కొత్త వ్యాపారం స్టార్ట్ చేసిన బిగ్ బాస్ కంటెస్టెంట్‌.. శివాజీనే గెస్ట్..ఎక్కడ ఎప్పుడు?
By Aithagoni Raju | First Published May 6, 2024, 5:55 PM ISTబిగ్ బాస్ తెలుగు 7 షోతో పాపులర్‌ అయిన కంటెస్టెంట్‌ టేస్టీ తేజ.. ఇప్పుడు కొత్త వ్యాపారం ప్రారంభించారు. మరో బిగ్ బాస్ ఫేమ్‌, నటుడు శివాజీ దీన్ని ప్రారంభించడం విశేషం.
బిగ్ బాస్ రియాలిటీ షో ఎంతో మందికి లైఫ్‌ ఇచ్చింది. సాధారణ వ్యక్తుల్ని స్టార్లని చేసింది. యూట్యూబ్‌, సోషల్‌ మీడియా ద్వారా పాపులర్‌ అయిన వాళ్లు బిగ్ బాస్ షోలో పాల్గొనే అవకాశాన్ని దక్కించుకుని విశేషగుర్తింపుని తెచ్చుకుంటున్నారు. చాలా మంది సినిమాల్లో బిజీ అయితే మిగిలిన వారు వారి వ్యక్తిగత వ్యాపారాలు ప్రారంభించి బిజీ అవుతున్నారు. అందులో భాగంగా టేస్టీ తేజ తాజాగా కొత్త వ్యాపారం స్టార్ట్ చేశాడు.
ఫుడ్‌ వ్లాగర్‌గా కెరీర్‌ని ప్రారంభించాడు తేజ. యూట్యూబ్‌లో ఫుడ్‌ వీడియోలు చేసి గుర్తింపు తెచ్చుకున్నాడు. దీంతో బిగ్ బాస్ లో పాల్గొనే అవకాశాన్ని సొంతం చేసుకున్నారు. ఇందులో మోస్ట్ ఎంటర్‌టైనింగ్‌ కంటెస్టెంట్‌గా నిలిచాడు. జోవియల్‌గా ఉంటూ నవ్వులు పూయించాడు. జోకులు వేస్తూ, ఫన్నీ యాక్టివిటీస్‌ చేస్తూ అలరించారు. శోభా శెట్టితో కెమిస్ట్రీ పండించి ఆకట్టుకుంటున్నారు. కానీ మధ్యలోనే ఎలిమినేట్‌ అయ్యాడు. అతని ఎలిమినేషన్‌ని అంతా విమర్శించారు. కానీ మంచి ఆడియెన్స్ ఆదరణ పొంది పాపులర్‌ అయ్యాడు తేజ.
Latest Videos
undefined
ఆ పాపులారిటీతో ఇప్పుడు కొత్త వ్యాపారం ప్రారంభించాడు. టీ బిజినెస్‌ స్టార్ట్ చేశారు. ఇప్పుడు ఫ్రాంఛైజీ టీ బిజినెస్‌ బాగా పాపులర్‌ అయ్యింది. బాగా రన్‌ అవుతున్న బిజినెస్‌ కూడా. దీంతో `ఇరానీ నవాబ్‌ టీ` పేరుతో ఫ్రాంఛైజీ టీ బిజినెస్‌ని స్టార్ట్ చేశారు. ఆదివారం సాయంత్రం దీన్ని ఓపెన్‌ చేశారు. కార్పొరేట్‌ స్టయిల్‌లో ఈ టీ బిజినెస్‌ని ప్రారంభించడం విశేషం.
Tasty Teja opened a Chai Shop named Irani Nawabs in Uppal, Hyderabad pic.twitter.com/6SSahkrekT
— BigBoss Telugu Views (@BBTeluguViews)ఇక బిగ్ బాస్ కంటెస్టెంట్‌, నటుడు శివాజీ దీనికి గెస్ట్ గా వచ్చాడు. ఆయన చేతుల మీదుగానే దీన్ని ప్రారంభించారు. ఈ సందర్భంగా శివాజీ తన బెస్ట్ విషెస్‌ని తేజకి అందించారు. తేజ ఏం చేసినా ప్లానింగ్‌తో ముందుచూపుతో చేస్తాడని, మున్ముందు బాగా డబ్బులు వస్తాయని ఆశించే ఈ వ్యాపారం స్టార్ట్ చేశాడని, సరదాగా చెప్పడం విశేషం. దీనికి సంబంధించిన వీడియోలు సోషల్‌ మీడియాలో వైరల్ అవుతున్నాయి. ఉప్పల్‌ డీఎస్‌ఎల్ మాల్‌ సమీపంలో ఈ వ్యాపారం ప్రారంభించడం విశేషం. ఈ టీ షాప్‌ ఓపెనింగ్‌లో బిగ్ బాస్ టీమ్‌ అమర్‌ దీప్‌, శుభ శ్రీ, ప్రియాంక జైన్‌ పాల్గొనడం విశేషం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి