ASUS laptop:రెండు కొత్త ఫ్లిప్ ల్యాప్‌టాప్‌లను లాంచ్ చేసిన ఆసుస్.. సింగిల్ చార్జ్ తో 10 గంటల బ్యాకప్..
ఆసుస్ జెన్ బుక్ 13ఎస్ ఫ్లిప్ ఓ‌ఎల్‌ఈ‌డిలో కంపెనీ ఏ‌ఎం‌డి రైజెన్ అండ్ జెన్‌బుక్ ప్రో 15 ఫ్లిప్ ఓ‌ఎల్‌ఈ‌డిలో 12th జనరేషన్ ఇంటెల్ కోర్ ప్రాసెసర్‌ను అందించింది.
 )
Followతైవాన్ ఎలక్ట్రానిక్స్ కంపెనీ ఆసుస్(Asus)జెన్‌బుక్ ఎస్13 ఫ్లిప్ ఓ‌ఎల్‌ఈ‌డి(Asus Asus Zenbook S 13 OLED), జెన్‌బుక్ ప్రో 15 ఫ్లిప్ ఓ‌ఎల్‌ఈ‌డి(Zenbook Pro 15 Flip OLED)లను విడుదల చేసింది. ఈ రెండూ కంపెనీ జెన్‌బుక్ సిరీస్ క్రింద ప్రవేశపెట్టారు. ఈ ల్యాప్‌టాప్‌ల ధరలను కంపెనీ ఇంకా వెల్లడించలేదు. అయితే వీటిని ప్రస్తుతానికి యూఎస్ లో లాంచ్ చేశారు. ఈ రెండు ల్యాప్‌టాప్‌ల ఫీచర్ల గురించి..
జెన్‌బుక్ ఎస్13 ఫ్లిప్ ఫీచర్స్
అసుస్ జెన్‌బుక్ ఎస్13 ఫ్లిప్ 2.8K OLED డిస్‌ప్లే, 0.2ms రెస్పాన్స్ టైమ్, 60Hz రిఫ్రెష్ రేట్‌తో వస్తుంది. డిస్ ప్లే యాస్పెక్ట్ రేషియో 16:10, బ్రైట్‌నెస్ 550 నిట్స్. డిస్ ప్లే సైజ్ 13.3 అంగుళాలు. ఈ నోట్‌బుక్ డిస్‌ప్లే DCI-P3 కలర్ గాముట్(gamut) సపోర్ట్ ఇస్తుంది. డిస్ ప్లే పై కార్నింగ్ గొరిల్లా గ్లాస్ ప్రొటెక్షన్ ఉంది. ర్యామ్ అండ్ స్టోరేజ్ గురించి మాట్లాడితే ఈ ల్యాప్‌టాప్ 32జి‌బి వరకు LPDDR5 ర్యామ్, 1TB వరకు PCIe SSD స్టోరేజ్ ప్యాక్ చేస్తుంది. ఈ ల్యాప్‌టాప్‌లో AMD Ryzen 5 6600U ప్రాసెసర్ ఇచ్చారు. మరోవైపు, బ్యాటరీ గురించి మాట్లాడితే ఈ ల్యాప్‌టాప్‌లో 67Whr బ్యాటరీ అమర్చారు, ఇంకా ఈ బ్యాటరీ 10 గంటల వరకు బ్యాకప్ ఉంటుందని కంపెనీ పేర్కొంది. కనెక్టివిటీ పరంగా 2 x థండర్‌బోల్ట్ 4 పోర్ట్‌లు, 1x HDMI 2.0 పోర్ట్, Wi-Fi 6E ఉంది. అలాగే మూడు USB టైప్-C పోర్ట్‌లు ఉన్నాయి, వాటిలో ఒకటి ఛార్జింగ్ కోసం ఇచ్చారు.
జెన్‌బుక్ ప్రో 15 ఫ్లిప్ ఓ‌ఎల్‌ఈ‌డి ఫీచర్స్
మీరు ఈ ల్యాప్‌టాప్‌ను టాబ్లెట్‌గా కూడా ఉపయోగించవచ్చు. ఈ నోట్‌బుక్‌లో 12th జనరేషన్ ఇంటెల్ కోర్ i7-12700H ప్రాసెసర్ ఇచ్చారు. గరిష్టంగా 16GB వరకు LPDDR5 ర్యామ్, 1TB వరకు NVMe M.2 SSD స్టోరేజ్ ఉంది. అలాగే 15.6-అంగుళాల 2K OLED డిస్ ప్లే ఉంది. బ్యాటరీ గురించి మాట్లాడితే ఈ ల్యాప్‌టాప్‌లో 67Whr బ్యాటరీ కూడా ఉంది, ఇంకా ఒకే ఛార్జ్‌లో 10 గంటల బ్యాకప్ ఇస్తుంది. కనెక్టివిటీ పరంగా, డివైజ్ లో రెండు థండర్‌బోల్ట్ 4 పోర్ట్‌లు, ఒక HDMI 2.0 పోర్ట్, హెడ్‌ఫోన్ జాక్ అండ్ Wi-Fi 6e సపోర్ట్ ఉన్నాయి. సింగిల్-జోన్ RGB కీబోర్డ్, PEN 2.0 సపోర్ట్, ఫేషియల్ రికగ్నిషన్ కోసం IR కెమెరాతో వస్తుంది. నోట్‌బుక్‌లో డాల్బీ విజన్ అండ్ డాల్బీ అట్మోస్ వంటి కొన్ని ఆడియో ఫీచర్‌లు కూడా ఉన్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
