ఒకప్పుడు స్టార్ లేడీ కమెడియన్ గా తెలుగు,తమిళ పరిశ్రమలను ఏలింది పాకీజా అలియాస్ వాసుకి. ఇప్పుడు తిండికి కూడా ఇబ్బంది పడుతూ.. దయనీయ పరిస్థితుల్లో ఉంది. సాయం కోసం ఎదురు చూస్తున్న పాకీజాకు భారీ సహాయం ప్రకటించాడు మెగా బ్రదర్.
తెలుగు, తమిళ భాషల్లో దాదాపు 150 సినిమాలకు పైగా నటించిన స్టార్ లేడీ కమెడియన్ పాకీజా... అలియాస్ వాసుకి. అన్ని సినిమాలు చేసింది కదా.. బాగా సంపాదించి మంచి రాజభవనాల్లో గొప్పగా బ్రతుకుతుంటుంది కదా అని అనుకుంటారు అంతా. కాని చాలా దయనీయమైన పరిస్థితుల్లో ఉంది నటి పాకీజా. కడుపునిండా తిండి కూడా లేకుండా ఇబ్బంది పడుతుంది.
దీసెంట్ గా ఓ యూట్యూబ్ ఛానల్ ఆమెను ఇంటర్వ్యూ చేయగా.. తన పరిస్థితి గురించి చెప్పి బాధపడింది పాకీజా. అంతే కాదు తమిళ సినిమా సంఘాల నుంచి తనకు ఎటువంటి సాయం రాలేదన్నారు. అంతో ఇంతో.. తనకు తెలుగువారి నుంచే సహాయం అందిందన్నారు. తెలుగులో అవకాశాలు వస్తే.. ఇక్కడికే వచ్చి బ్రతుకుతానన్నారు పాకీజా. అక్కడ ఒక పూట తినడానికి కూడా కష్టంగా ఉందన్నారు పాకీజా.
తమిళ ఆర్టిస్ట్ సంఘాలు కాని.. నడిగర్ సంఘం కాని తన విజ్ఞప్తిని పట్టించుకోలేదు అంటోంది పాకీజా. ఆకరికి సూపర్ స్టార్ రజనీ కాంత్, సీఎం తనయుడు నటుడు ఉదయనిధి స్టాలిన్ కు కూడా తన గోడు విన్నవించుకున్నానంటోంది పాకీజా. అయినా ఉపయోగం లేకుండా పోయిందంటోంది. తెలుగు ప్రజలు.. తెలుగు నటులే తనను ఆధరించారంటోంది వాసుకి.
ఇక ఈ ఇంటర్వ్యూ తరువాత చాలా మంది స్పందించారు. పాకీజా దీన స్థితికిసాయం చేస్తున్నారు. ఈక్రమంలోనే మెగా బ్రదర్ నాగబాబు కూడా స్పందించారు. పాకీజా ఇంటర్వ్యూ చూసిన ఆయన చలించిపోయారు. వెంటనే ఆవిడకు లక్ష రూపాయల ఆర్థికసాయం కూడా ప్రకటించారు. అంతే కాదు సాధ్యమైనంత వరకూ ఆమెకు అవకాశాలు వచ్చేలా చేసి.. తన కాళ్ల మీద తాను నిలబడేలా చేయాల్సిన అవసరం ఉంది అన్నారు.
ఈసందర్భంగా ఓ ఇంటర్వ్యూలో నాగబాబు మాట్లాడుతూ.. పాకీజాగా ఎంతో మంచి పేరు తెచ్చుకున్న ఒక ఆర్టిస్టు ఇప్పుడు ఇలా కష్టాల్లో ఉండటం బాధగా ఉందన్నారు. బుల్లితెర కానీ, సినిమాల్లో కానీ.. చిన్నదో పెద్దదో ఒక పాత్ర ఆవిడకు ఇచ్చి మళ్లీ తన కాళ్ల మీద తాను నిలబడేందుకు సాయపడాలని విజ్ఞప్తి చేశారు. తనవంతు ప్రయత్నం కూడా చేస్తానని నాగబాబు హామీ ఇచ్చారు.
అంతే కాదు ఆ ఇంటర్వ్యూలో నాగబాబు పాకీజాతో డైరెక్ట్ గా వీడియో కాల్ మాట్లాడారు. చిరంజీవి తమ్ముుడు నాగబాబు సాయం చేశారని తెలుసుకుని వాసుకి తెగ ఆనందపడింది. అంతే కాదు ఎదురుగా ఉంటే ఆయన కాళ్లమీద పడి మొక్కుతానంటూ ఎమోషనల్ అయ్యింది. తమిళంలో ఇన్ని సినిమాలు చేసినా..తనకు ఎవరూ ఒక్క రూపాయి కూడా సాయం చేయలేదని.. ప్రస్తుతం తాను కాస్తో కూస్తో తింటున్నాను అంటే.. అది తెలుగువారు పెట్టిన తిండే అంటుంది వాసుకి.