Cooking Oil: కొబ్బరి నూనె, వేరుశెనగ నూనె రెండింటిలో వంటకు ఏది మంచిది?

నూనె లేకుండా వంట చేయడం అసాధ్యం. ప్రతి ఒక్కరూ తమ వంట కోసం వేరుశనగ నూనె, కొబ్బరి నూనె, రిఫైన్డ్ ఆయిల్ వాడతాం. కొబ్బరి నూనె, వేరుశనగ నూనెలో ఏది ఆరోగ్యానికి మంచిదో తెలుసుకుందాం.

మన తెలుగు వంటలలో నూనెకు ప్రత్యేక స్థానం ఉంది. రుచి, సువాసనతో పాటు ఆరోగ్యానికి కూడా ఇది ప్రభావితం చేస్తుంది. అందువల్ల నూనె ఎంపిక విషయంలో జాగ్రత్త అవసరం. రెండు ప్రముఖ నూనెలైన కొబ్బరి నూనె, వేరుశనగ నూనె ఒక్కోటి ప్రత్యేకమైన లక్షణాలతో మన వంటలలో ఉపయోగపడతాయి. మరి, ఆరోగ్యంగా ఉండాలంటే, ఈ రరెండింటిలో ఏ నూనె వాడాలి? ఏది వాడితే ఆరోగ్యానికి మంచిది అనే విషయాలు తెలుసుకుందాం..

కొబ్బరి నూనె ప్రయోజనాలు 
కొబ్బరి పీచు నుంచి తీసే ఈ నూనెలో అధికంగా సంతృప్త కొవ్వులు (saturated fats) ఉంటాయి. ముఖ్యంగా, మీడియం-చైన్ ట్రైగ్లిజరైడ్స్ (MCTs) అనే రకమైన కొవ్వులు ఇవిలో ఎక్కువగా ఉంటాయి. ఇవి శరీరంలో వేగంగా జీర్ణమై శక్తిగా మారతాయి. దీంతో శరీర బరువు నియంత్రణకు కొంత వరకు ఉపయోగపడతాయని పరిశోధనలు సూచిస్తున్నాయి.

ఇంకా, కొబ్బరి నూనెలో ఉన్న లారిక్ ఆమ్లం (lauric acid) బాక్టీరియా, వైరస్‌లు, ఫంగస్‌లపై యాంటీమైక్రోబియల్ ప్రభావాన్ని చూపుతుంది. ఇది చర్మ సంరక్షణలో కూడా ఉపయోగపడుతుంది. చర్మానికి తేమను అందించి డ్రై నెస్ ని (dryness) తగ్గిస్తుంది. అలాగే జుట్టు పొడిబారకుండా పోషణను అందిస్తుంది.

ఇది ఎక్కువ స్మోక్ పాయింట్ కలిగి ఉండడం వల్ల పిండి వంటలు, వేపుళ్లు లాంటి హై టెంపరేచర్ వంటలకు అనుకూలంగా ఉంటుంది. అయితే, ఇందులో ఉన్న అధిక సంతృప్త కొవ్వుల వలన దీన్ని మితంగా వాడాల్సిన అవసరం ఉంది. అధికంగా వాడితే చెడు కొలెస్ట్రాల్ (LDL) పెరిగే ప్రమాదం ఉంది.

వేరుశనగ నూనె ప్రయోజనాలు..

వేరుశనగ నూనె మోనో అన్‌శాచురేటెడ్ (MUFA),  పాలీ అన్‌శాచురేటెడ్ కొవ్వులను కలిగి ఉంటుంది. ఇవి గుండె ఆరోగ్యానికి ఎంతో మేలు చేస్తాయి. చెడు కొలెస్ట్రాల్‌ను తగ్గిస్తూ, మంచి కొలెస్ట్రాల్‌ను (HDL) పెంచుతాయి. ఇందులో విటమిన్ E అనే శక్తివంతమైన యాంటీఆక్సిడెంట్ ఉండటంతో, కణాల రక్షణకు ఉపయోగపడుతుంది.

వేరుశనగ నూనె తేలికపాటి సువాసనతో ఉండి, వేపుళ్లు, తాలింపు, సలాడ్ డ్రెస్సింగ్ లాంటి వివిధ వంటలకూ ఉపయోగపడుతుంది. అయితే, కొంతమంది వ్యక్తులకు వేరుశనగ అలెర్జీ ఉండే అవకాశం ఉంది. అలాంటి వారు ఈ నూనె వాడటాన్ని నివారించాలి. కొబ్బరి నూనెతో పోలిస్తే తక్కువగానే ఉన్నా, దీనిలో కొంత మేర సంతృప్త కొవ్వులు ఉండటం వల్ల దీన్ని కూడా మితంగా వాడటం మంచిది.

ఫైనల్ గా..  మీ అవసరానికి తగిన నూనె మాత్రమే ఎంచుకోవాలి.కొబ్బరి నూనె , వేరుశనగ నూనె రెండింటికీ తమ తమ ప్రయోజనాలు ఉన్నాయి. గుండె ఆరోగ్యాన్ని మెరుగుపరచాలంటే వేరుశనగ నూనె మంచి ఎంపిక.వేపుళ్లు లేదా యాంటీమైక్రోబియల్ ప్రయోజనాల కోసం అయితే కొబ్బరి నూనె ఉత్తమం. చర్మం, జుట్టు కోసం సహజ చికిత్సలలో కొబ్బరి నూనె మెరుగైనది.

మీ ఆరోగ్య పరిస్థితి, వంట శైలి, వ్యక్తిగత అవసరాలను బట్టి ఏ నూనె మంచిదో నిర్ణయించుకోవాలి. ముఖ్యంగా,ఏ నూనె వాడినా మితంగా వాడితే ఎలాంటి ఆరోగ్య సమస్యలు రావు. ఆరోగ్యంగా ఉండొచ్చు.  గుండె జబ్బులు, కొలెస్ట్రాల్ సమస్యలు ఉన్నవారు వైద్యుని సలహా తీసుకోవడం మంచిది.