Diabetes Test Tips: డయాబెటిస్ పేషెంట్స్ రెగ్యులర్ బ్లడ్ టెస్ట్లు చేయించుకునేటప్పుడు చేయకూడని తప్పుల గురించి వివరంగా చూద్దాం. ఆ తప్పుల వల్ల ఏం జరుగుతుందో తెలుసుకుందాం.
డయాబెటిస్ పేషెంట్స్ నెలకోసారి లేదా రెండు నెలలకోసారి డాక్టర్ను కలిసే ముందు రక్త పరీక్షలు చేయించుకోవాలి. కానీ కొన్ని మంది టెస్ట్కు ముందు రోజు షుగర్ లేని టీ తాగడం, అన్నం తినకుండా ఉండడం వంటివి చేస్తారు. ఈ చర్యలు బ్లడ్ షుగర్ స్థాయిని తాత్కాలికంగా తగ్గిస్తాయి. దాంతో అసలైన పరిస్థితి బయటపడదు. ఇది మనల్ని మనం మోసం చేసుకున్నట్టే. కాబట్టి టెస్ట్ ముందు ఎటువంటి మార్పులు చేయకుండా, సాధారణంగా రోజూ చేసే విధంగానే ఆహారం తీసుకుని టెస్ట్ చేయించుకోవాలి.
26
నియమాలు తప్పనిసరి
ఫాస్టింగ్, పోస్ట్ప్రాండియల్ టెస్ట్ల కోసం బ్లడ్ ఇవ్వడం డయాబెటిస్ పేషెంట్లకు చాలా అవసరం. ఫాస్టింగ్ టెస్ట్కి ముందు 8 నుండి 12 గంటల వరకు ఆహారం తీసుకోకూడదు. అయితే చాలామంది ఈ సమయంలో నీళ్లు కూడా తాగరు, ఇది ఒక తప్పుడు అభిప్రాయం. నిజానికి, ఫాస్టింగ్ సమయంలో నీళ్లు తాగొచ్చు. అలాగే, షుగర్ లేని బ్లాక్ టీ, గ్రీన్ టీ, బ్లాక్ కాఫీ కూడా తాగవచ్చు. ఇవి బ్లడ్ షుగర్పై ప్రభావం చూపవు. కానీ టెస్ట్కి అరగంట ముందు నీళ్లు ఎక్కువగా తాగడం మంచిది కాదు. అలా తాగితే రక్తనాళాలు వ్యాకోచించి బ్లడ్ సేకరణ కష్టంగా మారుతుంది. అందువల్ల, ఫాస్టింగ్ సమయంలో శరీరాన్ని హైడ్రేట్గా ఉంచుతూ, సరిగ్గా నియమాలు పాటించాలి.
36
టెస్ట్ ముందు మందులు వేసుకోకపోవడం
పోస్ట్ప్రాండియల్ టెస్ట్ ముందు మందులు వేసుకోకపోవడం మరో తప్పు. ఆహారం తిన్న తర్వాత మీ మామూలు విధంగా మందులు వేసుకోవాలి. ఆహారం గ్లూకోజ్గా మారి రక్తంలోకి చేరేందుకు 1 గంట సమయం పడుతుంది. కాబట్టి తిన్న 1.5 నుంచి 2 గంటల మధ్యలో బ్లడ్ టెస్ట్ చేయించుకోవాలి. ఇప్పుడే టెస్ట్ చేయించుకుంటేనే షుగర్ లెవెల్ సరైనదిగా తెలుస్తుంది.
ఫాస్టింగ్ టెస్ట్కి ముందు రోజు రాత్రి ఆలస్యంగా లేదా ఎక్కువగా తినడం తప్పు. ఉదాహరణకు.. మరుసటి రోజు ఉదయం 6 గంటలకు టెస్ట్ ఉంటే, రాత్రి 8గంటల వరకు తినాలి. ఇడ్లీ, దోశ, చపాతీ లాంటివి తినొచ్చు. పూరీ, అన్నం, పరోటా, నూనెలో వేయించినవి తినకూడదు.
56
బ్లడ్ షుగర్ టెస్ట్కి ముందు ఇలా చేయండి:
ముందు రోజు రాత్రి 7గంటలకు తినాలి
ఇడ్లీ, దోశ, చపాతీ లాంటి రెగ్యులర్ ఫుడ్ తినొచ్చు
జంక్ ఫుడ్, అధిక కార్బోహైడ్రేట్ ఉన్న ఆహారం తినకూడదు
ఆహారం తర్వాత మందులు వేసుకోవాలి
తర్వాత రోజు ఉదయం 8గంటలకు ఫాస్టింగ్ టెస్ట్, తిన్న 2 గంటల తర్వాత (10గం.) రెండో టెస్ట్ చేయించుకోండి
ఇలా చేస్తే టెస్ట్ ఫలితాలు ఖచ్చితంగా వస్తాయి.
66
బ్లడ్ షుగర్ టెస్ట్లో ఈ తప్పులు చేయకూడదు:
ముందు రోజు రాత్రి ఎక్కువగా తినడం
మందులు మానేయడం లేదా సరిగ్గా వేయకపోవడం
టెస్ట్ రోజు మందులు వేసుకోకుండా 2 గంటల తర్వాత బ్లడ్ ఇవ్వడం
ఈ తప్పులు సరిచేస్తేనే బ్లడ్ షుగర్ లెవెల్ ఖచ్చితంగా వస్తుంది.
