హైదరాబాద్‌లో దారుణం జరిగింది. మూసీ నదిలో కొట్టుకుపోయిన ఓ వ్యక్తి శవంగా తేలాడు. సోమవారం ఉదయం అంబర్‌పేట అల్విన్ కేఫ్ సమీపంలో ఓ వ్యక్తి కొట్టుకుపోవడాన్ని గమనించిన స్థానికులు వెంటనే జీహెచ్ఎంసీ సిబ్బందికి సమాచారం అందించారు.

రంగంలోకి దిగిన సహాయక బృందాలు మూసీలో కొట్టుకుపోతున్న వ్యక్తిని రక్షించే ప్రయత్నాలు చేశారు. ఎంతో శ్రమించి అతనిని రక్షించినప్పటికీ ఆ వ్యక్తి ప్రాణాలను కాపాడలేకపోయారు. అతను ప్రమాదవశాత్తూ పడ్డాడా.. లేక ఎవరైనా తోసేశారా అన్న కోణంలో పోలీసులు విచారణ జరుపుతున్నారు.