హైదరాబాద్: కేంద్ర హోం శాఖ సహాయ మంత్రి జి. కిషన్‌రెడ్డికి గుర్తు తెలియని వ్యక్తుల నుండి బెదిరింపు ఫోన్ కాల్స్ వచ్చాయి. ఈ విషయమై కిషన్ రెడ్డి  పోలీసులకు ఫిర్యాదు చేశారు.

గత నెల 20వ తేదీన  ఇంటర్నెట్ వాయిస్ కాల్స్ ద్వారా కేంద్ర హోం శాఖ సహయ మంత్రి కిషన్ రెడ్డికి 69734063  నెంబర్ నుండి ఫోన్ చేసి బెదిరించారు.   మూడు రోజుల క్రితం కూడ ఇదే రకమైన ఫోన్ కాల్స్ వచ్చాయి. దీంతో మంత్రి కిషన్ రెడ్డి పోలీసులకు ఫిర్యాదు చేశారు.

కిషన్ రెడ్డిని చంపుతామని దుండగులు  బెదిరించినట్టుగా సమాచారం ఈ బెదిరింపు కాల్స్‌పై మంత్రి ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు.