Maggi Masala: పది నిమిషాల్లో ఇంట్లోనే మ్యాగీ మసాలా..ఎలా తయారు చేయాలో తెలుసా?

Maggi Masala: మ్యాగీ ని అంతలా అందరూ ఇష్టపడటానికి దానిలోని మసాలానే కారణం. మరి, ఆ మ్యాగీ మసాలాని ఇంట్లోనే తయారుచేసుకోవచ్చు. అది కూడా కేవలం పది నిమిషాల్లోనే... 

Masala

చాలా మంది ఫేవరేట్ ఫుడ్స్ లో మ్యాగీ ముందు వరసలో ఉంటుంది. బాగా ఆకలివేసినప్పుడు...వంట చేసుకోవడానికి ఎక్కువ సమయం లేనప్పుడు చాలా మంది కళ్ల ముందు ఉండే ఆప్షన్ మ్యాగీ. ఇది చేయడానికి ఎక్కువ సమయం పట్టదు. అంతేకాకుండా.. రుచి కూడా బాగుంటుంది. చిన్నపిల్లలు కూడా ఈజీగా చేయగలరు. అయితే... మ్యాగీకి అంత రుచి దాని మసాలాతోనే వస్తుంది. ఈ మ్యాగీ మసాలాను కేవలం.. మ్యాగీ చేయడానికే కాకుండా.. ఇతర రకాల వంటల్లో కూడా ఉపయోగిస్తూ ఉంటారు. మరి.. ఈ మసాలాను బయట కొనాల్సిన అవసరం లేకుండా.. ఇంట్లోనే టేస్టీగా పది నిమిషాల్లో తయారు చేసేయచ్చు. అదెలాగో ఇప్పుడు చూద్దాం....

మ్యాగీ మసాలా తయారు చేయడానికి కావాల్సినవి...

ఈ మ్యాగీ మసాలాను చాలా సులభంగా, నిమిషాల్లో ఇంట్లోనే తయారు చేసుకోవచ్చు. మనకు ఎండాకాలంలో ఎక్కువ సేపు కిచెన్ లో ఉండాలని అనిపించదు. కాబట్టి, ఈ మసాలాను చాలా తక్కువ సమయంలోనే చేసుకోవచ్చు. కేవలం మ్యాగీకే కాకుండా... ఇతర కూరల్లో కూడా వేసుకోవచ్చు. దీని కోసం.. ధనియాలు, జీలకర్ర, సోంపు, లవంగాలు, దాల్చిన చెక్క ఉంటే సరిపోతుంది. అదేవిధంగా ఉల్లిపాయ, వెల్లుల్లి పొడి, ఆమ్చూర్ పడి, కార్న్ ఫ్లోర్, ఉప్పు, పంచదార ఉంటే చాలు.

మ్యాగీ మసాలా తయారు చేసే విధానం....

ఈ మసాలా తయారు చేయడానికి ముందుగా ధనియాలు, జీలకర్ర, సోంపు, లవంగాలు, దాల్చిన చెక్క వంటి మసాలా దినుసులన్నీ లైట్ గా ప్యాన్ లో వేయించాలి. మాడిపోకుండా చూసుకోవాలి. వేయించిన వాటిని చల్లార్చి.. మెత్తటి పొడిలా చేసుకోవాలి. ఇప్పుడు.. ఇందులో ఉల్లిపాయ పొడి, వెల్లుల్లి పొడి, ఆమ్చూర్ పొడి , కార్న్ ఫ్లోర్, ఉప్పు, పంచదార కూడా వేసి మరోసారి మిక్సీ పట్టాలి. అంతే.. మ్యాగీ మసాలా రెడీ అయిపోయినట్లే.

దీనిని మీరు గాజు సీసాలో స్టోర్ చేసుకోవాలి. ఎన్ని నెలలు అయినా వాడుకోవచ్చు. బయట కొనే మ్యాగీ మసాలా కంటే రుచిగా ఉంటుంది. ఆరోగ్యంగా కూడా ఉంటుంది. దీనిని ఏవైనా ఫ్రై కూరలు చేసినప్పుడు పైన చల్లితే.. రుచి రెట్టింపు అవుతుంది. ఒక్కసారి ప్రయత్నించి చూడండి....