క్షోభకు గురి చేసి విచారమంటారా..:బొత్సకు యనమల కౌంటర్

గత కొంతకాలంగా కేసులపై కేసులు పెడుతూ మానసిక క్షోభకు గురి చేశారని చెప్పుకొచ్చారు. ఇటీవల కాలంలో తనతో కూడా ప్రభుత్వ కక్ష సాధింపుపై మాట్లాడారని తెలిపారు. పోలీసులు సైతం ప్రభుత్వానికి మద్దతు పలుకుతూ కేసుల పేరుతో ఇబ్బందులకు గురి చేస్తున్నారంటూ తనతో కోడెల చెప్తూ ఆవేదన వ్యక్తం చేశారని తెలిపారు. 

అమరావతి : మాజీ శాసన సభాపతి కోడెల శివప్రసాదరావు ఆత్మహత్యకు వైసీపీ ప్రభుత్వ వేధింపులే కారణమని ఆరోపించారు మాజీమంత్రి యనమల రామకృష్ణుడు. కోడెల శివప్రసాదరావును వైసీపీ ప్రభుత్వం మానసికంగా వేధించిందని ఆరోపించారు. 

గత కొంతకాలంగా కేసులపై కేసులు పెడుతూ మానసిక క్షోభకు గురి చేశారని చెప్పుకొచ్చారు. ఇటీవల కాలంలో తనతో కూడా ప్రభుత్వ కక్ష సాధింపుపై మాట్లాడారని తెలిపారు. పోలీసులు సైతం ప్రభుత్వానికి మద్దతు పలుకుతూ కేసుల పేరుతో ఇబ్బందులకు గురి చేస్తున్నారంటూ తనతో కోడెల చెప్తూ ఆవేదన వ్యక్తం చేశారని తెలిపారు. కోడెల తీరు చూసి మనోవేదనకు గురయ్యారని తాను భావించినట్లు యనమల రామకృష్ణుడు తెలిపారు. 

ఇకపోతే కోడెల ఆత్మహత్యపై టీడీపీ దిగజారుడు రాజకీయాలు చేస్తోందన్న బొత్స వ్యాఖ్యలపై మండిపడ్డారు. మొన్నటి వరకు కోడెలపై లేని కేసులు ప్రభుత్వం మారగానే ఎందుకు వచ్చాయని ప్రశ్నించారు. కోడెల డిప్రెషన్‌కు వెళ్లడానికి రాజకీయ కక్షలే కారణం కాదా అని బొత్సను ప్రశ్నించారు. 

కోడెల శివప్రసాదరావు ఆత్మహత్యకు వైసీపీ ప్రభుత్వమే కారణమని ఆరోపించారు. ప్రభుత్వం ఏది చెబితే పోలీసులు గుడ్డిగా అదే చేస్తున్నారని ఆగ్రహం వ్యక్తం చేశారు. కోడెల మరణానికి పోలీసులు కూడా బాధ్యత వహించాలని డిమాండ్ చేశారు.  

కోడెల ఆత్మహత్య కేసుకు సంబంధించి పోలీసులు నిస్వార్థంగా విచారణ చేపట్టాలని తెలంగాణ పోలీసులను కోరారు. కేసును నిస్వార్థంగా విచారించి కారణాలను నిర్మొహమాటంగా ప్రకటించాలని యనమల రామకృష్ణుడు డిమాండ్ చేశారు.

ఈ వార్తలు కూడా చదవండి