చంపి కాళ్లు, చేతులు, మొండెం వేరు చేశారు: భార్య, కుమారుల పనే
కర్ణాటక రాష్ట్రంలోని సరిహద్దు గ్రామంలో ఓ వ్యక్తిని హత్య చేసి, శరీరభాగాలు వేరు చేసి సంచిలో కుక్కి తెలంగాణలోని బసంత్ పూర్ చెక్ డ్యాంలో పడేశారు. ఈ కేసును పోలీసుుల ఛేదించారు.
జహీరాబాద్: తెలంగాణలోని న్యాల్ కల్ మండలం బసంత్ పూర్ శివారులో లభించిన గుర్తు తెలియని శవం మిస్టరీని పోలీసులు ఛేదించారు. ఈ నెల 8వ తేదీన బసంత్ పూర్ శివారులోని చెక్ డ్యామ్ లో పోలీసుుల ఓ వ్యక్తి మృతదేహాన్ని కనిపెట్టారు. గుర్తు తెలియని వ్యక్తి శవంగా కేసు నమోదు చేసుకున్నారు.
ఆ కేసుకు సంబంధించిన వివరాలను జహీరాబాద్ డిఎస్పీ శంకర్ రాజు, రూరల్ సీఐ కృష్ణకిశోర్, హద్నూర్ ఎస్సై విజయరావు అందించారు. కాళ్లు, చేతులు, మొండెం వేరు చేసి ఓ సంచిలో మూటగట్టి చెక్ డ్యాంలో మృతదేహాన్ని పారేశారు. ఆ మృతదేహం కర్ణాటకలోని అష్టూర్ గ్రామానికి చెందిన వైద్యనాత్ (57)గా పోలీసులు గుర్తించారు.
భార్య పుణ్యమ్మకు వివాహేతర సంబంధం ఉందని అనుమానిస్తూ వైద్యనాత్ తరుచుగా వేధింపులకు పాల్పడుతూ వస్తున్నాడు. దాంతో పాటు గ్రామంలో ఆ విషయాన్ని ప్రచారం చేస్తూ వచ్చాడు. దీంతో పరువు పోతుందని భావించి భార్య తన కుమారులతో కలిసి అతన్ని హత్య చేసింది.
నిరుడు డిసెంబర్ 31వ తేదీన వైద్యనాథ్ ను ఇంట్లో బంధించి తీవ్రంగా కొట్టి చంపేశారు. ఆ తర్వాత కాళ్లు, చేతులు, మొండెం వేరు చేసి ఓ సంచిలో కుక్కి కర్ణాటక సరిహద్దు దాటి వచ్చారు. ఆ సంచీని బసంత్ పూర్ శివారులోని చెక్ డ్యాంలో పడేశారు. ఐదుగురు కలిసి ఈ హత్యకు పాల్పడ్డారు. ఈ కేసులో పోలీసులు బుధవారం సంతోష్, అనుకేష్ లను అరెస్టు చేశారు.
వైద్యనాథ్ భార్య పుణ్యమ్మతో పాటు కుమారులు అంకుష్, ఆకాశ్ పరారీలో ఉన్నారు. త్వరలోనే వారిని పట్టుకుంటామని పోలీసులు చెప్పారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
