హైదరాబాద్: ఆదాయంలో కొరత ఏర్పడితే జీఎస్టీ పరిహార చట్టంలోని సెక్షన్ 7(2) ప్రకారం రాష్ట్రాలకు పరిహారాన్ని ప్రతీ రెండు నెలలకు చెల్లించాలని తెలంగాణ రాష్ట్ర ఆర్ధిక శాఖ మంత్రి హరీష్ రావు కేంద్ర ప్రభుత్వాన్ని డిమాండ్ చేశారు. 

సోమవారం నాడు 42 వ జీఎస్టీ ‌ కౌన్సిల్ సమావేశం ఇవాళ జరిగింది. కేంద్ర ఆర్థిక మంత్రి నిర్మలా సీతారామన్ నేతృత్వంలో ‌కౌన్సిల్ సమావేశం జరిగింది. హైద్రాబాద్ బూర్గుల రామకృష్ణారావు భవన్ నుండి మంత్రి హరీష్ రావు  ఈ సమావేశంలో వీడియో కాన్పరెన్స్ ద్వారా పాల్గొన్నారు.

ఈ పరిహారం  తప్పనిసరిగా పరిహార నిధి నుండే చెల్లించాలని ఆయన కోరారు.  సెస్ తో పాటు, జీఎస్టీ కౌన్సిల్ సిఫారసు చేసే ఇతర మొత్తం నిధులను తప్పనిసరిగా జీఎస్టీ పరిహార నిధిలో జమ చేయాలన్నారు. 

ఆప్షన్ 1, ఆప్షన్ 2 కింద పెర్కొన్న రుణాలు ఇతర నిధుల కింద ఉన్నట్లు పరిహార నిధి చట్టం సెక్షన్ 10(1) చెబుతోందన్నారు. దీనిపైన జీఎస్టీ కౌన్సిల్ చర్చించ వచ్చన్నారు. 

 ఆప్షన్ 1 లో చెల్లించాల్సిన పరిహారాన్ని లక్ష పది వేల కోట్ల కు, ఆప్షన్ 2  లో‌ లక్ష 83 వేల కోట్లు కు రివైజ్డ్ చేసినట్టుగా ఆయన చెప్పారు. వీటి మధ్య అంతరం 73 వేల కోట్లు మాత్రమేనని చెప్పారు. ఆప్షన్ 1 లో పేర్కొన్న పరిహారంతో పాటు ఈ 73 వేల కోట్లు చెల్లించాలని ఆయన కోరారు. 

ఈ సమావేశంలో చత్తీస్‌గఢ్ మంత్రి చెప్పినట్టు జీఎస్టీ పరిహారం  చెల్లింపుల కోసం తీసుకునే రుణం ఆర్టికల్ 293 పరిధిలో ఉండదన్నారు.. దీన్ని తాము సమర్థిస్తున్నట్టుగా ఆయన చెప్పారు. 15  వ ఆర్థిక సంఘం కేంద్రం నుంచి తెలంగాణ రాష్ట్రానికి  రావాల్సిన  పన్నుల వాటా 2.43 నుంచి 2.13 కు తగ్దించిందన్నారు. 

 కేంద్రం  ఈ రోజు ప్రకటించిన ప్రత్యేక ప్యాకేజీ ఫైనాన్స్ కమిషన్ ఫార్ములాతో ఈ ప్యాకేజీ ఇవ్వడం‌వల్ల తెలంగాణ, మహారాష్ట్ర, కర్ణాటక వంటి అభివృద్ధి చెందిన రాష్ట్రాలకు నష్టం జరుగుతుందన్నారు.

ఈ రోజు ప్రకటించిన ప్యాకేజీ రాష్ట్రాల జనాభా, ఆయా రాష్ట్రాల క్యాపిటల్ ఎక్సపెండిచర్ ను పరిగణలోకి తీసుకోవాలని మంత్రి హరీశ్ రావు కోరారు. 
దీని వల్ల అభివృద్ధి చెందుతున్న రాష్ట్రాలకు మేలు జరుగుతుందని చెప్పారు. 

‌15 వ ఆర్థిక సంఘం డెవెల్యూషన్ గ్రాంటు 2.43  నుంచి‌ 2.13 తగ్గించడం వల్ల జరుగుతున్న  నష్టాన్ని పూడ్చడానికి తెలంగాణ కు 723  కోట్లు వన్ టైం గ్రాంటు కింద ఇవ్వాలని సిఫారసు చేసిందన్నారు.ఈ సిఫారసులను కేంద్రం ఆమోదించలేదు. 15 వ ఆర్థిక సంఘం సిఫారసు చేసినట్లు 723  కోట్లను విడుదల చేయాలని ఆయన డిమాండ్ చేశారు.