సోనియాని రాక్షసి బొందపెట్టాలన్నాడు.. చివరికి కాంగ్రెస్‌ కాళ్ల దగ్గరకే: విజయసాయి

టీడీపీ అధినేత, ఏపీ సీఎం చంద్రబాబు నాయుడు రాహుల్ గాంధీని కలవడంపై తీవ్రస్థాయిలో మండిపడ్డారు వైసీపీ ఎంపీ విజయసాయి రెడ్డి. పొలిటికల్ దళారి చంద్రబాబు కొత్త అవతారం ఎత్తారని విమర్శించారు.. మొన్నటి వరకు సోనియా గాంధీని రాక్షసి అని కాంగ్రెస్ పార్టీని బొందపెట్టాలని..  దేశం నుంచి తరిమికొట్టాలని పెడబొబ్బలు పెట్టాడన్నాడు. ఇప్పుడు రాహుల్ గాంధీ కాళ్లు పట్టుకుని ప్రజాస్వామ్యాన్ని కాపాడుదామని అంటున్నారని విజయసాయి దుయ్యబట్టారు.

చంద్రబాబుకు కొంచెం కూడా సిగ్గులేదన్నారు.. ఈ మేరకు ట్వీట్ చేసిన విజయసాయి రెడ్డి.. సోనియాగాంధీపై టీడీపీ అధినేత పలు సందర్భాల్లో చేసిన విమర్శలకు సంబంధించి వీడియో క్లిప్పింగులను ట్యాగ్ చేశారు. బీజేపీకి ప్రత్యామ్నాయ కూటమికి ఏర్పాటు చేసే లక్ష్యంతో చంద్రబాబు నిన్న ఏఐసీసీ అధ్యక్షుడు రాహుల్ గాంధీ సహా పలువురు జాతీయ నేతలను కలిసిన సంగతి తెలిసిందే.