మునగ చెట్టు సంపూర్ణ ఆయుర్వేద ఔషధం. దాని ఆకుల్లో శరీరానికి అవసరమైన విటమిన్లు, మినరల్స్, ఐరన్, కాల్షియం ఉన్నాయి. మునగాకు వాడకం వల్ల రోగ నిరోధక శక్తి పెరుగుతుంది.మునగాకు లోని పోషకాల వలన శరీరానికి ఎనర్జీ మాత్రమే కాదు, రోగ నిరోధక శక్తి కూడా పెరుగుతుంది. ఇలా ఆరోగ్యానికి అపారమైన లాభాలు కలిగించే మునగాకు తో ఇంట్లోనే రుచికరమైన అన్నం తయారుచేసుకోవచ్చు.
27
మునగాకు అన్నం
మునగాకు అన్నం తయారీ చాలా సులభం. వాస్తవానికి ఇది సాదా అన్నంలో తేడా ఉండదు, కానీ ఆరోగ్య పరంగా మాత్రం ఇది బలాన్ని చేకూర్చే అద్భుత వంటకం. రోజూ భోజనంలో మార్పు కోరుకునేవాళ్లకు ఇది బెస్ట్ ఆప్షన్. ముఖ్యంగా బ్యాచిలర్స్, హోం మేకర్స్, చిన్న పిల్లల తల్లులు కూడా వేగంగా చేసుకోవచ్చు. అంతే కాకుండా, దీని ద్వారా మునగ ఆకులు తీసుకోవడం కూడా నిత్యచర్యలో భాగమవుతుంది.
37
కావలసిన పదార్థాలు:
తాజా మునగాకు – 1 కప్పు
వండిన అన్నం – 2 కప్పులు
మిరియాల పొడి – ½ టీస్పూన్
ఉప్పు – తగినంత
నూనె – 1 టేబుల్ స్పూన్
ఆవాలు, మినప్పప్పు, శెనగపప్పు, జీడిపప్పు – తాలింపు కోసం
మొదట మునగ ఆకులు శుభ్రంగా కడిగి ఆరబెట్టాలి. పొడిగా అయ్యాక పాన్లో వేసి నెమ్మదిగా వేయించాలి.అందులోనే కొంచెం ఉప్పు, మిరియాల పొడి వేసి మిక్సీలో మెత్తగా పొడి చేయండి.మరో పాన్లో నూనె వేసి తాలింపు దినుసులు వేసి వేయించండి.ఇప్పుడు వండిన అన్నం వేసి తాలింపుతో బాగా కలపండి.అందులో తయారుచేసిన మునగాకు పొడి వేసి మళ్లీ కలిపి 2 నిమిషాలు మూత పెట్టి ఉంచండి.
57
సైడ్ డిష్ ఆప్షన్స్:
పెరుగు
టమాటో పచ్చడి
మిరియాల రసం
67
ఎక్కువ ఔషధ గుణాలు
మునగాకు కాయల్లో కంటే ఆకులకే ఎక్కువ ఔషధ గుణాలు ఉన్నాయి. ఇది శరీరంలో రక్తపోటు నియంత్రణ నుంచి శరీరంలోని విషాలను తొలగించే వరకు సహాయపడుతుంది. అంతే కాదు, జీర్ణవ్యవస్థ, చర్మ ఆరోగ్యం, ఎముకల బలం పెంపు వంటి అనేక ఆరోగ్య ప్రయోజనాలు ఇందులో దాగి ఉన్నాయి.ప్రస్తుతం మార్కెట్లో మునగాకు పొడి కూడా అందుబాటులో ఉంది కానీ ఇంట్లోనే తాజా ఆకులతో తయారు చేసుకోవడం వల్ల పూర్తి ఆరోగ్య ప్రయోజనం లభిస్తుంది. ఇది ప్రత్యేకంగా పిల్లలకు ఇవ్వాలనుకునే తల్లులు తక్కువ మసాలాతో వండవచ్చు.
77
ఎలా తినాలి, ఎప్పుడు తినాలి
మునగ ఆకులు ఎలా తినాలి, ఎప్పుడు తినాలి అన్న డౌట్స్ లేకుండా రోజూ ఆరోగ్యంగా ఉండేందుకు ఇది ఒక బెస్ట్ ఆప్షన్. కాబట్టి ఇప్పుడు మునగాకులు ఉండగానే ఈ రైస్ రెసిపీ ట్రై చేయండి. వేగంగా తయారవుతుంది, రుచిగా ఉంటుంది, ఆరోగ్యకరంగా మారుస్తుంది.
