శృంగారానికి పురుషుడితో పనిలేదు.. టీవీ నటి కనిష్కా సోని సంచలన వ్యాఖ్యలు

తనను తాను పెళ్ళి చేసుకుని సంచలనం సృష్టించింది బాలీవుడ్ టీవీ నటి కనిష్కా సోని. అంతే కాదు పురుష ప్రపంచంపై సంచలన వ్యాఖ్యలు కూడా చేసింది. అసలు శృగారానికి పురుషుడితో పనేంటి అంటోంది. 

దియా ఔర్ బాతి హమ్.. ఇండియన్ టెలివిజన్ ఆడియన్స్ మర్చిపోలేని పేరు. సుధీర్ఘకాలం ఈ సీరియల్ భారీ టీఆర్పీతో రన్ అయ్యింది. ఇక ఇందులో పాత్రలు ప్రేక్షకుల మనసుల్లో ముద్రవేసుకున్నాయి. అందులో కవిత పాత్రలో అలరించింది కనిష్కా సోని. వివాదాలకు కేరాఫ్ అడ్రస్ గా ఉన్న ఈ బ్యూటీ.. ఈ మధ్య మరో వివాదానికి తెర లేపింది. 

వరుస టీవీ షోలతో ఫ్యామిలీ ఆడియన్స్ ను కట్టిపేసిన  కనిష్క కొన్ని సినిమాల్లోనూ నటించింది. అయితే రీసెంట్ గా ఆమె  ఆమె నుదుటన సింధూరం, మెడలో మంగళసూత్రంతో ఉన్న ఫొటోలను తన ఇన్‌స్టాగ్రామ్ పేజ్ లో  పోస్టు చేసింది. దీంతో కనిష్క ఎప్పుడు పెళ్ళి చేసుకుంది ఎవరికి తెలియకుండా అని అందరికి అనుమానం మొదలయ్యింది. దాంతో  అభిమానులు ఆరా తీయ్యడం మొదలు పెట్టారు. 

ఇక ఇలాంటి విషయాల్లో.. నెటిజన్లు సూపర్ ఫాస్ట్ గా ఉంటారు కదా.. ఫ్యాన్స్ ఆరా తీయ్యగా అసలు విషయం బయటపెట్టింది. కనిష్కా సోని తనను తానే పెళ్లి చేసుకున్నట్టు చెబుతూ అభిమానులకు షాకిచ్చింది. 

అసలు ఎందుకిలా చేశావంటూ... నెటిజన్లు ప్రశ్నించగా...? పురుష ప్రపంచంపై మండిపడింది బ్యూటీ ఈ విషయంలో సుధీర్ఘ  సమాధానమిచ్చింది కనిష్క. తాను గుజరాతీ సంప్రదాయ కుటుంబం నుంచి వచ్చానని, పెళ్లి అనేది తన చిరకాల కోరిక అని  అంటోంది బ్యూటీ. అయితే, తన జీవితంలో మాటమీద నిలబడే ఒక్క మగాడు  కూడా కనిపించలేదని అంటోంది. 

అందుకే తాను  పురుషుడి తోడు లేకుండానే జీవితాన్ని గడపాలని నిర్ణయించుకున్నానని వివరించింది. తన అవసరాలను తానే తీర్చుకోగలనని, కలలను నెరవేర్చుకోగలనని చెప్పింది. అందరు ఆలోచించండి.. పెళ్లైన ఆడవారిలో ఇప్పటికీ 90 శాతం మంది సంతోషంగా లేరంటోంది కనిష్కా సోని. 

ఇక ఈ విషయంలో తనకు చాలా మద్దతు లభిస్తుందంటోంది కనిష్క. నేను చాలా టీవీ షోస్ చేశాను. మహబలి హనుమాన్ వంటి షోలలో దేవత పాత్ర పోషించినా రాని గుర్తింపు ఇప్పుడు లభిస్తోందని కనిష్క సంతోషం వ్యక్తం చేసింది. ఏది ఏమైనా కనిష్క చేసిన పని, ఇచ్చిన స్టేట్ మెంట్లు.. ప్రస్తుతం బాలీవుడ్ లో హాట్ టాపిక్ అయ్యాయి.