్నితంగా ఉంటుంది కాబట్టి మృదువుగా ఒత్తుతూ నీటిని తీసేయాలి. వీలైతే మైక్రోఫైబర్ టవల్ ఉపయోగించడం మంచిది.
66
తల ఆరిన తర్వాత దువ్వుకోవడం.
తడి జుట్టు ఉన్నప్పుడు దువ్వడం వల్ల జుట్టు సులభంగా తెగిపోతుంది. తల పూర్తిగా ఆరిన తర్వాత వెడల్పు దంతాలున్న దువ్వెనతో మెల్లగా దువ్వుకోవడం మంచిది. ఇది జుట్టును క్రమబద్ధంగా ఉంచడమే కాకుండా స్కాల్ప్ ఆరోగ్యాన్ని కూడా మెరుగుపరుస్తుంది. ఈ అలవాటు రోజూ పాటిస్తే జుట్టు రాలడం గణనీయంగా తగ్గుతుంది.
