Asianet News Telugu

టీసీఎస్‌లో 40 వేల కొత్త నియమకాలు.. ఫ్రెషర్స్ కి అద్భుతమైన అవకాశం..

భారతదేశపు అతిపెద్ద ఐటి ఎగుమతిదారు అయిన టిసిఎస్ హెచ్ -1 బి, ఎల్ -1 వర్క్ వీసాలపై ఆధారపడటాన్ని తగ్గించే లక్ష్యంతో ఈ ఆర్థిక సంవత్సరంలో యుఎస్ క్యాంపస్ నియామకాన్ని దాదాపు 2,000కు రెట్టింపు చేయాలని ఆలోచిస్తోంది. 

TCS is planning to hire  40,000 freshers in India campus
Author
Hyderabad, First Published Jul 14, 2020, 5:54 PM IST
  • Facebook
  • Twitter
  • Whatsapp

బెంగళూరు: టాటా కన్సల్టెన్సీ సర్వీసెస్ (టిసిఎస్) కరోనావైరస్ సంక్షోభం మధ్య భారతీయ క్యాంపస్‌లో 40,000 మంది ఫ్రెషర్లను నియమించుకోవాలని యోచిస్తోంది. జూన్ నెలతో ముగిసిన త్రైమాసికంలో ఆదాయం గణనీయంగా తగ్గినప్పటికీ ఈ చర్య తీసుకుంది.

భారతదేశపు అతిపెద్ద ఐటి ఎగుమతిదారు అయిన టిసిఎస్ హెచ్ -1 బి, ఎల్ -1 వర్క్ వీసాలపై ఆధారపడటాన్ని తగ్గించే లక్ష్యంతో ఈ ఆర్థిక సంవత్సరంలో యుఎస్ క్యాంపస్ నియామకాన్ని దాదాపు 2,000కు రెట్టింపు చేయాలని ఆలోచిస్తోంది.

గతేడాది ఇంతే స్థాయిలో ఉద్యోగులను నియమించుకున్న సంస్థ.. వచ్చే మార్చి నాటికి దేశవ్యాప్తంగా ఉన్న క్యాంపస్‌లలో నైపుణ్యం ఎక్కువ ఉన్నవారిని రిక్రూట్‌ చేసుకోనున్నట్టు కంపెనీ ఈవీపీ, గ్లోబల్‌ హెచ్‌ఆర్‌ హెడ్‌ మిలింద్‌ లకాడ్‌ తెలిపారు.

also read టెలికాం సంస్థలకు ట్రాయ్ షాక్: ఆ ప్లాన్లు వెంటనే నిలిపేయండి.. ...

యు.ఎస్ లో ఇంజనీర్లతో పాటు టిసిఎస్ టాప్ 10 బి-స్కూల్స్ నుండి గ్రాడ్యుయేట్లను కూడా తీసుకుంటోంది. కీలకమైన వ్యాపార బాధ్యతల కోసం ఫ్రెషర్లు, అనుభవజ్ఞులైన నిపుణులను కూడా నియమించుకుంటున్నారు.

టిసిఎస్ 2014 నుండి 20వేల మంది అమెరికన్లను నియమించుకున్నట్లు  చెప్పింది. గత ఏడాది భారతదేశంలో మొత్తం 40,000 ఆఫర్లను కంపెనీ సత్కరించింది.గతేడాది నియమించుకున్న ఫ్రెషర్లు ఈ నెల చివరి నాటికి ఉద్యోగాల్లో చేరనున్నారని, వీరిలో 87 శాతం మంది యాక్టివ్‌గా ఉన్నారని చెప్పారు.

"ప్రతి వారం 8,000 నుండి 11,000 నియామకాలను ఆన్‌లైన్ అసెస్‌మెంట్‌లు ద్వారా చేపడతాయి. సుమారు 8 వేలకు పైగా  కొత్త నియమకాలను డిజిటల్ సర్టిఫికేషన్ ద్వారా పూర్తి చేసినట్లు కంపెనీ ఈవీపీ, గ్లోబల్‌ హెచ్‌ఆర్‌ హెడ్‌ మిలింద్‌ లకాడ్‌ తెలిపారు.

Follow Us:
Download App:
  • android
  • ios