కాంగ్రెస్, బీజేపీ ప్రకటనలను నమ్మేందుకు ప్రజలు సిద్ధంగా లేరు: మంత్రి హరీశ్ రావు
Hyderabad: కేంద్ర మంత్రి అమిత్ షా, కాంగ్రెస్ చీఫ్ మల్లికార్జున ఖర్గేలను టూరిస్టులతో పోల్చిన తెలంగాణ మంత్రి హరీశ్ రావు.. సీఎం కేసీఆర్ ను విమర్శించే వారు రాష్ట్ర పరిస్థితిని చూసి మాట్లాడాలని అన్నారు. కొన్ని పార్టీలు నినాదాలు చేస్తాయ‌నీ, అయితే, నినాదాలను నిజం చేసే పార్టీ బీఆర్ఎస్ అని ఆయన అన్నారు.
 )
FollowTelangana Finance and Health Minister T. Harish Rao: కేంద్ర మంత్రి అమిత్ షా, కాంగ్రెస్ చీఫ్ మల్లికార్జున ఖర్గేలను టూరిస్టులతో పోల్చిన తెలంగాణ మంత్రి హరీశ్ రావు.. సీఎం కేసీఆర్ ను విమర్శించే వారు రాష్ట్ర పరిస్థితిని చూసి మాట్లాడాలని అన్నారు. కొన్ని పార్టీలు నినాదాలు చేస్తాయ‌నీ, అయితే, నినాదాలను నిజం చేసే పార్టీ బీఆర్ఎస్ అని ఆయన అన్నారు. ఖర్గే, అమిత్ షాలు టూరిస్టుల మాదిరిగా వచ్చి వెళ్లారని అన్నారు. బీజేపీ స్థానిక నేతలు ఇచ్చిన స్క్రిప్ట్‌ను చదివి అమిత్ షా వెళ్లిపోయారు. అమిత్ షా సొంత రాష్ట్రమైన గుజరాత్‌లో పగటిపూట కూడా కరెంటు లేదు.. అక్కడి గుడ్డి పాలనను సరిదిద్దలేక ఇక్కడ డ్రామాలు ఆడుతున్నారని మండిపడ్డారు. కాంగ్రెస్, బీజేపీలు బూటకపు హామీలు ఇస్తున్నాయన్నారు. బూటకపు ప్రకటనలను ప్రజలు నమ్మొద్దని పేర్కొన్నారు. ఖర్గే సొంత రాష్ట్రం కర్ణాటకకు అలవాటు లేని హామీలు ఇచ్చి చతికిలపడ్డారని అన్నారు. అక్కడ బీజేపీపై ఉన్న వ్యతిరేకత వల్లే కాంగ్రెస్‌కు గెలుపు అవకాశం వచ్చిందన్నారు.
కాంగ్రెస్, బీజేపీ ప్రకటనలను నమ్మేందుకు ప్రజలు సిద్ధంగా లేరని తెలంగాణ ఆర్థిక, ఆరోగ్య శాఖ మంత్రి తన్నీరు హరీశ్ రావు అన్నారు. బీఆర్ఎస్ అధినేత కే. చంద్రశేఖర రావు (కేసీఆర్) ను మూడోసారి ముఖ్యమంత్రిగా ఎన్నుకోవాలని తెలంగాణ ప్రజలు ఇప్పటికే సెల్ఫ్ డిక్లరేషన్ చేశారని ఆయన అన్నారు. మాదిగ రిజర్వేషన్ పోరాట సమితి (ఎమ్మార్పీఎస్) నాయకుడు వై.భాస్కర్, ఆయన మద్దతుదారులను బీఆర్ఎస్ లోకి ఆహ్వానించిన అనంతరం మాట్లాడుతూ హరీశ్ రావు పై వ్యాఖ్యలు చేశారు. అలాగే, ఎన్నికల ముందు కాంగ్రెస్, బీజేపీలు అబద్ధపు హామీలతో ప్రజలను మభ్యపెట్టే ప్రయత్నం చేస్తున్నాయని ఆరోపించారు. కేంద్ర హోంమంత్రి అమిత్ షా, ఏఐసీసీ అధ్యక్షుడు మల్లికార్జున ఖర్గేలను రాజకీయ పర్యాటకులుగా అభివర్ణించారు.
తెలంగాణలో బీఆర్ఎస్ ప్రభుత్వాన్ని విమర్శించే పార్టీలు తాము పాలిస్తున్న రాష్ట్రాల్లో పరిస్థితిని పరిశీలించాలని హరీశ్ రావు అన్నారు. ఈ పార్టీలు పాలిస్తున్న రాష్ట్రాలు మత ఘర్షణలు, కరెంటు కోతలు, రైతుల ఆత్మహత్యలు, తాగునీరు, సాగునీటి ఎద్దడి వంటి సమస్యలను ఎదుర్కొంటున్నాయని ఆయన అన్నారు. కర్ణాటకలో ప్రజలు బీజేపీకి వ్యతిరేకంగా ఉన్నందునే కాంగ్రెస్ పార్టీ గెలిచిందనీ, ప్రత్యామ్నాయం లేదని మంత్రి పేర్కొన్నారు. కాంగ్రెస్ పార్టీ అధికారంలోకి వచ్చాక ఎన్నికల సమయంలో ఇచ్చిన హామీలను నెరవేర్చలేకపోయిందని ఆరోపించారు. తమది కేవలం నినాదాల పార్టీ కాదనీ, ప్రజలకు ఇచ్చిన హామీలను నెరవేర్చే పార్టీ అని చెప్పారు. భారత రాజ్యాంగ నిర్మాత డాక్ట‌ర్ బీఆర్ అంబేద్క‌ర్ ఆశయాలను నెరవేర్చేందుకు సీఎం కేసీఆర్ నాయకత్వంలో తెలంగాణ ప్రభుత్వం కృషి చేస్తోందన్నారు. దళితుల అభ్యున్నతికి బీఆర్ఎస్ ప్రభుత్వం క‌ట్టుబ‌డి ఉంద‌ని స్ప‌ష్టం చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
