ఆమె ప్రాణాలు కాపాడింది ఇదే, భార్య ప్రమాదం గురించి సోనూ సూద్ ఇంట్రెస్టింగ్ కామెంట్స్

స్టార్ యాక్టర్  సోనూ సూద్ భార్య ప్రయాణిస్తున్న కారు ప్రమాదానికి గురైన సంగతి తెలిసిందే. ఆ ప్రమాదం నుంచి తన భార్య ప్రాణాలతో బయటపడటానికి దోహదం చేసిన విషయాన్ని వెల్లడించారు సోనూసూద్. ఆ ఒక్కటీ తన భార్య ప్రాణాలు కాపాడినట్టు ఆయన వెల్లడించారు. ఇంతకీ ఏంటది.? 

రోడ్డు ప్రమాదాల్లో చనిపోయే వారి సంఖ్యలో మన దేశం మొదటి స్థానంలో ఉంది. దీనికి ముఖ్య కారణం ట్రాఫిక్ రూల్స్ సరిగ్గా పాటించకపోవడమే. ట్రాఫిక్ రూల్స్ పాటించడం వల్ల ప్రజల ప్రాణాలు ఎలా కాపాడొచ్చో నటుడు సోనూ సూద్ వివరించారు. సోనూ కుటుంబ సభ్యుల ప్రాణాలు కాపాడటంలో కారు సేఫ్టీ ఫీచర్లు ముఖ్య పాత్ర పోషించాయి. భయంకరమైన ప్రమాదంలో తన భార్య ఎలా బతికిందో సోనూ సూద్ చెప్పారు.

సోనూ సూద్ యాక్సిడెంట్

ముంబై-నాగ్‌పూర్ హైవేపై తన భార్యకు జరిగిన ప్రమాదం గురించి సోనూ సూద్ మాట్లాడారు. వెనుక సీటు బెల్ట్ సేఫ్టీ గురించి ఆయన వివరించారు. కరోనా టైంలో సోనూ సూద్ ప్రజల కష్టాల్లో సహాయం చేశారు. ఇప్పటికీ ఆయన చాలా సామాజిక సేవలు చేస్తున్నారు. ఇప్పుడు ఆయన ఒక వీడియో రిలీజ్ చేశారు. అందులో చాలా విషయాలు పంచుకున్నారు. 

సోనూ సూద్ తన భార్య సోనాలి, ఆమె సోదరి, అల్లుడితో కలిసి ముంబై-నాగ్‌పూర్ ఎక్స్‌ప్రెస్‌వేపై ఎంజీ విండ్సర్ ఎలక్ట్రిక్ వెహికల్‌లో వెళ్తుండగా ఈ యాక్సిడెంట్ జరిగింది. ట్రక్కును గుద్దడంతో కారు ముందు భాగం మొత్తం నుజ్జునుజ్జయింది. కానీ, కారులో ఉన్న ముగ్గురు ప్రాణాలతో బయటపడ్డారు. దీనికి కారణం ముగ్గురు సీట్ బెల్ట్ పెట్టుకున్నారు. మన దేశంలో 100 మందిలో 99 మంది వెనక సీట్లో కూర్చున్నప్పుడు సీట్ బెల్ట్ పెట్టుకోరు.

సోనూ సూద్ తన వీడియోలో సీట్ బెల్ట్ ఎంత ఇంపార్టెంటో చెప్పారు. వెనుక సీట్లో ఉన్నవాళ్లు సీట్ బెల్ట్ పెట్టుకోరు. ప్రజలు ఈ అలవాటును మార్చుకోవాలి. కారులో ఎక్కడ కూర్చున్నా రెగ్యులర్‌గా సీట్ బెల్ట్ పెట్టుకోవాలని సోనూ సూద్ చెప్పారు.

సీట్ బెల్ట్ పెట్టుకోవడం వల్ల సోనూ సూద్ ఫ్యామిలీ మెంబర్స్ ప్రాణాలతో బయటపడ్డారు. ఈ విషయం గురించి సోనూ సూద్ మాట్లాడుతూ అందరూ రోడ్డు సేఫ్టీ రూల్స్ పాటించాలని చెప్పారు. ఇది ప్రాణాలకు సబంధించిన  విషయం, అజాగ్రత్త పనికిరాదు  అని ఆయన అన్నారు.