ఎండలో ఉన్న, వర్షంలో తడిసిన పనిచేసే వైర్‌లెస్ అవుట్ డోర్ రౌటర్ వచ్చేసింది.. ధర, వివరాలు మీకోసం..
గత నెలలో కంపెనీ 4జి ఎల్‌టిఇ మిఫీ రౌటర్ ఎస్ -4జిఎంఆర్‌ను మార్కెట్‌లోకి విడుదల చేసిన నెల రోజుల తరువాత ఇప్పుడు ఈ అవుట్ డోర్ రౌటర్‌ను ప్రవేశపెట్టింది.
భారతదేశంలోని ప్రముఖ సిసిటివి కెమెరా తయారీ సంస్థ సెక్యూర్ఐ 4జి ఎల్‌టి‌ఈ వైర్‌లెస్ అవుట్ డోర్ రౌటర్ లాంచ్ చేసింది. గత నెలలో కంపెనీ 4జి ఎల్‌టిఇ మిఫీ రౌటర్ ఎస్ -4జిఎంఆర్‌ను మార్కెట్‌లోకి విడుదల చేసిన నెల రోజుల తరువాత ఇప్పుడు ఈ అవుట్ డోర్ రౌటర్‌ను ప్రవేశపెట్టింది.
ఎస్-4జి డబల్యూఎల్ 4జి ఎల్‌టి‌ఈ అనేది బడ్జెట్ రౌటర్, ఇది గరిష్టంగా 150ఎం‌బి‌పి‌ఎస్ ఇంటర్నెట్ స్పీడ్ అందిస్తుంది. మీడియాటెక్ ఎం‌టి6735డబల్యూ‌ఎం చిప్‌సెట్ ను ఎస్-4జి డబల్యూఎల్ 4జి ఎల్‌టి‌ఈలో ఉపయోగించారు.
ఈ రౌటర్ పరిధి 20 మీటర్లు. ఈ రౌటర్‌కి ఒకేసారి 10 డివైజెస్ కనెక్ట్ చేసుకోవచ్చు. ఈ రౌటర్‌ను లాన్ లేదా వైర్‌లెస్ పద్ధతులతో ఏకకాలంలో ఉపయోగించవచ్చు. ఈ రౌటర్‌లో నానో సిమ్ కార్డ్ స్లాట్ కూడా ఉంది.
ఈ 4జి ఎల్‌టిఇ రౌటర్ ప్రత్యేకంగా అవుట్ డోర్ కోసం రూపొందించారు. దీని వల్ల వర్షం పడిన చెడిపోదు. ఈ రౌటర్ ఫ్రీక్వెన్సీ 2.4GHz , దీనికి 12V పవర్ సప్లయి అవసరం ఉంటుంది. ఇది 0-40 డిగ్రీల ఉష్ణోగ్రతలలో కూడా పనిచేస్తుంది. ఈ రౌటర్ డౌన్‌లోడ్ స్పీడ్ 150 ఎం‌బి‌పి‌ఎస్, అప్‌లోడ్ స్పీడ్ 50 ఎం‌బి‌పి‌ఎస్. ఈ రౌటర్ ధర రూ.2,999.
150 ఎం‌బి‌పి‌ఎస్ సి‌పి‌ఈ రౌటర్ ఎల్‌టి‌ఈ సిగ్నల్ యాంప్లిఫికేషన్ సిగ్నల్ కోసం రెండు ఔటర్ సిగ్నల్ యాంటెన్నాలతో వస్తుంది. ఈ రౌటర్ రీసెట్ బటన్‌తో వస్తుంది, ఒకవేళ కరెంట్ హెచ్చుతగ్గులు వంటి కారణాల వల్ల రౌటర్ పనిచేయడం ఆగిపోతే రిస్టార్ట్ చేయడం సులభం చేస్తుంది.
సెక్యూర్ఐ ఎస్-4 జిఎంఆర్ మిఫి రౌటర్‌లో 2100 ఎంఏహెచ్ లిథియం అయాన్ బ్యాటరీ ఉంది, అయితే బ్యాటరీ బ్యాకప్‌కు సంబంధించి కంపెనీ ఎటువంటి సమాచారాన్ని వెల్లడించలేదు. దీనికి 32 జీబీ వరకు మెమరీ కార్డు సపోర్ట్ ఇచ్చింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
