మల్లెల బాబ్జీకి పట్టిన గతే శ్రీనివాస్ కు,శివాజీ కూడా కుట్రదారుడే :తమ్మినేని

ఏపీ ప్రతిపక్ష నేత వైసీపీ అధినేత వైఎస్‌ జగన్‌పై హత్యాయత్నం కేసును రాష్ట్ర పోలీసులు పూర్తి స్థాయిలో దర్యాప్తు చేయలేకపోతున్నారని వైసీపీ నేత తమ్మినేని సీతారాం ఆరోపించారు. జగన్ పై దాడి కుట్రలో సినీనటుడు శివాజీ కూడా భాగస్వామి అని అతనిని ఎందుకు విచారించడంలేదని పోలీసులను నిలదీశారు.   

శ్రీకాకుళం : ఏపీ ప్రతిపక్ష నేత వైసీపీ అధినేత వైఎస్‌ జగన్‌పై హత్యాయత్నం కేసును రాష్ట్ర పోలీసులు పూర్తి స్థాయిలో దర్యాప్తు చేయలేకపోతున్నారని వైసీపీ నేత తమ్మినేని సీతారాం ఆరోపించారు. జగన్ పై దాడి కుట్రలో సినీనటుడు శివాజీ కూడా భాగస్వామి అని అతనిని ఎందుకు విచారించడంలేదని పోలీసులను నిలదీశారు. 

దాడి జరిగి రోజులు గడుస్తున్నా ఎయిర్‌పోర్టులో సీసీ టీవీ ఫుటేజీని మాత్రం బయటపెట్టడం లేదని విమర్శించారు. సీసీటీవీ ఫుటేజ్ ఎందుకు బయటపెట్టడం లేదో చెప్పాలని డిమాండ్ చేశారు. ఇకపోతే నిందితుడు శ్రీనివాస్ పరిస్థితి చూస్తే అనేక అనుమానాలు వ్యక్తమవుతున్నాయని ఆరోపించారు. గతంలో మల్లెల బాబ్జీకి పట్టిన గతే ఇప్పుడు శ్రీనివాస్‌కు కుడా పడుతుందనే అనుమాలున్నాయని వ్యాఖ్యానించారు. 

తమకు సిట్‌పై నమ్మకం లేదని, ఘటనపై న్యాయ విచారణ జరిపించాలని డిమాండ్‌ చేశారు. హత్యాయత్నం ఘటనపై థర్డ్‌ పార్టీ విచారణకు రాష్ట్ర ప్రభుత్వం ఎందుకు భయపడుతుందో చెప్పాలని తమ్మినేని సీతారాం ప్రశ్నించారు. తక్షణమే థర్డ్ పార్టీ విచారణకు ప్రభుత్వం ఆదేశించాలని డిమాండ్ చేశారు. 

ఈ వార్తలు కూడా చదవండి

దాడి కేసు విచారణపై హైకోర్టులో జగన్ పిటిషన్....ప్రతివాదిగా చంద్రబాబు