నిరుద్యోగులకు గుడ్ న్యూస్... క్లౌడ్ కంప్యూటింగ్ వల్ల కొత్తగా 2.4 లక్షల ఉద్యోగాలు...
క్లౌడ్ కంప్యూటింగ్ వల్ల 2023 నాటికి 100 బిలియన్ డాలర్ల ఆదాయం, 2.4 లక్షల ప్రత్యక్ష ఉద్యోగాలు లభిస్తాయని గూగుల్ క్లౌడ్-బీసీజీ ఉమ్మడి నివేదిక తెలిపింది. భారత్లో పబ్లిక్ క్లౌడ్ కంప్యూటింగ్ వ్యవస్థ అమలు చేయడంలో ప్రభుత్వ నిబంధనలు పలు సంక్లిష్టతలకు కారణం అవుతున్నాయని ఆందోళన వ్యక్తం చేసింది.
న్యూఢిల్లీ: పబ్లిక్ క్లౌడ్ కంప్యూటింగ్ వ్యవస్థను అమలుచేయడం వల్ల 2023 నాటికి భారత ఆర్థికవ్యవస్థకు సుమారు 100 బిలియన్ డాలర్ల (రూ. 7.12 లక్షల కోట్లు) మేర ఆదాయం సమకూరుతుందని గూగుల్ క్లౌడ్-బీసీజీ ఉమ్మడి నివేదిక తెలిపింది. అలాగే ప్రత్యక్షంగా 2.4 లక్షల ఉద్యోగాలు, పరోక్షంగా 7,43,000 ఉద్యోగాలు కూడా కల్పించవచ్చని పేర్కొంది.
వార్షికంగా భారత జీడీపీలో 0.6 శాతం అని గూగుల్ క్లౌడ్-బీసీజీ ఉమ్మడి నివేదిక పేర్కొన్నది. ప్రత్యక్షంగా లభించే 2,40,000 ఉద్యోగాల్లో 1,57,000 మంది డేటా సైంటిస్టులు, ఉత్పత్తి నిర్వాహకులు, ఇంజినీరింగ్, డిజైన్, యూజర్ ఎక్స్పీరియన్స్ అండ్ క్లౌడ్ సర్వీస్ ప్రొవైడర్లు, ఐటీ సర్వీస్ ప్రొవైడర్లుగా ఉంటారని నివేదిక పేర్కొంది.
also read వాట్సాప్ ఉపయోగిస్తున్నారా అయితే మీకో గుడ్ న్యూస్...
మౌలిక సదుపాయాల నిర్వహణలోనూ ఉద్యోగాలు, డిజిటల్, టెక్నాలజీ సంబంధిత ఉద్యోగాలు లభిస్తాయని గూగుల్ క్లౌడ్-బీసీజీ ఉమ్మడి నివేదిక తెలిపింది. మరో 83 వేల ఉద్యోగాలు ప్రధాన వ్యాపార స్రవంతికి చెందినవని వెల్లడించింది.
లెగసీ డేటా భద్రత విషయంలో ప్రభుత్వ నిబంధనలు కఠినంగా ఉన్నాయని, ఫలితంగా క్లౌడ్లో ఆ డేటాను పొందుపరచడానికి వీలుకావడం లేదని, వ్యవస్థ సంక్లిష్టంగా ఉందని గూగుల్ క్లౌడ్-బీసీజీ ఉమ్మడి నివేదిక తెలిపింది. అయితే ఇప్పుడిప్పుడే ఆర్థికసంస్థలు, తయారీదారులు క్లౌడ్ కంప్యూటింగ్కు మరలడం ప్రారంభమైందని స్పష్టం చేసింది.
also read ప్రీమియం స్మార్ట్ ఫోన్లలో రారాజుగా ‘ఐఫోన్’:ఆపిల్ కంపెనీదే పై చేయి
గూగుల్ క్లౌడ్ ఆసియా పసిఫిక్ మేనేజింగ్ డైరెక్టర్ రిక్ హర్ష్మన్ ఈ సందర్భంగా మాట్లాడుతూ ‘సంప్రదాయ చిల్లర వ్యాపారులు ఇప్పుడిప్పుడే ఈ కామర్స్ వైపు మళ్లుతున్నారు. దీపావళి లాంటి ప్రత్యేక అమ్మకాల సమయంలో త్వరగా తమ వస్తువులను సేల్ చేయడానికి పబ్లిక్ క్లౌడ్ వైపు మొగ్గుచూపుతున్నారు’ అని తెలిపారు.
'క్లౌడ్ బేస్డ్ స్మార్ట్ డేటా అనలిటిక్స్ సొల్యూషన్స్ వల్ల చిల్లర వ్యాపారులు.. వినియోగదారుల అభిరుచులు తెలుసుకోగలగడంతోపాటు వాటిని అందించగలుగుతున్నారు. అలాగే తమ ఉత్పత్తుల జాబితాను సమర్థవంతంగా నిర్వహించుకుని ఖర్చులను తగ్గించుకుంటున్నారు' అని రిక్ హర్ష్మన్ పేర్కొన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
