ఏడాది మొదలై వారం కాకుండానే మొదలెట్టేసిన అనసూయ... బోల్డ్ బ్యూటీ స్పీడు మాములుగా లేదు!

అనసూయ ఈ మధ్య ఏం దాచుకోవడం లేదు. ప్రతి విషయం అభిమానులతో షేర్ చేస్తుంది. ఇక న్యూఇయర్ లో తన ఫస్ట్ అస్సైన్మెంట్ గురించి తెలియజేసింది.   

కొన్ని నెలలుగా అనసూయలో తీవ్రమైన మార్పులు వచ్చాయి. ఆమె తనకు సంబంధించిన ప్రతి విషయం అభిమానులకు షేర్ చేస్తున్నారు. అదే సమయంలో తన హేటర్స్ ని కవ్వించే కార్యక్రమం పెట్టుకుంటున్నారు. మీరెంతగా ట్రోల్ చేసినా అసలు తగ్గేదేలే అని చెప్పాలనే ప్రయత్నం చేస్తున్నారు. ఎన్ని విమర్శలు చేసినా... నా లైఫ్ స్టైల్ లో కొంచెం కూడా మార్పు ఉందని సందేశం పంపుతున్నారు.

అలాగే తనను ట్రోల్ చేసే వాళ్లపై చర్యలకు సిద్ధం అవుతున్నారు. శృతి మించి ట్రోల్ చేస్తే కంప్లైంట్ ఇస్తున్నారు. ఆధారాలతో సహా సైబర్ క్రైమ్ పోలీసులకు ఫిర్యాదు చేస్తున్నారు. ఇటీవల అనసూయ కంప్లైంట్ తో ఓ కుర్రాడు జైలుపాలయ్యాడు. పోలీసులు అరెస్ట్ చేసి రిమాండ్ కి తరలించారు. 

Anasuya Bharadwaj

ఇక న్యూ ఇయర్ గ్రాండ్ గా సెలెబ్రేట్ చేసుకున్న అనసూయ వర్క్ లో బిజీ అయ్యారు. కొత్త ఏడాది ఫస్ట్ అసైన్మెంట్ పూర్తి చేసేందుకు సిద్ధం అయ్యారు. ఇంస్టాగ్రామ్ స్టేటస్ లో పోస్ట్ పెట్టిన అనసూయ... '2023లో ఇది నా ఫస్ట్ సెల్ఫీ, ఫస్ట్ ఫ్లైట్ జర్నీ, ఫస్ట్ అసైన్మెంట్' అని కామెంట్ పోస్ట్ చేశారు. 

2023 (New year 2023)మొదలై వారం గడవక ముందే అనసూయ పనిలో బిజీ అయ్యారని తెలుస్తుంది. కాగా అనసూయ యాంకరింగ్ వదిలేసిన విషయం తెలిసిందే. ఆమె పూర్తిగా నటన వైపు మళ్లారు. సినిమాలు, సిరీస్లకు సైన్ చేస్తున్నారు. యాంకరింగ్ తో పోల్చితే సినిమాల ద్వారా రెండు మూడు రెట్లు అధిక సంపాదన ఉంటుంది. అందుకే అనసూయ నటనకు ఎక్కువ ప్రయారిటీ ఇస్తున్నారు. 

అనసూయ(Anasuya) జబర్దస్త్ మానేయడంతో కొత్త యాంకర్ సౌమ్య రావు వచ్చారు. అనసూయ లేని లోటు జబర్దస్త్ లో స్పష్టంగా కనిపిస్తుంది. ముఖ్యంగా బుల్లితెర ఫ్యాన్స్ ఆమె గ్లామర్ ని బాగా మిస్ అవుతున్నారు. అనసూయ కోసమే గురువారం టీవీ ముందు కూర్చునే సౌందర్య ఆరాధకులు ఉన్నారంటే అతిశయోక్తి కాదు. 

అధికారికంగా పుష్ప 2, రంగమార్తాండ చిత్రాల్లో అనసూయ నటిస్తున్నారు. అలాగే మరికొన్ని చిత్రాలు సిరీస్లు ఆమె ఖాతాలో ఉన్నాయి. పుష్ప 2 లో ఆమె దాక్షాయణిగా డీగ్లామర్ రోల్ చేస్తున్నారు. ఆమెతో సుకుమార్ ఈసారి ఐటెం నెంబర్ కూడా ప్లాన్ చేశాడంటూ ప్రచారం జరుగుతుంది. ఇక దర్శకుడు కృష్ణవంశీ తెరకెక్కించిన రంగమార్తాండ విడుదలకు సిద్ధం అవుతుంది.