కాంగ్రెస్ దూకుడు.. నవంబర్ మొదటి వారంలో తెలంగాణలో రాహుల్ గాంధీ ఎన్నికల ప్రచారం
Telangana Congress: నవంబర్ మొదటి వారంలో రాహుల్ గాంధీ తెలంగాణలోలో మరోసారి ఎన్నికల ప్రచారం చేయనున్నారు. అక్టోబర్ 19, 20 తేదీల్లో ఉత్తర తెలంగాణలోని ఐదు జిల్లాల్లోని వివిధ నియోజకవర్గాల్లో విజయభేరి బస్సు యాత్రలో ఇంత‌కుముందు కూడా ఆయన ఎన్నికల ప్ర‌చార ర్యాలీల్లో పాల్గొన్నారు. వచ్చే ఎన్నిక‌ల్లో గెలుపే ల‌క్ష్యంగా కాంగ్రెస్ ఎన్నికల వ్యూహాలు ర‌చిస్తూ ముందుకు సాగుతోంది.
 )
FollowTelangana Assembly Elections 2023: అసెంబ్లీ ఎన్నికల నేప‌థ్యంలో తెలంగాణ రాజ‌కీయాలు కాక‌రేపుతున్నాయి. అధికారం పీఠం ద‌క్కించుకోవ‌డానికి కాంగ్రెస్, బీఆర్ఎస్, బీజేపీలు త‌మ ముందున్న అన్ని వ‌న‌రుల‌ను ఉప‌యోగించుకుంటున్నాయి. ఓట‌ర్ల‌ను త‌మ‌వైపున‌కు తిప్పుకోవ‌డానికి హామీల వ‌ర్షం కురిపిస్తున్నాయి. అయితే, దూకుడు మీదున్న కాంగ్రెస్.. ఎన్నికల ప్రచారం వ్యూహాల‌ను ముమ్మ‌రం చేస్తోంది. ఈ పార్టీ అగ్ర‌నాయ‌కుల‌ను రంగంలోకి దింపుతోంది. ఇదివ‌ర‌కు రాష్ట్రంలో ఎన్నికల ప్ర‌చార ర్యాలీలో పాలుపంచుకున్న రాహుల్ గాంధీ మరోసారి తెలంగాణ ప‌ర్య‌ట‌న‌కు రానున్నారు. వచ్చే నెల‌లో కాంగ్రెస్ ఎన్నికల ప్రచారంలో పాలుపంచుకుంటార‌ని ఆ పార్టీ వ‌ర్గాలు తెలిపాయి.
నవంబర్ 30న జరగనున్న అసెంబ్లీ ఎన్నికల ప్రచారంలో భాగంగా రెండో విడత బస్సు యాత్రలో పాల్గొనేందుకు కాంగ్రెస్ అధినేత రాహుల్ గాంధీ వచ్చే నెల మొదటి వారంలో తెలంగాణలో పర్యటించనున్నారు. ఆయన పర్యటన షెడ్యూల్ ఇంకా ఖరారు కానప్పటికీ, ఈ ప‌ర్య‌ట‌న‌లో ఆయన దక్షిణ తెలంగాణ జిల్లాలను కవర్ చేసే అవకాశం ఉంది. రాహుల్ గాంధీ, తన సోదరి, పార్టీ ప్రధాన కార్యదర్శి ప్రియాంక గాంధీతో కలిసి అక్టోబర్ 18న ములుగులో బహిరంగ సభతో ఎన్నికల ప్రచారాన్ని ప్రారంభించారు. రాహుల్ గాంధీ అక్టోబర్ 19, 20 తేదీల్లో ఉత్తర తెలంగాణలోని ఐదు జిల్లాల్లోని వివిధ నియోజకవర్గాల్లో కాంగ్రెస్ విజయభేరి బస్సు యాత్రలో పాల్గొన్నారు.
రాష్ట్ర పార్టీ వర్కింగ్ ప్రెసిడెంట్ మహేశ్ కుమార్ గౌడ్ మాట్లాడుతూ అక్టోబర్ 28 నుంచి రెండో విడత బస్సుయాత్ర ప్రారంభమవుతుందని తెలిపారు. అయితే పార్టీ షెడ్యూల్‌ను, అందులో పాల్గొనే నేతలను ఇంకా ఖరారు చేయలేదన్నారు. తెలంగాణ కాంగ్రెస్ ఇంచార్జి మాణికరావు ఠాక్రే, రాష్ట్ర కాంగ్రెస్ చీఫ్ ఎ. రేవంత్ రెడ్డి, ఎంపీలు కోమటిరెడ్డి వెంకట్ రెడ్డి, ఉత్తమ్ కుమార్ రెడ్డి, ఇతర సీనియర్ నేతలు అక్టోబర్ 26, 27 తేదీల్లో ప్రచారం నిర్వహించనున్నారు. పార్టీ ప్రకటించిన ఆరు హామీలను ప్రజలకు వివరించేందుకు రోజుకు రెండు నియోజకవర్గాల్లో పర్యటించనున్నారు. అక్టోబర్ 31న మరోసారి రాష్ట్రంలో పర్యటించనున్న ప్రియాంక గాంధీ.. మహబూబ్ నగర్ జిల్లాలో జరిగే బహిరంగ సభలో ఆమె ప్రసంగించనున్నారు. ‘పాలమూరు ప్రజా బేరి’ పేరుతో మాజీ మంత్రి జూపల్లి కృష్ణారావు పార్టీ అభ్యర్థిగా పోటీ చేస్తున్న కొల్లాపూర్ నియోజకవర్గంలో ఈ బహిరంగ సభ జరగనుంది.
హైదరాబాద్‌లోని శంషాబాద్‌ ఎయిర్‌పోర్టుకు చేరుకున్న ప్రియాంక గాంధీ కొల్లాపూర్‌కు బయలుదేరి వెళతారని గౌడ్ తెలిపారు. బుధవారం ఢిల్లీలో పార్టీ కేంద్ర ఎన్నికల కమిటీ (సీఈసీ) సమావేశం జరుగుతుందని తెలిపారు. సమావేశం అనంతరం అభ్యర్థుల రెండో జాబితాను ప్రకటించే అవకాశం ఉంది. నిజామాబాద్ అర్బన్ అసెంబ్లీ నియోజకవర్గం అభ్యర్థిని సీఈసీ నిర్ణయిస్తుందని, ఆయన ఆశావహుల్లో ఒకరుగా ఉన్నారు. మాజీ మేయర్ డి.సంజయ్, డీసీసీ మాజీ అధ్యక్షుడు తాహెర్ బిన్ హమ్దాన్, టీపీసీసీ మాజీ కార్యదర్శి ఎన్.రత్నాకర్ కూడా ఆశావహులుగా ఉన్నారు. ఆదిలాబాద్‌, నిజామాబాద్, మహబూబ్‌నగర్‌ స్థానాలకు ముస్లింలు టిక్కెట్లు డిమాండ్‌ చేస్తున్నారని మహేశ్ కుమార్ గౌడ్ అన్నారు. మైనార్టీలు పార్టీకి మద్దతు ఇస్తున్నారనీ, మైనారిటీలకు కాంగ్రెస్ మాత్రమే న్యాయం చేయగలదని అన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
