Asianet News TeluguAsianet News Telugu

వాట్సాప్ కొత్త ప్రైవసీ పాలసీ. ఫిబ్రవరిలోగా అంగీకరించకుంటే మీ అక్కౌంట్ డిలెట్..

వాట్సాప్ కొత్త నిబంధనలు 20 ఫిబ్రవరి 2021 నుండి అమల్లోకి రానుంది, దీని ప్రకారం మీరు వాట్సాప్ ఉపయోగించాలనుకుంటే, మీరు దాని ప్రైవసీ పాలసీ నిబంధనలను పూర్తిగా అంగీకరించాలి, లేకపోతే  మీ వాట్సాప్ ఖాతాను తొలగించుకోవాల్సి ఉంటుంది. 
 

whatsapp new privacy and policy  all you need to know about  is here
Author
Hyderabad, First Published Jan 7, 2021, 11:09 AM IST

ఇప్పటివరకు వాట్సాప్ కొత్త నిబంధనల గురించి నివేదికలు మాత్రమే మన ముందు ఉన్నాయి, కానీ ఇప్పుడు కంపెనీ వినియోగదారులకు కొత్తగా ప్రైవసీ పాలసీ గురించి నోటిఫికేషన్లు ఇవ్వడం ప్రారంభించింది.

వాట్సాప్ కొత్త నిబంధనలు 20 ఫిబ్రవరి 2021 నుండి అమల్లోకి రానుంది, దీని ప్రకారం మీరు వాట్సాప్ ఉపయోగించాలనుకుంటే, మీరు దాని ప్రైవసీ పాలసీ నిబంధనలను పూర్తిగా అంగీకరించాలి, లేకపోతే  మీ వాట్సాప్ ఖాతాను తొలగించుకోవాల్సి ఉంటుంది. 

నోటిఫికేషన్ స్క్రీన్ షాట్ ప్రకారం వినియోగదారులు మా షరతులను ఆమోదించకపోతే వారి వాట్సాప్ ఖాతా తొలగిపోతుందని  కొత్త నిబంధనలలో స్పష్టంగా తెలిపింది. 

వ్యాపారం కోసం మీ చాట్‌ను ఫేస్‌బుక్ ఎలా నిల్వ చేస్తుంది మరియు నిర్వహిస్తుందో కూడా ఇది వివరిస్తుంది. ఒక వాట్సాప్ ప్రతినిధి కూడా గత నెలలో కొత్త నిబంధనల గురించి ధృవీకరించారు, అలాగే వాట్సాప్ ఉపయోగించాలంటే దాని నిబంధనలను అంగీకరించాలి అని తెలిపారు.

వాట్సాప్ అప్ డేట్  సర్వీస్ నిబంధనలు, గోప్యతా విధానం మెసేజింగ్ ప్లాట్‌ఫాం వినియోగదారుల డేటాను ఎలా ఉపయోగిస్తుందనే దానిపై మరింత అంతర్దృష్టిని ఇస్తుంది. మరీ ముఖ్యంగా దాని మాతృ సంస్థ అయిన ఫేస్‌బుక్‌తో భాగస్వామ్యం చేస్తుంది.

ఈ మెసేజింగ్ ప్లాట్‌ఫారమ్‌ను ఉపయోగించడం కొనసాగించడానికి వినియోగదారులు  8 ఫిబ్రవరి 2021 వరకు వీటిని అంగీకరించాలి.

ఈ ప్రైవసీ, పాలసీ విధానాన్ని ఎందుకు అంగీకరించాలి?

వాట్సాప్ తన సేవా నిబంధనలు, గోప్యతా విధానాన్ని అప్ డేట్ చేయడం కొత్త కాదు. చాలా సాఫ్ట్‌వేర్ సేవలు తమ సేవలను అప్పుడప్పుడు అప్‌డేట్ చేస్తాయి. ఈ సేవలను ఉపయోగించడం కొనసాగించడానికి వినియోగదారులు కొత్త షరతులు, విధానాన్ని అంగీకరిస్తారు. ఈసారి కూడా కొత్త విధానాన్ని అంగీకరించడానికి లేదా మీ ఖాతాను తొలగించడానికి వాట్సాప్ 2021 ఫిబ్రవరి 8 గడువు ఇచ్చింది.

ముఖ్యమైన పాలసీ మార్పులు ఏమిటి?

ప్రైవసీ పాలసీ పాత వెర్షన్ మీ గోప్యతకు గౌరవం ఇస్తూ మా డి‌ఎన్‌ఏలో కోడ్ చేయబడుతుంది. మేము వాట్సాప్‌ను ప్రారంభించినప్పటి నుండి మా సేవలను బలమైన గోప్యతా సూత్రాలను దృష్టిలో ఉంచుకుని నిర్మించాలనుకుంటున్నాము. ’ అయితే, వాట్సాప్ ఎండ్-టు-ఎండ్ ఎన్ క్రిప్ట్ చేయడింది. అంటే మీ సందేశాలను ఎవరు చూడలేరు లేదా ఎవరితో షేర్ చేయలేరు. 

ఫేస్ బుక్ కంపెనీ ప్రాడక్ట్స్ సంబంధించి కొన్ని మార్పులు ఏమిటి?

వాట్సాప్  కొత్త గోప్యతా విధానం వినియోగదారులు "మా సేవలతో అనుసంధానించబడిన థర్డ్ పార్టీ సేవలు లేదా ఇతర ఫేస్ బుక్ కంపెనీ ఉత్పత్తులపై ఆధారపడినప్పుడు, ఆ థర్డ్ పార్టీ సేవలు మీరు లేదా ఇతరులు షేర్ చేసిన వాటి గురించి సమాచారాన్ని తీసుకుంటాయి. 

మీ వాట్సాప్  చాట్‌లను బ్యాకప్ చేయడానికి మీరు గూగుల్ డిస్క్ లేదా ఐక్లౌడ్‌ను ఉపయోగించినప్పుడు ఈ థర్డ్ పార్టీ సేవలు మీ మెసేజెస్ కి అక్సెస్ పొందుతాయని గుర్తుంచుకోండి. వినియోగదారులు ఈ మూడవ పార్టీ ఇంటిగ్రేషన్లపై ఆధారపడినప్పుడు డేటా షేరింగ్ అంటే ఏమిటో వాట్సాప్ మరింత వివరిస్తుంది తప్ప సాంకేతికంగా ఏమీ మారలేదు.

 ఎవరైనా థర్డ్  పార్టీ సేవలు లేదా ఇతర ఫేస్ బుక్ కంపెనీ ప్రాడక్ట్స్ ఉపయోగిస్తున్నప్పుడు వారి స్వంత నిబంధనలు, గోప్యతా విధానాలు ఆ సేవలు, ఉత్పత్తుల మీ వినియోగాన్ని నియంత్రిస్తాయి" అని కూడా ఇది స్పష్టం చేస్తుంది.  

వాట్సాప్ ఏ విధమైన హార్డ్ వేర్ సమాచారాన్ని సేకరిస్తోంది?

మీ డివైజ్ నుండి కొత్త సమాచారాన్ని సేకరిస్తున్నట్లు వాట్సాప్ తెలిపింది. ఇందులో   “బ్యాటరీ లెవెల్, సిగ్నల్ స్ట్రెంత్, అప్ వెర్షన్, బ్రౌజర్ సమాచారం, మొబైల్ నెట్‌వర్క్, కనెక్షన్ సమాచారం (ఫోన్ నంబర్, మొబైల్ ఆపరేటర్ లేదా ఐ‌ఎస్‌పితో సహా), భాష, టైమ్ జోన్, ఐ‌పి అడ్రస్, డివైజ్ ఆపరేషన్ సమాచారం, ఐడెంటిఫైయర్‌లు ఉన్నాయి. అయితే మునుపటి విధానంలో ఇవి ప్రస్తావించబడలేదు.

వాట్సాప్ అక్కౌంట్ డిలెట్ సంబంధించి అప్ డేట్స్ కూడా ఉన్నాయి. అది  ఏంటంటే ?

డిలెట్ మై వాట్సాప్ అక్కౌంట్ ఫీచర్ ఉపయోగించి ఎవరైనా వారి డివైజ్ నుండి వాట్సాప్ యాప్ తొలగిస్తే, అప్పుడు ఆ యూజర్ సమాచారం ప్లాట్‌ఫారమ్‌లో స్టోర్ చేయబడుతుందని కొత్త గోప్యతా విధానం హైలైట్ చేస్తుంది. కాబట్టి మీ ఫోన్ నుండి కేవలం యాప్ తొలగించడం సరిపోదు. "మీరు మీ ఖాతాను తొలగించినప్పుడు, మీరు సృష్టించిన గ్రూప్స్ సంబంధించిన సమాచారాన్ని లేదా మీరు పంపిన మెసేజెస్ కాపీ వంటి ఇతర వినియోగదారులు మీకు సంబంధించిన సమాచారాన్ని ప్రభావితం చేయదు.

డేటా లొకేషన్, స్టోరేజ్ గురించి ?

వాట్సాప్ గోప్యతా విధానంలో స్పష్టంగా పేర్కొంది, ఇది యూజర్ డేటాను స్టోర్ చేయడానికి యునైటెడ్ స్టేట్స్ తో సహా ఫేస్ బుక్  గ్లోబల్ ఇన్ఫ్రాస్ట్రక్చర్, డేటా సెంటర్లను ఉపయోగిస్తుంది. కానీ ఇది మునుపటి విధానంలో స్పష్టంగా పేర్కొనలేదు. కొన్ని సందర్భాల్లో యునైటెడ్ స్టేట్స్ లేదా ఫేస్ బుక్ అనుబంధ సంస్థలు ఆధారపడిన ఇతర ప్రాంతాలకు డేటా బదిలీ చేయబడుతుందని కూడా పేర్కొంది. మా నిబంధనలలో పేర్కొన్న ప్రపంచ సేవలను అందించడానికి ఈ బదిలీలు అవసరం.

వాట్సాప్ కొత్త విధానం ప్రకారం ఒక వినియోగదారుడు వారి లొకేషన్-రేలేషన్ ఫీచర్ ఉపయోగించకపోయినా, వారు “మీ సాధారణ లొకేషన్(నగరం, దేశం) అంచనా వేయడానికి ఐ‌పి చిరునామాలు, ఫోన్ నంబర్ ఏరియా కోడ్‌లు వంటి ఇతర సమాచారాన్ని సేకరిస్తారు. 

Follow Us:
Download App:
  • android
  • ios