ఆ గాయం తర్వాత చాలా డిప్రెషన్ లోకి వెళ్లిపోయా.. సానియా మీర్జా
ఒలంపిక్స్ నుంచి అర్థాంతరంగా వైదొలిగిన తర్వాత.. ఆమె బాగా డిప్రెషన్ కి గురయ్యారట. ఆ డిప్రెషన్ దాదాపు నెలల పాటు కొనసాగిందని ఆమె పేర్కొన్నారు.
 )
Followఇండియన్ టెన్నిస్ స్టార్ సానియా మీర్జా.. డిప్రెషన్ లోకి వెళ్లిపోయారట. ఈ విషయాన్ని ఆమె స్వయంగా వెల్లడించారు. అయితే.. ఇప్పుడు కాదులేండి... గాయంతో బీజింగ్(2008) ఒలంపిక్స్ నుంచి అర్థాంతరంగా వైదొలిగిన తర్వాత.. ఆమె బాగా డిప్రెషన్ కి గురయ్యారట. ఆ డిప్రెషన్ దాదాపు నెలల పాటు కొనసాగిందని ఆమె పేర్కొన్నారు.
మూడు, నాలుగు నెలలు తాను మానసిక సమస్యలతో సతమతమయ్యానని తెలిపింది. ముంజేతి గాయంతో చెక్‌ రిపబ్లిక్‌కు చెందిన బెనెసోవాతో తొలి రౌండ్‌ పోరు మధ్యలో సానియా వైదొలిగింది. అప్పటికి సానియా 1-6, 1-2తో వెనుకంజలో ఉంది. ఆ సందర్భాన్ని ఆమె ఓ చానెల్ ఇంటర్వ్యూలో గుర్తు చేసుకుంటూ ‘ముంజేతి గాయంతో ఒలింపిక్స్‌ టెన్నిస్ మ్యాచ్‌నుంచి వైదొలగాల్సి వచ్చింది.
ఫలితంగా 3-4 నెలలపాటు డిప్రెషన్‌లోకి వెళ్లిపోయా. మళ్లీ టెన్నిస్ ఆడతానో లేదోననే భయం వెంటాడింది. కారణం లేకుండా ఏడుస్తున్నట్టు నాకు గుర్తుంది. అప్పటివరకు బాగానే ఉండేదాన్ని. అంతలోనే దుఃఖం తన్నుకొచ్చేది. భోజనం చేయడానికి కూడా గది నుంచి బయటకు వచ్చేదాన్ని కాదు’ అని వివరించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
