Besan Tadka: తాలింపులో ఇదొక్కటి కలపండి చాలు..మీ వంటలు అద్భుతః..మళ్లీ మళ్లీ కావాలంటారు

Besan Tadka: పప్పుచారుకు అమ్మమ్మల కాలం నాటి రుచి రావాలంటే కొద్దిగా శెనగపిండి కలపండి. ఇది చారును చిక్కగా, రుచిగా మార్చుతుంది. ముందుగా నీళ్లలో కలిపి వేస్తే ముద్దలు పడవు. చివరగా నెయ్యి తాలింపు వేస్తే రుచి మరింత పెరుగుతుంది.

తాలింపులో శెనగపిండి ఎందుకు వేయాలి?

పప్పుచారులో కొద్దిగా శెనగపిండి ఉపయోగిస్తే దాని రుచి మరింత పెరుగుతుంది. తాలింపులో శెనగపిండి వేశాక పప్పు చారులో కలిస్తే మంచి చిక్కదనం వస్తుంది. దీంతో చారు పల్చగా కాకుండా చిక్కగా తయారవుతుంది. అలాగే పప్పు, మసాలాలు, నూనె అన్నీ బాగా కలిసిపోయి ప్రతి ముద్దలో ఒకేలా రుచి అందిస్తుంది.

ఏ వంటలకు శెనగపిండి తాలింపు బాగుంటుంది?

పెసరపప్పు, కందిపప్పు లేదా మసూర్‌పప్పుతో చారు చేసేటప్పుడు ఒకటి లేదా రెండు టీ స్పూన్ల శెనగపిండి కలిపితే చారు మరింత చిక్కగా, రుచిగా తయారవుతుంది. ముఖ్యంగా చారు నీళ్లలా పల్చగా కాకుండా మంచి టెక్స్చర్‌తో వస్తుంది. శెనగపిండి కలిపే ముందు కొద్దిగా నీళ్లలో బాగా కలిపి వేసితే ముద్దలు పడకుండా ఉంటుంది.

కూరగాయల వేపుళ్లు

కేవలం పప్పుచారులోనే కాదు, పాలకూర, మెంతికూర, క్యాబేజీ, బీరకాయ, సొరకాయ, బెండకాయ వేపుళ్లు చేసేటప్పుడు కూడా శెనగపిండి వాడొచ్చు. ఇది కూరలకు ఒక మంచి సువాసనను ఇస్తుంది. రుచి కూడా అందిస్తుంది.

మజ్జిగ పులుసు/కూరలు

మజ్జిగ లేదా పెరుగు ఉపయోగించి చేసే వంటకాల్లో శెనగపిండి చాలా అవసరం. మజ్జిగను వేడి చేసినప్పుడు అది విరిగిపోయే అవకాశం ఉంటుంది. అప్పుడు శెనగపిండి వేస్తే, మజ్జిగ, నీళ్లు కలిసిపోతుంది. అప్పుడు చిక్కగా ఉంటుంది.

ఎలా ఉపయోగించాలి?

తాలింపు పెట్టేటప్పుడు ఆవాలు, జీలకర్ర చిటపటలాడిన తర్వాత ఒక చెంచా శెనగపిండి వేసి, తక్కువ మంట మీద పచ్చి వాసన పోయే వరకు వేయించాలి. ఆ తర్వాత పప్పుచారు లేదా కూరగాయలు వేస్తే ఘుమఘుమలాడే ఫుడ్ రెడీ.