ఎన్టీఆర్ 30 ప్రారంభోత్సవానికి చిరంజీవి ?.. వాళ్ళు కూడా తరలి వస్తారట, బిగ్ ప్లానింగ్..

RRR తర్వాత యంగ్ టైగర్ ఎన్టీఆర్ కొరటాల శివ దర్శకత్వంలో నటించబోతున్నాడు. ఆర్ఆర్ఆర్ విడుదలై చాలా కాలం అవుతోంది. అనేక అవార్డులు కొల్లగొడుతోంది. కానీ ఇంతవరకు ఎన్టీఆర్, కొరటాల చిత్రం పట్టాలెక్కలేదు. ఈ చిత్రాన్ని వచ్చే ఏడాది రిలీజ్ చేయనున్నట్లు ఆల్రెడీ ప్రకటించారు. దీనితో ఎన్టీఆర్ క్యాలెండర్ లో 2023 ఖాళీగా మారబోతోంది. 

ఇక వీలైనంత త్వరగా ఎన్టీఆర్ 30 చిత్రాన్ని ప్రారంభించాలని కొరటాల శివ భావిస్తున్నారట. తాజాగా అందుతున్న అనధికారిక సమాచారం మేరకు ఈ చిత్ర షూటింగ్ ఫిబ్రవరి రెండవ వారం నుంచి మొదలు కానున్నట్లు తెలుస్తోంది. ఆర్ఆర్ఆర్ తో ఎన్టీఆర్ పాన్ ఇండియా హీరోగా మారాడు. 

దీనితో కొరటాల శివ ఎన్టీఆర్ 30 చిత్రాన్ని పాన్ ఇండియా చిత్రంగా భారీ స్థాయిలో తెరక్కించబోతున్నారు. అద్భుతమైన మాస్ యాక్షన్ కథని కొరటాల శివ సిద్ధం చేసినట్లు తెలుస్తోంది. యువసుధ ఆర్ట్స్, ఎన్టీఆర్ ఆర్ట్స్ సంస్థలు ఈ చిత్రాన్ని సంయుక్తంగా నిర్మించనున్నాయి. 

అయితే ఎన్టీఆర్ 30 లాంచింగ్ గురించి ఒక మాసివ్ అప్డేట్ సోషల్ మీడియాలో వైరల్ గా మారింది. ఈ చిత్ర ప్రారంభోత్సవానికి మెగాస్టార్ చిరంజీవి అతిథిగా హాజరు కాబోతున్నట్లు వార్తలు వస్తున్నాయి. అంతే కాదు రాజమౌళి, కీరవాణి, రాంచరణ్ ఇలా ఆర్ఆర్ఆర్ టీం మొత్తం హాజరు కానున్నట్లు తెలుస్తోంది. 

దీనితో ఎన్టీఆర్ 30 విషయంలో దర్శకుడు, నిర్మాతలు భారీ ప్లానింగ్ తోనే ఉన్నట్లు అర్థం అవుతోంది. అయితే కొరటాల శివ చిత్రం ప్రారంభోత్సవానికి చిరంజీవి హాజరవుతున్నారు అనే వార్త వైరల్ కావడం ఆసక్తిగా మారింది. ఎందుకంటే కొరటాల చివరి చిత్రం ఆచార్య ఎంత పెద్ద డిజాస్టరో ప్రత్యేకంగా చెప్పనవసరం లేదు. 

ఈ చిత్రంతో కొరటాల, చిరంజీవి మధ్య మనస్పర్థలు ఏర్పడినట్లు కూడా ప్రచారం జరిగింది. ఇటీవల మీడియా సమావేశాల్లో చిరంజీవి చేసిన కొన్ని కామెంట్స్ పరోక్షంగా కొరటాల శివని ఉద్దేశించినవే అని కూడా ప్రచారం జరిగింది. అయితే ఎన్టీఆర్ 30 మూవీ లాంచింగ్ గురించి చిత్ర యూనిట్ అధికారికంగా స్పందించాల్సి ఉంది.