సెప్టెంబర్ 17న కాంగ్రెస్ విజయ భేరి సభ.. 5 హామీలు ప్రకటించనున్న హస్తం అధిష్టానం
Hyderabad: సెప్టెంబర్ 17న పార్టీ అధ్యక్షుడు మల్లికార్జున ఖర్గే, అగ్రనేతలు సోనియా గాంధీ, రాహుల్ గాంధీ, ప్రియాంక గాంధీ ప్రసంగించే భారీ బహిరంగ సభను కాంగ్రెస్ పార్టీ నిర్వ‌హించ‌బోతోంది. ఈ కార్యక్రమంలో బీజేపీ, బీఆర్ఎస్ పార్టీలకు చెందిన ప‌లువురు నాయకులు కాంగ్రెస్ లో చేర‌నున్నార‌ని సమాచారం. ఈ నెల 17వ తేదీన అధికారికంగా మాజీ మంత్రి తుమ్మల నాగేశ్వర్ రావు చేర‌నున్నారు. అదే రోజు మైనంపల్లి తన కుమారుడితో కలిసి కాంగ్రెస్ లో చేరుతారని సమాచారం.
 )
FollowCongress Vijaya Bheri Sabha: తెలంగాణ అసెంబ్లీ ఎన్నికల నేప‌థ్యంలో కాంగ్రెస్ పార్టీ దూకుడుగా ముందుకు సాగుతోంది. త్వ‌ర‌లోనే అభ్య‌ర్థుల పేర్లు ప్రకటించనున్న ఆ పార్టీ సెప్టెంబర్ 17న భారీ బహిరంగ సభను నిర్వహించనుంది. కాంగ్రెస్ తన భారీ విజయ భేరీ సభను హైదరాబాద్ శివార్లలోని తుక్కుగూడలో సుమారు 100 ఎకరాల విస్తీర్ణంలో నిర్వహించాలని నిర్ణయించిన‌ట్టు ఆ పార్టీ వ‌ర్గాలు వెల్ల‌డించాయి. Hyderabad: సెప్టెంబర్ 17న పార్టీ అధ్యక్షుడు మల్లికార్జున ఖర్గే, అగ్రనేతలు సోనియా గాంధీ, రాహుల్ గాంధీ, ప్రియాంక గాంధీ ప్రసంగించే భారీ బహిరంగ సభను కాంగ్రెస్ పార్టీ నిర్వ‌హించ‌బోతోంది. ఈ కార్యక్రమంలో బీజేపీ, బీఆర్ఎస్ పార్టీలకు చెందిన ప‌లువురు నాయకులు కాంగ్రెస్ లో చేర‌నున్నార‌ని సమాచారం. ఈ నెల 17వ తేదీన అధికారికంగా మాజీ మంత్రి తుమ్మల నాగేశ్వర్ రావు చేర‌నున్నారు. అదే రోజు మైనంపల్లి తన కుమారుడితో కలిసి కాంగ్రెస్ లో చేరుతారని సమాచారం.
తెలంగాణ అసెంబ్లీ ఎన్నికలపై ఫోక‌స్..
రాష్ట్ర అసెంబ్లీ ఎన్నికలకు ముందు సెప్టెంబర్ 17న తెలంగాణ ప్రజలకు కాంగ్రెస్ ఐదు 'హామీ'లను ప్రకటించనుంది. సెప్టెంబర్ 17న జరగనున్న భారీ బహిరంగ స‌భ‌లో పార్టీ సీనియర్ అధినేత్రి సోనియా గాంధీ ఐదు ఎన్నికల హామీలను ప్రకటించబోతున్నారని రాష్ట్ర కాంగ్రెస్ అధ్యక్షుడు, ఎంపీ ఏ రేవంత్ రెడ్డి తెలిపారు. కాంగ్రెస్ సీనియర్ అగ్ర నాయ‌క‌త్వం కూడా పాలుపంచుకోనుంది. అలాగే, పార్టీ చీఫ్ మల్లికార్జున్ ఖర్గే నేతృత్వంలో కొత్తగా ఏర్పాటైన కాంగ్రెస్ వర్కింగ్ కమిటీ సెప్టెంబర్ 16న హైదరాబాద్‌లో తన మొదటి సమావేశాన్ని నిర్వహించనుంది. సెప్టెంబరు 17న విస్తరించిన కాంగ్రెస్ వర్కింగ్ కమిటీ సమావేశం మొత్తం ప్రదేశ్ కాంగ్రెస్‌ను కలిగి ఉంటుంది.
తెలంగాణ ప్రజలకు కాంగ్రెస్ హామీలు..
త్వరలో జరగనున్న అసెంబ్లీ ఎన్నికల్లో తెలంగాణ ఓటర్లకు తమ హామీలను వివరిస్తూ కాంగ్రెస్ ఇప్పటికే 'రైతు డిక్లరేషన్,' 'ఎస్సీ, ఎస్టీ డిక్లరేషన్', 'యూత్ డిక్లరేషన్' వంటి పలు ప్రకటనలను విడుదల చేసింది. 1948లో నిజాం పాలనలో ఉన్న హైదరాబాద్ రాష్ట్రం భారత యూనియన్‌లో విలీనమైన రోజుగా సెప్టెంబర్ 17 చారిత్రక ప్రాముఖ్యతను కలిగి ఉంది. ఈ రోజున, కేంద్ర ప్రభుత్వం, వివిధ రాజకీయ పార్టీలు ఈ చారిత్రాత్మక సందర్భాన్ని గుర్తుచేసుకోవడానికి హైదరాబాద్‌లో కార్యక్రమాలను ప్లాన్ చేస్తున్నాయి.
భారీగా జ‌న స‌మీక‌ర‌ణ..
సెప్టెంబర్ 17న జరిగే విజయ భేరి సభను విజయవంతం చేసేందుకు ప్రతి అసెంబ్లీ నియోజకవర్గం నుంచి 10 వేల మందిని తరలిరావాలని నిజామాబాద్‌ జిల్లా కాంగ్రెస్ కమిటీ (డీసీసీ) అధ్యక్షుడు మనాల మోహన్‌రెడ్డి పార్టీ నాయకులు, కార్యకర్తలను కోరారు. సెప్టెంబర్ 16-18 మధ్య తాజ్ కృష్ణలో కొత్తగా ఏర్పాటైన కాంగ్రెస్ వర్కింగ్ కమిటీ మొదటి సమావేశానికి అగ్ర నేతలు రాష్ట్రానికి రానున్నారు. ఇప్పటికే జ‌న స‌మీక‌ర‌ణ‌కు సంబంధించి ఆయా నియోజ‌క‌వ‌ర్గాల్లోని పార్టీ నాయకులు చ‌ర్య‌లు తీసుకోవ‌డం ప్రారంభించారు.
సెప్టెంబర్ 17న ఇతర ఈవెంట్‌లు ఇవే..
గతేడాది హైదరాబాద్‌లో కేంద్రం నిర్వహించిన 'విమోచన దినోత్సవం' అధికారిక వేడుకల్లో కేంద్ర హోంమంత్రి అమిత్ షా పాల్గొన్నారు. ఈ ఏడాది మళ్లీ తెలంగాణ రాజధానిలో జరిగే కార్యక్రమానికి హాజరవుతారని భావిస్తున్నారు. సెప్టెంబరు 17, 1948ని అధికారికంగా 'విమోచన దినం'గా జరుపుకోవాలని బీజేపీ దాదాపు రెండు దశాబ్దాలుగా దాని చారిత్రక ప్రాధాన్యతను నొక్కి చెబుతోంది. 1948లో అప్పటి హైదరాబాదు సంస్థానం ఇండియన్ యూనియన్‌లో విలీనమైన రోజు సెప్టెంబర్ 17, తెలంగాణలోని వివిధ పార్టీలు వేర్వేరుగా వ్యాఖ్యానించాయి.
కమ్యూనిస్టుల నాయకత్వంలోని తెలంగాణ రైతాంగ సాయుధ పోరాటాన్ని (1946-1951) స్మరించుకునేందుకు భారత కమ్యూనిస్టు పార్టీ (సిపిఐ) సెప్టెంబర్ 11 నుండి సెప్టెంబర్ 17 వరకు వారం రోజుల పాటు కార్యక్రమాలను నిర్వహించేందుకు ప్రణాళిక వేసింది. నిజాంపై పోరాటం వల్లే హైదరాబాద్ స్టేట్‌ను ఇండియన్ యూనియన్‌లో విలీనం చేయాల్సి వచ్చిందని సీపీఐ చెబుతోంది. అసదుద్దీన్ ఒవైసీ నేతృత్వంలోని ఆల్ ఇండియా మజ్లిస్-ఇ-ఇత్తెహాద్-ఉల్-ముస్లిమీన్ (AIMIM), సెప్టెంబర్ 17న బైక్ ర్యాలీ, బహిరంగ సభను ప్లాన్ చేస్తోంది. దీనిని "జాతీయ సమైక్యతా దినోత్సవం"గా జరుపుకోవాలని భావిస్తున్నారు.
తెలంగాణలో ఈ ఏడాది చివ‌ర‌ల్లో అసెంబ్లీ ఎన్నికలు జరగనున్నాయి. తెలంగాణ అసెంబ్లీ పదవీకాలం జనవరి 16, 2024తో ముగియనుంది. తెలంగాణలో అధికార పార్టీ బీఆర్ఎస్ మొత్తం 119 అసెంబ్లీ స్థానాల్లో 115 స్థానాలకు అభ్యర్థులను ఇప్పటికే ప్రకటించింది. 2018లో 119 స్థానాలకు గాను 87 సీట్లు గెలుచుకుని సీఎం కేసీఆర్ నాయకత్వంలోని అప్పటి టీఆర్ఎస్ అధికారం ద‌క్కించుకుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
