ఇటీవల తాను ప్రెగ్నెంట్‌ అని ప్రకటించి తన అభిమానులను సర్‌ప్రైజ్‌ చేసింది అనుష్క శర్మ. జనవరిలో వీరికి పండంటి బిడ్డ పుట్టబోతున్నట్టు తెలిపింది. మూడేళ్ళ క్రితం టీమ్‌ఇండియా కెప్టెన్‌ విరాట్‌ కోహ్లీతో అనుష్క వివాహం జరిగింది విషయం తెలిసిందే.
undefined
ఇదిలా ఉంటే ఇటీవల దేశ వ్యాప్తంగా సంచలనం సృష్టించిన హాథ్రాస్‌ ఘటన విషయంలో అనుష్క శర్మ స్పందించి ఆవేదన వ్యక్తం చేసింది. ఇంతటి దారుణమైన ఘటన గురించివినాల్సి వచ్చిందని, అమ్మాయిల పట్ల ఇంత ఘోరంగా ప్రవర్తించే రాక్షుసలు కూడా ఉన్నారా? అని మండిపడింది.
undefined
ఇంకా అనుష్క చెబుతూ, మగబిడ్డ పుడితే మన సమాజం విశేషంగా, అదేదో గొప్పగా చెప్పుకుంటుంటారు. వాస్తవానికి ఆడ బిడ్డ పుట్టడం కంటే అది గొప్ప విషయం కాదనిచెప్పింది. మగబిడ్డ పుట్టడం అదృష్టంగా భావిస్తున్న తల్లిదండ్రులు దూరదృష్టితో ఆలోచించాలని పేర్కొంది.
undefined
స్త్రీని గౌరవించే విధంగా అబ్బాయిని పెంచినప్పుడే గొప్పగా భావించాలి. సమాజ శ్రేయస్సు కోసం అలా చేయడం ప్రతి పేరెంట్స్ బాధ్యత. లింగ భేదం ఎవర్నీ గొప్పవారిని చేయదు.దయజేసి మగ బిడ్డ పుట్టుక ఓ విశేషంగా భావించొద్దు.
undefined
సమాజంలో బతకడానికి మహిళలు సురక్షితంగా, క్షేమంగా భావించాలి. ఇలా ప్రతి ఒక్కరు తమ బిడ్డల్ని పెంచాలని అనుష్క చెప్పింది. అంతేకాదు తమకు పుట్టబోయేది మగ అయినా, ఆడ అయినా ఓకే అని తెలిపింది.
undefined
అనుష్క శర్మ చివరగా `జీరో` చిత్రంలో నటించింది. రెండేళ్ల క్రితం వచ్చిన ఈ సినిమా పరాజయం చెందిన విషయం తెలిసిందే. ఆ తర్వాత కొత్తగా మరో సినిమా చేయలేదు.ఇదిలా ఉంటే ప్రభాస్‌ హీరోగా రూపొందే `ఆదిపురుష్‌`లో సీత పాత్రలో అనుష్క శర్మని ఎంపిక చేసినట్టు సమాచారం.
undefined