పవర్ స్టార్ పవన్ కళ్యాణ్ తో సన్నిహితంగా ఉండే కొద్దిమంది వ్యక్తుల్లో శరత్ మరార్ ఒకరు. నిర్మాతగా శరత్ మరార్ పవన్ కళ్యాణ్ తో మల్టిపుల్ చిత్రాలు నిర్మించారు. సర్దార్ గబ్బర్ సింగ్, గోపాల గోపాల, కాటమరాయుడు లాంటి చిత్రాలని శరత్ మరార్ పవన్ తో నిర్మించారు.
పవర్ స్టార్ పవన్ కళ్యాణ్ తో సన్నిహితంగా ఉండే కొద్దిమంది వ్యక్తుల్లో శరత్ మరార్ ఒకరు. నిర్మాతగా శరత్ మరార్ పవన్ కళ్యాణ్ తో మల్టిపుల్ చిత్రాలు నిర్మించారు. సర్దార్ గబ్బర్ సింగ్, గోపాల గోపాల, కాటమరాయుడు లాంటి చిత్రాలని శరత్ మరార్ పవన్ తో నిర్మించారు. చాలా కాలం శరత్ మరార్ పవన్ తో ట్రావెల్ చేశారు. కాబట్టి పవన్ కళ్యాణ్ మనస్తత్వం ఏంటో శరత్ మరార్ కి బాగా తెలుసు.
తాజాగా ఇంటర్వ్యూలో శరత్ మరార్ పవన్ గురించి ఆసక్తికర వ్యాఖ్యలు చేశారు. పవన్ కళ్యాణ్ సరిగ్గా నిర్మాతలకు డేట్లు ఇవ్వకుండా ఇబ్బంది పెడుతుంటారనే విమర్శ ఉంది. దీనిపై శరత్ మరార్ స్పందించారు. పవన్ నిర్మాతలని ఇబ్బంది పెట్టే వ్యక్తి కాదు. అవసరం అయితే తతానే నష్టపోతాడు తప్ప.. నిర్మాతలకు నష్టం కలిగించడు.
డబ్బు విషయంలో కూడా ఆయన ప్లానింగ్ తో ఉండరు. డబ్బు విషయంలో ముందు వెనక ఆలోచించమని.. పిల్లలున్నారు జాగ్రత్తగా ఉండమని నేను, త్రివిక్రమ్ ఓ సారి సలహా ఇచ్చి తిట్లు తిన్న విషయాన్ని కూడా శరత్ మరార్ గుర్తు చేసుకున్నారు.
పవన్ కళ్యాణ్ కి డబ్బు పై ఆశ లేదు. నేను, త్రివిక్రమ్ చాలాసార్లు చెప్పి చూశాం. ఆయన వినలేదు. డబ్బు ఇచ్చేటప్పుడు తీసుకునేటప్పుడు జాగ్రత్తగా ఉండండి..,మీ పిల్లల భవిష్యత్తు గురించి ఆలోచించండి అని నేను త్రివిక్రమ్ చెప్పా. దీనికి ఆయన మాకు క్లాస్ పీకారు. నా పిల్లల్ని ఎలా చూసుకోవాలో నాకు తెలుసు.. మీ టీచింగ్ అవసరం లేదు.వాళ్ళు లైఫ్ ని లీడ్ చేయడానికి అవసరమైన స్ట్రెంత్ ఇస్తాను అని పవన్ అన్నారట.
పవన్ కళ్యాణ్ చాలా మంది సహాయం చేశారు. వారిలో కొందరు పవన్ చేసిన హెల్ప్ ని మిస్ యూజ్ చేసుకున్న వారు కూడా ఉన్నారు. అలాంటి వారికి పవన్ విశ్వరూపం చూపిస్తారు. అలాంటి వారి పట్ల పవన్ సైలెంట్ గా ఉంటారు అనుకుంటే పొరపాటే.
పవన్ కళ్యాణ్ దగ్గర పనిచేసే వ్యక్తి తన భార్య మంగళ సూత్రం అమ్మేసి మరీ పేకాట ఆడాడు. దీనితో అతడి భార్య పవన్ వద్దకు వచ్చి బోరున ఏడ్చేసింది. దీనితో పవన్ ఆమెకి ధైర్యం చెప్పి ఆర్థికంగా సాయం చేశారు. అంతటితో ఆగలేదు. ఆమె భర్తని పిలిపించారు. ఆ రోజు పవన్ కళ్యాణ్ కోపం ఎంత భయంకరంగా ఉంటుందో చూసాను. వాడికి పవన్ భయం రుచి చూపించారు.
పవన్ కళ్యాణ్ ఇచ్చిన వార్నింగ్ తో అతడు మళ్ళీ పేకాట జోలికి వెళ్ళలేదు. తన పద్ధతి మార్చుకున్నాడు అని శరత్ మరార్ తెలిపారు. పవన్ కళ్యాణ్ తో కొంత కాలం ట్రావెల్ చేస్తే ఇలాంటి అనుభవాలు ఎదురవుతాయి.. ఆయన ఏంటో తెలుస్తుంది అని శరత్ మరార్ తెలిపారు.