Election Code: తెలంగాణతో సహా ఐదు రాష్ట్రాల్లో ఎన్నికల కోడ్ ముగిసింది. ఎన్నికల ప్రక్రియ ముగియడంతో ఎలక్షన్ కోడ్ ముగిసినట్టు ఎన్నికల సంఘం ప్రకటించింది.
Election Code: ఎంతో ఉత్కంఠగా సాగిన తెలంగాణ అసెంబ్లీ ఎన్నికల (Telangana Assembly Elections) ప్రక్రియ ముగిసింది. దీంతో నేటితో ఎన్నికల కోడ్ ముగిసింది. ఈ విషయాన్ని ఎలక్షన్ కమిషన్ (Election commission) వెల్లడించింది. ఈ ఎన్నికల్లో అధికార బీఆర్ఎస్ అధికారం కోల్పోయి.. కాంగ్రెస్ గెలుపొందింది. దీంతో సీఎం, కేబినేట్ ప్రక్రియ ప్రారంభమైంది. తెలంగాణ అసెంబ్లీ ఎన్నికల నేపథ్యంలో అక్టోబర్ 9వ తేదీ నుంచి రాష్ట్రంలో ఎన్నికల కోడ్ అమలులోకి వచ్చిన విషయం తెలిసిందే.
నేటితో ఆ నియమావళిని కేంద్ర ఎన్నికల సంఘం ఎత్తివేసినట్లు ప్రకటించింది. తెలంగాణతోపాటు మధ్యప్రదేశ్, రాజస్థాన్, ఛత్తీస్ గఢ్, మిజోరం రాష్ట్రాల్లో ఎన్నికలు ముగిశాయి. ఇలా ఐదు రాష్ట్రాల అసెంబ్లీ ఎన్నికల ప్రక్రియ ముగియడంతో ఆ రాష్ట్రాల్లో కూడా ఎన్నికల కోడ్ (Election code)ను ఎత్తివేస్తున్నట్లు సోమవారం కేంద్ర ఎన్నికల సంఘం ప్రకటన విడుదల చేసింది.
