15 దేశాల్లో పుష్ప సాంగ్ సంచలనం.. టీ గ్లాస్ స్టెప్పుపై అనసూయ కామెంట్స్ చూశారా

ఐకాన్ స్టార్ అల్లు అర్జున్ పుష్ప 2 సంచలనాలు మొదలయ్యాయి. ఇప్పటికే అల్లు అర్జున్ ని సుకుమార్ అమ్మవారి గెటప్ లో చూపించి కావలసినంత హైప్ క్రియేట్ చేశారు. రీసెంట్ గా విడుదలైన పుష్ప పుష్ప అంటూ సాగే సాంగ్ మరో సంచలనంగా మారింది. అలాంటి ఇలాంటి సంచలనం కాదు.. ఈ సాంగ్ ఏకంగా 15 దేశాల్లో ట్రెండ్ అవుతున్నట్లు రిపోర్ట్స్ అందుతున్నాయి. 

పుష్ప మొదటి భాగంలో అల్లు అర్జున్ స్టెప్పులు మ్యానరిజమ్స్ వరల్డ్ వైడ్ గా ఎంతలా క్రేజ్ సృష్టించాయో చూసాం. సెలెబ్రిటీలు సైతం బన్నీ స్టెప్పులపై రీల్స్ కూడా చేశారు. రీసెంట్ గా విడుదలైన పుష్ప పుష్ప సాంగ్ ఇన్స్టంట్ బ్లాక్ బస్టర్ గా నిలిచింది. 

ముఖ్యంగా ఈ సాంగ్ లో అల్లు అర్జున్ వేస్తున్న స్టెప్పులు ఆన్లైన్ లో క్రేజీగా మారాయి. షూ విప్పుతూ వేసిన స్టెప్పు.. అలాగే టీ గ్లాసు పట్టుకుని.. టీ ఒలికి పోకుండా వేసిన స్టెప్పు మతి పోగొట్టేలా ఉన్నాయి. 

యాంకర్ అనసూయ ఈ చిత్రంలో దాక్షాయణి పాత్రలో నటిస్తున్న సంగతి తెలిసిందే. పుష్ప సాంగ్ పై అనసూయ పెట్టిన పోస్ట్ వైరల్ అవుతోంది. అనసూయ అల్లు అర్జున్ ని పొగడ్తల వర్షంలో ముంచెత్తింది. 

నీ పేరే నీ బ్రాండు అని కామెంట్స్ చేసింది. అంతే కాదు టీ గ్లాస్ స్టెప్పు పై అనసూయ ప్రత్యేక ప్రశంసలు కురిపించింది. టీ  గ్లాస్ స్టెప్పు చాలా కష్టం అని పేర్కొంది. 

ఈ సాంగ్ కి 24 గంటల్లో 40 మిలియన్ల వ్యూస్ దక్కాయి. ఇండియాలో 24 గంటల్లో అత్యధిక వ్యూస్ సాధించిన లిరికల్ వీడియోగా పుష్ప పుష్ప సాంగ్ రికార్డ్ సృష్టించింది. ఈ సాంగ్ కి 24 గంటల్లో  40 మిలియన్ల వ్యూస్ దక్కాయి.