Mango: మామిడి పండు తినే ముందు నీటిలో ఎందుకు నానపెట్టాలి?

 వేసవికాలం అంటే మామిడి పండ్ల సీజన్. తీయటి మామిడి పండ్లు ఇష్టపడనివారు ఎవరైనా ఉంటారా? కానీ,ఈ పండ్లను ఎలా తినాలో తెలియకపోతే మాత్రం ఆరోగ్య సమస్యలు వచ్చే అవకాశం చాలా ఎక్కువ అని నిపుణులు హెచ్చరిస్తున్నారు.

ఆరోగ్య చిట్కాలు: వేసవికాలం అంటే మామిడి పండ్ల సీజన్. ఈ పండ్లు తినడం కోసమే సమ్మర్ కోసం ఎదురుచూసేవారు కూడా ఉంటారు. చాలా మంది పెద్దవాళ్ళు మామిడి పండ్లు తినే ముందు కనీసం అరగంట సేపు నీళ్ళలో నానబెట్టి తింటారు. మీరు కూడా ఈ అలవాటు పాటిస్తున్నారా? కానీ చాలా మంది ఈ సలహా పాటించరు, దానికి ప్రాధాన్యత కూడా ఇవ్వరు. కానీ ఈ అలవాటు కేవలం పాత సంప్రదాయం కాదు, దీని వెనుక శాస్త్రీయమైన, ఆరోగ్యపరమైన కారణాలు ఉన్నాయి. మామిడి పండ్లు తినే ముందు కొంత సేపు నీళ్ళలో నానబెట్టడం వల్ల కలిగే ప్రయోజనాల గురించి తెలుసుకుందాం-

1) మామిడి తొక్కలో ఫైటిక్ యాసిడ్ అనే యాంటీ-న్యూట్రియెంట్ ఉంటుంది. ఈ ఫైటిక్ యాసిడ్ శరీరానికి హానికరం. ఇది శరీరం పోషకాలను గ్రహించకుండా అడ్డుకుంటుంది. ఐరన్, జింక్, కాల్షియం వంటి ముఖ్యమైన పోషకాలను గ్రహించకుండా ఫైటిక్ యాసిడ్ అడ్డుకుంటుంది. మామిడి పండ్లను నీళ్ళలో నానబెడితే ఈ ఫైటిక్ యాసిడ్ తొలగిపోతుంది. తర్వాత మామిడి పండ్లు తినడం సురక్షితం, ఆరోగ్యకరం.

2) మామిడి తొక్కలో చాలా హానికరమైన పదార్థాలు ఉంటాయి, ఇవి ఆరోగ్యానికి మంచివి కావు. ఇవి చర్మ సమస్యలను కూడా కలిగిస్తాయి. మొటిమలు, దద్దుర్లు, పేగు సమస్యలు, మలబద్ధకం వంటి సమస్యలను నివారించడానికి మామిడి పండ్లను నీళ్ళలో నానబెట్టి తినాలి.

3) ఈ రోజుల్లో మార్కెట్లో దొరికే కూరగాయలు, పండ్లు చాలా వరకు కార్బైడ్ వంటి రసాయనాలతో పండిస్తారు. పంట సమయంలో క్రిమిసంహారక మందులను కూడా వాడతారు. మామిడి పండ్లను ఆకర్షణీయంగా ఉంచడానికి కూడా చాలా రకాల రసాయనాలను వాడతారు. వీటిని కడగకుండా లేదా నీళ్ళలో నానబెట్టకుండా తింటే శ్వాసకోశ సమస్యలు, వికారం, తలనొప్పి వంటి సమస్యలు వస్తాయి. మామిడి పండ్లను ఒక గంట సేపు నీళ్ళలో నానబెడితే ఈ హానికరమైన పదార్థాలు తొలగిపోతాయి.

4) మామిడి పండ్లు తింటే శరీర ఉష్ణోగ్రత పెరుగుతుంది. కానీ వేసవిలో శరీరాన్ని చల్లగా ఉంచుకోవడం మంచిది. మామిడి పండ్లను ఒక గంట సేపు నీళ్ళలో నానబెట్టి తింటే శరీరం చల్లగా ఉంటుంది.

5) మామిడి పండ్లలో ఫైటోకెమికల్స్ ఉంటాయి. ఈ రసాయనాలు శరీరంలో కొవ్వు పెరగడానికి కారణమవుతాయి. మామిడి పండ్లు తిని బరువు పెరగకూడదనుకుంటే వాటిని నీళ్ళలో నానబెట్టి తినండి. మామిడి పండ్లను నీళ్ళలో నానబెడితే ఫైటోకెమికల్స్ గాఢత తగ్గుతుంది. దీంతో కొవ్వు పెరిగే అవకాశం తగ్గుతుంది.