రాజకీయ కక్షలకు ఓ ఫైటర్ బలి: కోడెల మృతిపై సీపీఐ నారాయణ

 పల్నాడులో పెత్తందారి వ్యవస్థపై పోరాటం చేసిన విషయాన్ని గుర్తు చేశారు. వామపక్ష పార్టీలతో కలిసి ఎన్నో ఉద్యమాల్లో పాల్గొన్నారని చెప్పుకొచ్చారు. అలాంటి పొలిటికల్ ఫైటర్ రాజకీయ కక్షలకు బలైపోవడం విచారకరమన్నారు.   

హైదరాబాద్: మాజీ శాసన సభాపతి కోడెల శివప్రసాదరావు ఆత్మహత్యపై కీలక వ్యాఖ్యలు చేశారు సీపీఐ నేత నారాయణ.  కోడెల శివప్రసాద్ ఎవరికీ భయపడే వ్యక్తి కాదని అభిప్రాయపడ్డారు. ఆయన ఒక ఫైటర్ అంటూ చెప్పుకొచ్చారు. 

ఎన్టీఆర్ ట్రస్ట్ భవన్ లో కోడెల మృతదేహానికి పూలమాలలు వేసి నివాళులర్పించారు. అనంతరం మీడియాతో మాట్లాడిన నారాయణ పల్నాడులో పెత్తందారి వ్యవస్థపై పోరాటం చేసిన విషయాన్ని గుర్తు చేశారు. వామపక్ష పార్టీలతో కలిసి ఎన్నో ఉద్యమాల్లో పాల్గొన్నారని చెప్పుకొచ్చారు. అలాంటి పొలిటికల్ ఫైటర్ రాజకీయ కక్షలకు బలైపోవడం విచారకరమన్నారు. 

కోడెల మృతి తనను కలచివేసిందని ఆవేదన వ్యక్తం చేశారు. ఆయన ఆత్మకు శాంతికలగాలని భగవంతుడిని కోరుకున్నట్లు తెలిపారు. కోడెల కుటుంబ సభ్యులకు ప్రగాఢ సంతాపం తెలియజేశారు సీపీఐ నారాయణ. 

ఈ వార్తలు కూడా చదవండి