ప్రకాశంలో దారుణం: స్కూలులోనే విద్యార్థినిపై ప్రిన్సిపాల్ అత్యాచారం..

తల్లిదండ్రుల తర్వాత పిల్లలను కంటికి రెప్పలా కాపాడుతూ ఉత్తమ పౌరులుగా తీర్చిదిద్దాల్సిన ప్రిన్సిపాల్ కామాంధుడిగా మారిపోయాడు. తాను ఒక ఉపాధ్యాయుడినని మరిచిపోయి విద్యార్థినిపై అత్యాచారానికి పాల్పడ్డాడు. వివరాల్లోకి వెళితే...ప్రకాశం జిల్లా ఇంకొల్లులోని ఎంఆర్ఆర్ స్కూలు ప్రిన్సిపాల్ వీరయ్య అదే పాఠశాలలో చదువుకుంటున్న విద్యార్థినిపై అత్యాచారానికి పాల్పడ్డాడు.

బాలిక ఈ విషయాన్ని తల్లిదండ్రులకు చెప్పడంతో వారు పోలీసులకు ఫిర్యాదు చేశారు. అయితే పోలీసులు కేసు నమోదు చేయకపోవడంతో గ్రామస్తుల సాయంతో తల్లీదండ్రులు స్కూలు వద్ద ఆందోళనకు దిగారు. ప్రిన్సిపాల్ వీరయ్యను వెంటనే అదుపులోకి తీసుకోవాలని డిమాండ్ చేశారు.