TSRTC ప్రయాణీకులకు గుడ్ న్యూస్ .. ఆ రూట్‌లలో 10 శాతం రాయితీ.. వివరాలు ఇవిగో..
TSRTC| సుదూర ప్రాంతాలకు వెళ్లే ప్రయాణీకులకు తెలంగాణ రోడ్డు రవాణా సంస్థ ఓ వార్త చెప్పింది. బెంగుళూరు, విజయవాడ రూట్‌లలో టికెట్ పై 10 శాతం రాయితీ కల్పించాలని నిర్ణయించింది. అలాగే.. ఈ రెండు మార్గాల్లో రాకపోకలు సాగించే ప్రయాణికుల సౌకర్యార్థం ముందస్తు రిజర్వేషన్ ను తీసుకొచ్చింది.
TSRTC| తెలంగాణ రోడ్డు రవాణా సంస్థ (TSRTC).. ఎప్పటికప్పుడు తనను తాను మెరుగుపరుచుకుంటూ.. ప్రయాణీకులకు నాణ్యమైన సేవలందించాలని భావిస్తుంటుంది. ఈ తరుణంలో ఓ సరికొత్త ఆలోచనతో ముందుకు వచ్చింది. ఇప్పటికే ప్రైవేటు ట్రావెల్స్‌కు ధీటుగా ఏసీ స్లీపర్‌ సర్వీసుల (AC Sleeper Bus)ను ప్రారంభించిన విషయం తెలిసిందే.. తాజాగా సుదూర ప్రాంతాలకు వెళ్లే ప్రయాణికులను తనవైపు ఆకర్షించుకోవాలని ప్రయత్నిస్తుంది.
ఈ క్రమంలో బెంగుళూరు, విజయవాడ రూట్‌లలో (ఆర్టీసీ) ప్రయాణించే వారికి టికెట్ పై 10 శాతం రాయితీ కల్పించాలని నిర్ణయించింది. ఆ రెండు మార్గాల్లో రాకపోకలు కొనసాగించే.. ప్రయాణికులు ముందస్తు రిజర్వేషన్ చేసుకుంటే.. వారి ప్రయాణంపై ఈ 10 శాతం డిస్కౌంట్ ను సంస్థ అందించనున్నది.
ఆదివారం(జులై 2) నుంచి ముందస్తు రిజర్వేషన్ సదుపాయాన్ని అన్నీ సర్వీసుల్లో 10 శాతం రాయితీ అమల్లోకి వస్తుంది. ఈ ఆఫర్ ఆగస్టు 15 వరకు అందుబాటులో ఉంటుంది. ''విజయవాడ, బెంగళూరు మార్గాల్లో ప్రయాణికుల రాకపోకలు ఎక్కువగా ఉంటాయి. ఈ క్రమంలో ప్రయాణికుల ఆర్థిక భారం తగ్గించాలనే ఉద్దేశంతో ఈ ఆఫర్ ను తీసుకవచ్చింది టీఎస్ఆర్టీసీ. ఈ ఆఫర్ పొందాలంటే.. రానూపోను ఒకే సారి బుక్ చేసుకుంటే తిరుగు ప్రయాణంపై 10 శాతం రాయితీ వస్తుంది.
ఈ రాయితీతో విజయవాడ మార్గంలో రూ.50 వరకు, బెంగళూరు మార్గంలో రూ.100 వరకు (ఒక్కో ప్రయాణికుడికి) ఆదా అవుతుంది. ఈ ఆఫర్ ఆగస్టు 15 వరకు అందుబాటులో ఉంటుందనీ, ఈ రాయితీ సద్వినియోగం చేసుకోవాలని టీఎస్ఆర్టీసీ చైర్మన్‌, ఎమ్మెల్యే బాజిరెడ్డి గోవర్దన్‌, సంస్థ ఎండీ వీసీ సజ్జనర్‌, ఐపీఎస్‌ కోరారు. మరిన్ని వివరాల కోసం తమ అధికారిక వెబ్‌సైట్‌ www.tsrtconline.com ను సంప్రదించాలని వారు సూచించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
