రెడీ: ఈ నెల 12 నుండి జగన్ యాత్ర, దాడిపై వివరణ

వైసీపీ చీప్ వైఎస్ జగన్ ప్రజా సంకల్పయాత్రను ఈ నెల 12 వ తేదీ నుండి తిరిగి ప్రారంభించనున్నారు. 

హైదరాబాద్: వైసీపీ చీప్ వైఎస్ జగన్ ప్రజా సంకల్పయాత్రను ఈ నెల 12 వ తేదీ నుండి తిరిగి ప్రారంభించనున్నారు. విశాఖ ఎయిర్‌పోర్ట్‌లో  గత నెల 25వ తేదీన శ్రీనివాసరావు అనే యువకుడు కత్తితో దాడికి దిగాడు. దీంతో   ప్రజా సంకల్పయాత్రను జగన్ వాయిదా వేశారు.

కత్తి దాడి కారణంగా  జగన్ భుజానికి గాయమైంది. ఈ నెల 3వ తేదీ నుండి పాదయాత్రను ప్రారంభించాలని తొలుత జగన్ భావించాడు. అయితే గాయం ఇంకా మానకపోవడంతో  పాదయాత్రను విరమించుకోవాలని వైద్యులు సూచించారు. దీంతో  మూడో తేదీన ప్రారంభించాలనుకొన్న యాత్రను రద్దు చేసుకొన్నారు.

ఈ నెల 12వ తేదీ నుండి జగన్ పాదయాత్రను పున : ప్రారంభించనున్నారు. విజయనగరం జిల్లాకు బయలుదేరేందుకు వీలుగా నవంబర్ 11వ తేదీ సాయంత్రం జగన్  హైద్రాబాద్ నుండి విజయనగరం జిల్లాకు బయలు దేరనున్నారు.12వ తేదీ నుండి యాత్రను ప్రారంభిస్తారు.

తనపై శ్రీనివాసరావు దాడికి సంబంధించి పాదయాత్రలో వివరిస్తానని జగన్ గతంలోనే ప్రకటించారు. అయితే  ఈ దాడి ఘటనకు సంబంధించి జగన్ ఏం చెబుతారనేది ప్రస్తుతం ఆసక్తికరంగా మారింది.

సంబంధిత వార్తలు

జగన్ పై దాడి కేసులో ట్విస్ట్: జోగిరమేష్ కు నోటీసులు