కొనసాగుతున్న సర్వేశ్వరరావు అంతిమయాత్ర

అరకు ఎమ్మెల్యే కిడారి సర్వేశ్వరరావు అంతిమ యాత్ర పాడేరులో సోమవారం నాడు సాగింది.

పాడేరు: అరకు ఎమ్మెల్యే కిడారి సర్వేశ్వరరావు అంతిమ యాత్ర పాడేరులో సోమవారం నాడు సాగింది. ఎమ్మెల్యే సర్వేశ్వరరావు పాడేరులోనే పుట్టారు. కుటుంబసభ్యుల కోరిక మేరకు  సర్వేశ్వరరావు అంత్యక్రియలను  పాడేరులో నిర్వహిస్తున్నారు.

ఆదివారం నాడు లిప్పిట్టిపుట్టు  ప్రాంతంలో మావోయిస్టులు మాటు వేసి అరకు ఎమ్మెల్యే  సర్వేశ్వరరావు, మాజీ ఎమ్మెల్యే  సివిరి సోమను చంపేశారు. 
సర్వేశ్వరరావు కుటుంబసభ్యులు  పాడేరులో అంత్యక్రియలను నిర్వహించాలని నిర్ణయం తీసుకొన్నారు. పాడేరులో అంతిమయాత్ర సాగింది. 

మంత్రులు, టీడీపీ ప్రజాప్రతినిధులు,  సర్వేశ్వరరావు అభిమానులు పెద్ద ఎత్తున ర్యాలీలో పాల్గొన్నారు. ఈ ర్యాలీలో మావోలకు వ్యతిరేకంగా నినాదాలు చేశారు.
గిరిజన సంప్రదాయం ప్రకారంగా అంత్యక్రియలను నిర్వహించేలా ప్లాన్ చేశారు. రాష్ట్ర ప్రభుత్వం అధికారిక లాంఛనాలతో  అంత్యక్రియలు నిర్వహించాలని ప్రభుత్వం ఆదేశాలను జారీ చేసింది.

ఇదిలా ఉంటే మాజీ ఎమ్మెల్యే  సివిరి సోమ అంత్యక్రియలు అరకులో నిర్వహించారు. ప్రభుత్వ లాంఛనాలతో  అంత్యక్రియలు పూర్తి చేశారు. అంత్యక్రియల సందర్భంగా ఎలాంటి అవాంఛనీయ సంఘటనలు చోటు చేసుకోకుండా భారీ బందోబస్తు ఏర్పాటు చేశారు. 

సంబంధిత వార్తలు