నందమూరి హీరోలు.. యంగ్ టైగర్ ఎన్టీఆర్, నందమూరి కళ్యాణ్ రామ్ తెలుగు ఇండస్ట్రీలో కొత్త రికార్డును క్రియేట్ చేశారు. సినిమా సినిమాకు వీరు చేస్తున్న ప్రయోగాల వల్ల టాలీవుడ్ కు స్టార్ డైరెక్టర్లు దొరుకుతున్నారు. వీరి సినిమాలతో వచ్చిన దర్శకులు ప్రస్తుతం స్టార్ స్టేటస్ లో ఉన్నారు.
నందమూరి హీరోలు.. యంగ్ టైగర్ ఎన్టీఆర్, నందమూరి కళ్యాణ్ రామ్ తెలుగు ఇండస్ట్రీలో కొత్త రికార్డును క్రియేట్ చేశారు. సినిమా సినిమాకు వీరు చేస్తున్న ప్రయోగాల వల్ల టాలీవుడ్ కు స్టార్ డైరెక్టర్లు దొరుకుతున్నారు. వీరి సినిమాలతో వచ్చిన దర్శకులు ప్రస్తుతం స్టార్ స్టేటస్ లో ఉన్నారు.
స్టార్ డైరెక్టర్ ఎస్ఎస్ రాజమౌళి (SS Rajamouli) ప్రస్తుతం ఇండియన్ సినిమానే శాసించే స్థాయిలో ఉన్నాడు. జక్కన కేరీర్ ఎలా ప్రారంభమైందో అందరికీ తెలిసిందే. ‘స్టూడెంట్ నెంబర్ వన్’తో ఇండస్ట్రీ హిట్ కొట్టి దర్శకుడిగా తొలి సక్సెస్ ను అందుకున్నాడు. డెబ్యూ దర్శకుడిగా ఎన్టీఆర్ రాజమౌళికి కల్పించిన ఈ అవకాశం.. జక్కన శ్రమ, ప్రతిభతో ఈరోజు దర్శకధీరుడని పించుకుంటున్నాడు. స్టార్ డైరెక్టర్ లిస్ట్ లో మొదటి పేరుగా నిలిచాడు.
తారక్ నటించిన ‘ఆది’చిత్రంతో వీవీ వినాయక్ (VV Vinayak) దర్శకుడిగా తెలుగు ప్రేక్షకులకు పరిచయం అయ్యాడు. ఈ చిత్రం కూడా బాక్సాఫీస్ వద్ద మంచి విజయాన్ని సాధించడంతో టాలీవుడ్ డైరెక్టర్ గా మంచి గుర్తింపు ఏర్పడింది. ఆ తర్వాత ‘చెన్నకేశవరెడ్డి, దిల్, ఠాగూర్, బన్నీ, అదుర్స్, ఖిలాడీ నెంబర్ వన్’ చిత్రాలకు దర్శకత్వం వహించారు. బ్లాక్ బాస్టర్ సినిమాలను అందించిన వీవీ వినాయక్ కూడా స్టార్ స్టేటస్ లోనే కొనసాగుతున్నారు.
మరోవైపు నందమూరి కళ్యాణ్ రామ్ పరిచయం చేసిన దర్శకులు కూడా ప్రస్తుతం స్టార్ డైరెక్టర్లుగా ఇండస్ట్రీలో కొనసాగుతున్నారు. మొదట ‘అతనొక్కడే’ చిత్రంతో డైరెక్టర్ సురేందర్ రెడ్డికి అవకాశం ఇచ్చారు. ఈ మూవీ సురేందర్ రెడ్డికి మంచి క్రేజ్ తెచ్చిపెట్టింది. ఆ తర్వాత సూపర్ హిట్ చిత్రాలతో స్టార్ డైరెక్టర్ గా మారిపోయాడు. ప్రస్తుతం బడా హీరోలను డైరెక్ట్ చేస్తున్నారు.
టాలీవుడ్ యంగ్ డైరెక్టర్ అనిల్ రావిపూడి (Anil Ravipudi) గురించి ప్రత్యేకంగా చెప్పనక్కర్లేదు. కామెడీ, ఫ్యామిలీ కంటెంట్ తో బ్యాక్ టు బ్యాక్ సక్సెస్ ను అందుకుంటున్నాడు. అనిల్ కేరీర్ కూడా కళ్యాణ్ రామ్ నటించిన ‘పటాస్’ మూవీతోనే ప్రారంభమైంది. తన ప్రతిభతో ‘ఎఫ్2, 3’,‘సరిలేరు నీకెవ్వరూ’ లాంటి బ్లాక్ బాస్టర్ చిత్రాలకు దర్శకత్వం వహించి.. స్టార్ డైరెక్టర్ లిస్ట్ లో చేరిపోయాడు.
ప్రస్తుతం ‘బింబిసార’తో నందమూరి కళ్యాణ్ రామ్ మరో యంగ్ అండ్ డైనమిక్ డైరెక్టర్ మల్లిది వశిష్ఠ (Mallidi Vashist)ను టాలీవుడ్ కు పరిచయం చేశాడు. ఈ చిత్రం సూపర్ హిట్ టాక్ ను సొంతం చేసుకోవడంతో వశిష్ఠ్ కూడా భవిష్యత్ లో స్టార్ డైరెక్టర్ లిస్ట్ లో చేరుకోవడం ఖాయమని నందమూరి అభిమానులు అంటున్నారు. కొత్త వారికి అవకాశాలు ఇస్తూ.. స్టార్ డైరెక్టర్లుగా మారే అవకాశం ఇస్తున్న నందమూరి హీరోలకు ఫ్యాన్స్ జేజేలు పలుకుతున్నారు.