ఇక కృత్రిమ మేధతో న్యూడ్ సెల్ఫీలకు చెక్
న్యూడ్ సెల్ఫీలతో వచ్చే ప్రమాదాలకు చెక్ పెడుతూ సరికొత్త టెక్నాలజీతో జపాన్ కంపెనీ ఓ స్మార్ట్ ఫోన్ను అందుబాటులోకి తెచ్చింది. టీనేజర్లు తీసుకునే సెల్ఫీలు అసభ్యకరంగా ఉంటే వెంటనే గుర్తించి డిలీట్ చేసేయడంతోపాటు తల్లిదండ్రులకు సమాచారం అందజేస్తుందీ స్మార్ట్ ఫోన్.
స్మార్ట్ఫోన్ కాలం వచ్చాక యువతలో 'న్యూడ్ సెల్ఫీ' క్రేజ్ పెరిగిపోయింది. భవిష్యత్ పరిణామాలను లెక్కచేయకుండా టీనేజర్లు ఈ నేకెడ్ ఫొటోలు తమ భాగస్వాములకు పంపుతున్నారు. పొరపాటున ఆ ఫోన్ను పోగొట్టుకుంటే వారి ఫొటోలు ఇంటర్నెట్లో వైరల్ అవుతూ వారితోపాటు తల్లిదండ్రులకు ఇబ్బందులు తెస్తోంది.
దీనికి చెక్ పెడుతూ కృత్రిమ మేధ సాయంతో సరికొత్త స్మార్ట్ఫోన్ను తీసుకొచ్చింది జపాన్ కంపెనీ 'టోన్ ఈ20'. ఒక న్యూడ్ సెల్ఫీ ఆటలు ఇక సాగనివ్వనంటోంది టోన్ ఈ20.
స్మార్ట్ఫోన్ ప్రొటెక్షన్ అనే ప్రత్యేక ఫీచర్తో వస్తోంది. దీని సాయంతో ఫోన్లో అసభ్యకర ఫొటోలు ఉంటే గుర్తిస్తుంది. టీనేజర్లు తమవి లేదా ఇతరుల న్యూడ్ ఫొటోలను తీయకుండా నియంత్రిస్తుంది.
ఈ 20లో 'టోన్ కెమెరా' డిఫాల్ట్గా వస్తుంది. ఇది ఫొటోలను తీస్తుండగానే అసభ్యకర ఫోటోలను గుర్తించి.. ఫోన్లో సేవ్ కాకుండానే డిలీట్ చేస్తుంది. ఈ ఫోన్ వారి తల్లిదండ్రుల ఫోన్కు అనుసంధానమై ఉంటుంది. న్యూడ్ ఫొటోలు తీయగానే వారి తల్లిదండ్రులకు సమాచారం చేరవేస్తుంది.
టీనేజర్ల వ్యక్తిగత సమాచారానికి భద్రత కల్పించేందుకు టోన్ ఈ ఫీచర్ను అందుబాటులోకి తెస్తోంది. బడ్జెట్ ఫోన్ విభాగంలో రానున్న టోన్ ఈ20లో మరిన్ని ప్రత్యేకతలు ఉన్నాయి.
మీడియాటెక్ హీలియో పీ22తోపాటు ఎస్ఓసీ ప్రాసెసర్, 6.2 అంగుళాల హెచ్డీ ప్లస్ డిస్ప్లే కలిగి ఉంది. 4జీబీ ర్యామ్ విత్ 64జీబీ ర్యామ్ స్టోరేజీ సామర్థ్యం గల ఈ ఫోన్లో మూడు వెనుక కెమెరాలు (12ఎంపీ+13ఎంపీ+2ఎంపీ) ఉన్నాయి. 3,900 ఎంఏహెచ్ సామర్థ్యం గల బ్యాటరీ ఉంది. దీని ధర 19,800 యెన్లు (రూ.12,750) ఉంటుందని భావిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
