Gastric problem: పొట్టంతా ఉబ్బ‌రంగా ఉంటుందా.? ఉద‌యం లేవ‌గానే ఇలా చేయండి

ఇటీవల చాలా మంది గ్యాస్ సమస్యతో బాధపడుతున్నారు. మారిన జీవన శైలి, తీసుకుంటున్న ఆహారంలో మార్పుల కారణంగా గ్యాస్ట్రిక్ సంబంధిత సమస్యలు పెరుగుతున్నాయి. అయితే ఉదయం లేవగానే కొన్ని చిట్కాలు పాటిస్తే గ్యాస్ సమస్య నుంచి ఉపమశనం లభిస్తుంది. 

కడుపు ఉబ్బరం, గ్యాస్ కారణాలు:

ఒకేసారి ఎక్కువ తినడం వల్ల జీర్ణవ్యవస్థపై ఒత్తిడి పెరిగి గ్యాస్ తయారవుతుంది.

బీన్స్, పప్పులు, క్యాబేజీ, ఉల్లి, వెల్లుల్లి, కార్బొనేటెడ్ పానీయాలు, కొన్ని పాల ఉత్పత్తులు గ్యాస్ సమస్యను పెంచుతాయి.

IBS, క్రోన్స్ వ్యాధి వంటి జీర్ణ సమస్యలు గ్యాస్ కు కారణం కావచ్చు.

మలబద్ధకం వల్ల కడుపులో గ్యాస్ చేరి ఉబ్బరం వస్తుంది.

తగినంత నీరు తాగకపోవడం వల్ల జీర్ణక్రియ మందగించి గ్యాస్ తయారవుతుంది.

అల్లం:

అల్లం మంచి జీర్ణకారి. ఇది గ్యాస్, ఉబ్బరం తగ్గిస్తుంది.

తురిమిన అల్లం ముక్కను ఒక కప్పు వేడి నీటిలో 5-10 నిమిషాలు నానబెట్టి, తేనె కలిపి తాగండి. భోజనానికి ముందు చిన్న అల్లం ముక్క నమిలి తినడం మంచిది. అల్లం టీ, అల్లం మిఠాయిలు కూడా బాగా పనిచేస్తాయి. 

జీలకర్ర:

జీలకర్రలోని ముఖ్యమైన నూనెలు జీర్ణవ్యవస్థను ఉత్తేజపరిచి, గ్యాస్ ను బయటకు పంపిస్తాయి.

ఒక టీస్పూన్ జీలకర్రను ఒక కప్పు నీటిలో మరిగించి తాగండి. వేయించిన జీలకర్ర పొడిని మజ్జిగ లేదా పెరుగులో కలుపుకుని తాగవచ్చు. వేయించి పొడి చేసిన జీలకర్రను ఆహారంలో కలుపుకోవడం జీర్ణక్రియకు మంచిది.

ఇంగువ:

ఇంగువ ఒక ఆయుర్వేద ఔషధం. ఇది గ్యాస్ ను తగ్గించి, జీర్ణక్రియను మెరుగుపరుస్తుంది.

కొద్దిగా ఇంగువ పొడిని ఒక గ్లాసు వేడి నీటిలో కలిపి తాగండి. వంటల్లో ఇంగువ వాడటం  వల్ల గ్యాస్ సమస్యను తగ్గిస్తుంది.

పుదీనా:

పుదీనాలోని మెంతోల్ జీర్ణవ్యవస్థ కండరాలను సడలించి, గ్యాస్ ను తొలగిస్తుంది.

పుదీనా ఆకులను నీటిలో మరిగించి, టీలా తాగండి. పుదీనా రసం నీటిలో కలిపి తాగవచ్చు. భోజనం తర్వాత పుదీనా ఆకులు నమిలితే నోటి దుర్వాసన తగ్గుతుంది.

వెల్లుల్లి:

వెల్లుల్లిలోని అల్లిసిన్ వంటి సమ్మేళనాలు కడుపులోని చెడు బాక్టీరియాను తొలగించి, గ్యాస్ ఉత్పత్తిని తగ్గిస్తాయి.

రెండు లేదా మూడు వెల్లుల్లి రెబ్బలను చూర్ణం చేసి, ఒక గ్లాసు వేడి నీటిలో కలిపి తాగండి. వంటల్లో వెల్లుల్లి వాడటం మంచిది. ఖాళీ కడుపుతో ఒక వెల్లుల్లి రెబ్బ తినడం జీర్ణక్రియకు మంచిది.

ఆపిల్ సైడర్ వెనిగర్:

ఆపిల్ సైడర్ వెనిగర్ కడుపులో ఆమ్ల ఉత్పత్తిని సమతుల్యం చేసి, జీర్ణక్రియను మెరుగుపరుస్తుంది.

ఒక టేబుల్ స్పూన్ ఆపిల్ సైడర్ వెనిగర్ ను ఒక గ్లాసు నీటిలో కలిపి, భోజనానికి ముందు తాగండి. అవసరమైతే, కొద్దిగా తేనె కలుపుకోవచ్చు.

పసుపు:

పసుపు మంచి యాంటీ ఇన్ఫ్లమేటరీ, యాంటీసెప్టిక్ లక్షణాలు కలిగి ఉంటుంది. ఇది జీర్ణవ్యవస్థను శుభ్రపరిచి, గ్యాస్ సమస్యను తగ్గిస్తుంది.

పాలలో పసుపు కలిపి తాగడం లేదా వంటల్లో పసుపు వాడటం మంచిది.