అరవింద సమేత స్పెషల్ షోలు.. ఫ్యాన్స్ కు బంపర్ అఫర్!

ఎన్టీఆర్ - త్రివిక్రమ్ కాంబినేషన్ లో తెరకెక్కిన చిత్రం అరవింద సమేత. గతంలో ఎప్పుడు లేని విధంగా భారి అంచనాలతో తారక్ సినిమా విడుదల కాబోతోంది. త్రివిక్రమ్ కూడా మంచి కసి మీద సినిమాను తెరకెక్కించినట్లు ట్రైలర్ తోనే క్లారిటీ వచ్చేసింది. ఇక మ్యూజిక్ కూడా సినిమాకు ప్లస్ అయ్యిందని చెప్పవచ్చు. 

అసలు మ్యాటర్ లోకి వస్తే..ఈ సినిమాకు ఆంధ్రప్రదేశ్ గవర్నమెంట్ స్పెషల్ షోలు వేసుకోవడానికి పర్మిషన్ ఇచ్చింది. నాలుగు ఆటలు కాకుండా అరవింద సమేత రోజు ఆరు ఆటలతో ఆంధ్రా అభిమానుల ముందుకు రానుంది. ప్రిన్సిపాల్ సెక్రటరీ టు గవర్నమెంట్ నుంచి అధికారికంగా లేఖను కూడా విడుదల చేశారు. 

అరవింద సమేత 11వ తేదీన ప్రేక్షకుల ముందుకు రానున్న సంగతి తెలిసిందే. అయితే ఆ రోజు నుంచి దసరా సందర్బంగా ఈ భారీ బడ్జెట్ చిత్రానికి ఉదయం 5 గంటల నుండి 11 గంటల మధ్యలో రెండు స్పెషల్ షోలు ఎక్స్ట్రా గా పదర్శించుకోవడానికి అనుమతి ఇస్తున్నట్లు పేర్కొన్నారు. ఈ నెల 18వ తేదీ వరకు థియేటర్స్ కు స్పెషల్ షోల కోసం అనుమతులు ఇచ్చారు. దీంతో ఎన్టీఆర్ ఫ్యాన్స్ పండగలో బంపర్ అఫర్ వచ్చింది అంటూ సంబరపడుతున్నారు.