వేసవికాలంలో చెరకు రసం తాగడం వల్ల రిఫ్రెషింగ్ గా అనిపించడమే కాదు.. ఆరోగ్యానికి కూడా చాలా మేలు జరుగుతుంది. కడుపులో చల్లగా అనిపిస్తుంది.నిమ్మకాయ రసం పిండుకొని మరీ తాగడం వల్ల మరింత ఎక్కువ మేలు చేస్తుందట.
ఎండాకాలంలో దాహం ఎక్కువగా అవ్వడం సహజం. ఎన్ని మంచినీళ్లు తాగినా కూడా శరీరం డీ హైడ్రేటెడ్ గా మారిపోతూ ఉంటుంది.అందుకే చల్లగా ఏమైనా తాగాలి అనిపిస్తూ ఉంటుంది. అందుకే ఎక్కువగా చెరకు రసం లాంటివి తాగుతూ ఉంటారు. అయితే.. నార్మల్ గా చెరకు రసం కాకుండా.. అందులో ఎప్పుడైనా నిమ్మరసం పిండుకొని తాగి చూశారా? ఇలా తాగడం వల్ల కలిగే ప్రయోజనాలేంటో చూద్దాం..
వేసవికాలంలో చెరకు రసం తాగడం వల్ల రిఫ్రెషింగ్ గా అనిపించడమే కాదు.. ఆరోగ్యానికి కూడా చాలా మేలు జరుగుతుంది. కడుపులో చల్లగా అనిపిస్తుంది.నిమ్మకాయ రసం పిండుకొని మరీ తాగడం వల్ల మరింత ఎక్కువ మేలు చేస్తుందట. నిమ్మరసం అదనంగా చేర్చడం వల్ల వెంటనే కడుపు చల్లపడటంతో పాటు.. కడుపును శుభ్రం కూడా చేస్తుంది.
చెరకు రసంలో నిమ్మకాయ రసం పిండుకొని తాగడం వల్ల జీర్ణక్రియ మెరుగుపడుతుంది. మలబద్ధకం లేదా అజీర్ణం ఉంటే, నిమ్మకాయతో చెరకు రసం తాగడం వల్ల ఉపశమనం లభిస్తుంది. కడుపు చికాకు కూడా తగ్గుతుంది. ఆకలిగా అనిపించని వారు, నిమ్మకాయ మరియు నల్ల ఉప్పు కలిపిన చెరకు రసం తాగడం వల్ల ప్రయోజనం ఉంటుంది. ఇది ఆకలిని పెంచుతుంది.
చర్మానికి కూడా చాలా మేలు చేస్తుంది. చెరకు రసంలో యాంటీఆక్సిడెంట్లు ఉంటాయి, ఇవి అనేక చర్మ సమస్యలతో పోరాడటానికి, చర్మాన్ని ఆరోగ్యంగా మార్చడానికి సహాయపడతాయి. చెరకు రసంలో కాల్షియం ఉంటుంది, ఇది దంత సమస్యలలో ప్రయోజనకరంగా ఉంటుంది. ఇది దంతక్షయం, పైరోరియా వంటి సమస్యలను తొలగించడంలో సహాయపడుతుంది.
శరీరంలో నీటి కొరత లేకుండా చేస్తుంది. అంటే.. చెరకు రసం సహజ హైడ్రేషన్ డ్రింక్ లా పనిచేస్తుంది. వేసవిలో శరీరంలో నీటి లోపాన్ని అధిగమించడంలో సహాయపడుతుంది. చెరకు రసంలో కాల్షియం ఉంటుంది, ఇది మన ఎముకలకు మేలు చేస్తుంది.
గుండె ఆరోగ్యం మెరుగవుతుంది
నిమ్మలో ఉండే పోటాషియం, చెరకు రసంలోని సహజ చక్కెరలు రక్తప్రసరణను మెరుగుపరుస్తాయి. ఇది గుండె సమస్యలు ఎదురయ్యే అవకాశం తగ్గిస్తుంది. అంతేకాదు.. ఎండాకాలంలో వదదెబ్బ నుంచి మిమ్మల్ని రక్షించడానికి సహాయపడుతుంది.
ఎలా తాగాలి?
తాజాగా తీసిన చెరకు రసంలో అప్పుడే పిండిన నిమ్మరసం కలిపి తాగాలి. రోజుకు ఒకసారి ఉదయం తాగడం ఉత్తమం.జ్యూస్ తయారు చేసిన వెంటనే తాగాలి. నిల్వ పెట్టకూడదు. డయాబెటిక్ పేషెంట్లు తాగేముందు డాక్టర్ సలహా తీసుకోవాలి.
చెరకు రసంలో పోషకాలు..
చెరకు రసంలో కాల్షియం, మెగ్నీషియం, ఫాస్ఫరస్, పోటాషియం వంటి ఖనిజాలు ఉన్నాయి. ఇవి ఎముకల బలం, నరాల ఆరోగ్యం, హృదయ పనితీరు, మరియు జీర్ణక్రియలో కీలక పాత్ర పోషిస్తాయి.
అలాగే, చెరకు రసంలో ఉండే ఐరన్.. శరీరంలో హీమోగ్లోబిన్ స్థాయిని పెంచి రక్తహీనతను నివారించడంలో సహాయపడుతుంది. ఇందులో విటమిన్ C ఉండటంతో రోగ నిరోధక శక్తిని పెంచుతుంది. చెరకు రసం ఆల్కలైన్ నేచర్ కలిగి ఉండటంతో శరీరంలోని ఆమ్లతను తగ్గించి, కాలేయాన్ని శుభ్రపరచడంలో సహాయపడుతుంది. ఇది శరీర డీటాక్స్‌కూ సహకరిస్తుంది. చెరకు రసం తాగడం వల్ల చర్మం మెరిసిపోతుంది, మూత్ర సంబంధిత సమస్యలు తగ్గుతాయి. దీనిలో ఉండే చిన్న మొత్తంలో ఆమినో ఆమ్లాలు శరీర కణాల నిర్మాణానికి ఉపయుక్తంగా ఉంటాయి. అయితే, డయాబెటిస్ ఉన్నవారు చెరకు రసం తాగేముందు డాక్టర్ సలహా తీసుకోవాలి. బయట విక్రయించే చెరకు రసం శుభ్రంగా ఉంటేనే తీసుకోవాలి, లేదంటే వ్యాధులు వస్తాయి. మొత్తానికి, చెరకు రసం రుచి, శక్తి, ఆరోగ్యం అన్నింటినీ కలిపి ఒకే సారి అందించే సహజ పానీయం అని చెప్పవచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి